The Only Girl

Kabanata 03

Jack Daryl

Anong oras na pero wala pa rin si Mrs. Sanchez. May balak pa bang magturo 'yon? Basta section namin palagi siyang late. Kahit na hindi nila gusto na turuan kami ay dapat itrato pa rin nila kaming estudyante katulad ng pag-trato nila sa iba.

"Oy, Jack!" tawag sa akin ni Austin na parang batang nawawala. Pagkain na naman ang kailangan niyan.

"Wala ka na bang pagkain d'yan?" nakangusong tanong niya.

Sabi na, e.

"Wala na! Inubos mo na!"

Tang'nang to, almusal ko sana 'yon pero siya na ang kumain. Hindi man lang nagtira.

Lupet din!

Natahimik kami saglit nang mapansin namin na bumukas na ang pinto. Umayos na kami ng upo at baka mapagalitan pa. Mahirap na, graduating pa naman.

"Good morning, class!"

"Good moaning, ma'am!"

Napailing na lang ako sa naging tugon nila kay ma'am. Minsan ay hindi ko alam kung anong tumatakbo sa isip nila. Wala ata sa isip nila na malapit na kaming umalis sa school na 'to.

Natahimik ang lahat nang makarinig kami ng tumatawa sa labas. Tumingin ako agad kay Hendrix. Siya naman nagkibit-balikat lang, ibig-sabihin ay wala rin siyang alam. May bago na naman ba?

Napahawak ako sa tainga ko dahil pakiramdam ko ay sumasakit ito dahil nakakainis ang tawa nung babae. Para bang nang-aasar!

Who the hell is she?

Hindi kami umalis sa upuan namin pero sumilip kami sa labas. Tumigil siya sa pagtawa nang mapansin niya na nakatingin kami.

"Ms. Fernandez, pwede ka nang pumasok."

Fernandez?

Pumasok na siya sa loob at hindi na siya natawa ngayon.

Pagkatapos tumawa, ngayon seryoso na? Baliw ba 'to? Napailing na lang ako. May dadagdag na ata sa mga baliw kong kaklase— Nah! Aalis din 'to. Mapapaalis ko rin 'to.

She looked around and her naturally red lips started to part.

"I... I'm the only girl here?!"

Obvious ba?

"Ah, yes. Nagulat din ako kung bakit dito ka napunta. Can we talk outside?"

Rinig kong sabi ni Ma'am. For sure mag-o-offer lang 'yan na ilipat sa ibang section ang babae lalo na't alam niyang mayaman ito.

Halatang anak mayaman, e. Maputi, makinis, matangkad, sexy at higit sa lahat maganda siya— what the?

Mas maganda pa rin si Mia.

Dire-diretso siyang pumasok sa loob, dahil iisa lang naman ang vacant seat, wala siyang choice kundi doon umupo. Sa gitna pa naman iyon.

Dumating na si Mrs. Cornelia. History teacher namin.

"Anong plano natin sa kaniya?" tanong sa akin ni Harry habang pasimpleng tinitignan ang babae.

"Oo nga. Paaalisin din natin?" dugtong ni Ivan.

"Pahihirapan para kusang umalis?" Shawn gave us a sly smirk.

"'Wag na nating paalisin. Sayang naman s'ya o. Ganda ng katawan." Napangiwi ako. Type niya talaga iyong magaganda ang katawan.

"Pati mukha maganda," dagdag ni Calyx sa sinabi ni Alexis.