The Only Girl

Kabanata 35

I-a-announce na ang mga nanalo. Puno na ang auditorium kaya medyo nahirapan kaming humanap ng upuan. Nakita ako ni Rio at ngumiti ito sa akin kaya gano'n din ang ginawa ko.

'Yung nangyari kanina... Did he... confess his feelings to me? Or was I dreaming?

Nagsisimula na ang program. Nakahanap na rin kami ng mga upuan. Hindi ako nakasagot sa mga sinabi ni Daryl kanina dahil dumating na si Austin. Tinamad na raw kasi siyang pumila kanina at nagpabili na lang din.

"We are now announcing the winners of our contests held in the past few days. Are you guys ready?!" We clapped our hands loudly. Some are yelling because of excitement.

"For our Solo Singing Contest! The winner is... Section B!"

My lips parted. I expected Hendrix to win. Pero okay lang. Nag-enjoy naman siguro siya. Pero syempre nakakalungkot pa rin.

Naramdaman kong may umakbay sa akin. Tiningnan ko kung sino iyon. Si Hendrix lang pala. Ngumiti siya habang pinapanood na bigyan ng certificate ang nanalo.

"Okay lang 'yan. Mukha kang nalugi," natatawang sabi niya sa akin.

"Kapag hindi mo inalis 'yan, puputulin ko 'yan," rinig kong bulong ng isa ko pang katabi.

Kumunot ang noo ko at nilingon siya. Sino namang kausap ng lalaking 'to?

Nagulat ako nang biglang alisin ni Hendrix ang braso niyang nakaakbay sa akin.

Natigilan ako nang ma-realize iyon pero agad din akong umirap at nag-iwas ng tingin sa kaniya para itago ang... kilig na nararamdaman. Ngumuso ako. Bakit naman ako kinikilig sa gano'n?

Malandi.

Pumunta sa harap ang nanalo. Nag-picture ito hawak-hawak ang certificate niya. Kasama ang mga teachers sa picture. May photographer naman na nagpi-picture.

"At ang nanalo sa ikalawang contest natin ay ang..."

Ngumiwi ako. Akala mo naman nakaka-intense ang way ng pag-announce niya e' hindi naman.

"Section E!"

Napakurap-kurap ako. Ano raw? Mabilis akong tumingin sa katabi ko dahil sa gulat. Ngumiti ito sa akin at hinawakan ang kamay ko para pumunta na sa stage.

Mabilis ang tibok ng puso ko. Ngumiti ako sa Host at proud na ngumiti naman siya sa akin. I bow my head as a respect to the Principal.

Inabot na sa amin ni Daryl ang certificate. Ako ang humawak no'n. Ngumiti na ako sa camera. I bit my lower lip. Magkadikit kami ni Daryl ngayon kaya hindi ako mapakali. Pagkatapos ng nangyari kanina ay mukha bang makakagalaw ako ng maayos kapag sobrang lapit niya sa akin?

Tuwang-tuwa ang mga kaklase namin. Rinig namin ang sigaw nila kahit na malayo sila sa amin. Napailing na lang ako dahil medyo nahihiya na dahil sa sobrang ingay nila.

"Ang galing!" malakas na sigaw ni Austin at tumakbo para mayakap kami ni Daryl.

Kinuha niya ang certificate at tinitigang mabuti iyon habang naglalakad kami pabalik sa upuan namin.

"Nakita niyo ba 'yung dalawa? Bagay sila, 'no?" biro ng Host at kinikilig pa.

Maraming sumuporta sa sinabi niya at may mga lumingon din sa amin kaya napatakip ako ng mukha habang nakangiti. Pulang-pula na siguro ang mukha ko! Yumuko na lamang ako para hindi mahalata. Nanatili akong ganoon hanggang sa maramdaman kong hindi na mainit ang pisngi ko.

"And the winner is... Section E!"

Napaayos ako ng upo at mabilis na napapalakpak kahit na hindi sigurado kung tama ba ang narinig ko.