The Only Girl

Kabanata 12

Nang makabalik ako sa classroom ay nakatutok silang lahat sa mga cellphone nila.

Anong meron?

Hindi nila napansin ang pagdating ko dahil busy sila kaya dumiretso na lang ako ng upo sa upuan ko.

Kumunot ang noo ko nang masilip ko ang tinitingnan nila. Picture iyon at may video din silang pinapanood.

Napaayos ako ng upo nang makitang nandoon ako sa video. Saan naman galing 'yon? Kanina lang nangyari ang nasa video na pinapanood nila at nandoon din sina Lei Anne! Video iyon na naglalakad kami papunta sa gymnasium. May mga edit-edit pa akong nakita!

"Where did you get that?" I asked calmly but deep inside... I want to explode in anger.

"Sa Facebook," simpleng sagot sa akin ni Calyx.

"Ang cute niyo, Jade," Austin said while giggling. "Ang angas pa."

Para 'yun lang?

Napahawak na lamang ako sa ulo ko nang biglang kumirot iyon. Sumasakit na ang ulo ko dahil sa mga nangyayari. Una, dahil kay Jake. Pangalawa, makakalaban ko sa volleyball ang dating school na pinapasukan ko. Ngayon naman... viral na ang video naming apat! At sa hindi ko malamang dahilan!

Sabay-sabay lang naman kaming naglakad kanina! Ano namang mayroon doon?

Binuksan ko ang cellphone ko at nakita sa kung saan-saang social media 'yung video. May kani-kaniyang edit pa! Puro positive comments naman ang nakikita ko kaya hinayaan ko na.

Napahawak akong muli sa ulo ko. Napapadalas na naman ang pagsakit nito.

Tumunog na ang bell kaya agad akong tumayo at kinuha na ang bag ko. Naghahanda na rin sa pag-alis ang mga kaklase ko. Tumaas ang kilay ko nang makitang iniiwasan ni Kian ang tingin ko.

Naramdaman kong may humila sa bag ko kaya napatigil ako sa paglabas ng classroom.

"What?" inis na tanong ko sa taong gumawa no'n.

Gusto ko nang umuwi!

"I think you're forgetting something," ani niya habang ang seryosong mukha ay mariing nakatitig sa akin.

My forehead creased. What is he talking about?

Binitawan niya ang bag ko at umirap sa akin. "My mom."

Hala, bakit ko nakalimutan?

"Give me your address."

Umalis na agad ako pagkatapos niyang sabihin ang address nila. Muntik ko pang makasalubong si Jake kaya umiba na agad ako ng daan. Nakita ako ni Mia pero hindi naman niya ako tinuro kaya hindi ako nakita ng kapatid ko.

Mabilis lang akong nakarating sa bahay nina Daryl dahil hindi naman 'yon kalayuan sa school namin. Kasunod ko lang din naman siyang dumating.

"That's yours?" he asked. Nakatingin siya sa kotse ko.

"Yeah," maikling sagot ko.

Nasa gate pa lamang kami ay kita ko na agad ang mommy ni Daryl. Mabilis na lumaki ang ngiti niya nang makita ako.

"Hello, Jade!" Nakangiting lumapit sa amin ang mommy ni Daryl. Ako naman ay ngumiti lang din dahil hindi alam ang sasabihin.

Napalingon ako sa katabi ko at inirapan niya lamang ako nang magtama ang tingin namin.

Ang hirap din intindihin ng mood ng lalaking 'to!

"Jack, anak, nasa office ang daddy mo," sabi ng mommy ni Daryl sa kaniya. Tumango naman ang isa at umalis na sa tabi ko.