"သတ်ပစ်"
"ဟုတ်ကဲ့"
"ငါခိုင်းတာမှန်း ရှိုင်းစစ်မရိပ်မိစေနဲ့။ Hitachi တွေဘက်က တိုက်ခိုက်ရင်း အဲ့ကောင်လေးပါ ပါသွားတဲ့ပုံမျိုး၊ အတတ်နိုင်ဆုံး တူအောင်လုပ်"
"ဟုတ်ကဲ့ဆရာ"
လူယုံတဖြစ်လဲ အတွင်းရေးမှူးအား သွေးအေးအေးပင် ခိုင်းစေလိုက်သည်။ အတွင်းရေးမှူးပြန်ထွက်သွားမှ စားပွဲပေါ်မှ ဖုန်းကိုယူကာ တစ်နေရာဆီ ဆက်လိုက်သည်။ တစ်ဖက်ဆီမှ အသံစကြားလာမှ
" နေကောင်းပါရဲ့လား ဗိုလ်ချုပ်"
"ဦးမာန်ခက်တို့ ထူးထူးဆန်းဆန်း ဖုန်းဆက်လာပုံထောက်တော့ ပစ္စည်းတွေ ရောက်တော့မယ်ထင်ပါရဲ့"
"ဟားဟား ဟုတ်ပါ့ဗျာ။ အခုအခေါက်က အရင်လို ဆေးတွေတင်မဟုတ်ပဲ ဈေးကြီးကြီး ရှားပါးပစ္စည်းလေးတွေလည်း ပါတယ်လေ"
"အိုးဟိုး ဒါဆို ကြေးပိုမြှင့်ရမှာပဲထင်တယ်"
"ကောင်းပါပြီဗျာ ။ မြှင့်တော့လည်း လိုက်ရတာပေါ့"
ဖုန်းချပြီးတဲ့နောက် ပစ္စည်းတွေမနက်ဖြန်ရောက်မည် ဆိုသည့်အကြောင်း ဖုန်းထပ်ဝင်လာသည်။
သက်ပြင်းသဲ့သဲ့ချပြီး စီးကရက်ကို ပြာခွက်ထဲ ဖိချေလိုက်သည်။
.
.
.
" နေကောင်းရဲ့လား "
"ကောင်းပါတယ်"
"ဖြူဖတ်ဖြူရော်နဲ့ သေချာရဲ့လား"
"အင်း"
"သေချာပါတယ်နော်"
တတိယမေးခွန်းဆုံးပြီးတဲ့နောက် လက်ထဲမှဇွန်းအား ချလိုက်ကာ မျက်ခုံးကြုတ်၍ မော့ကြည့်လိုက်သည်။ စွာမလို့လုပ်ထားပေမယ့် စိုးရိမ်တကြီးမျက်ဝန်းတွေကြောင့် စိတ်လျှော့လိုက်ရသည်။
"ပင်ပန်းလို့ပါ"
ခေါင်းငုံ့ချလိုက်ပြီး စားလျက်စ ခေါက်ဆွဲကြော်ကိုသာ တို့ကနမ်းဆိတ်ကနမ်း ဆက်စားနေလိုက်သည်။
ပါးပြင်ပေါ်လာထိတွေ့တဲ့ လက်ဖဝါးပြင်ကျယ်ကျယ်ကြောင့် မော့ကြည့်လိုက်တော့ သနားစိတ်ပြည့်နေတဲ့မျက်ဝန်းတွေ
أنت تقرأ
ကြည်နူးရသောအမုန်း
عاطفيةတည်ငြိမ်တဲ့ဆရာဝန်လေးနဲ့ မျက်နှာကြောတင်းတင်းနဲ့နေတတ်ပြီး မာနကြီးတဲ့ Mafia ဂိုဏ်းတစ်ခုက လူဆိုးလေးတစ်ယောက်..မတော်တဆ ချစ်မိသွားတဲ့အခါ.....
