The Only Girl

Kabanata 10

Emerald Jade

Nakaalis na ang mga nanonood. Si Sir Jayson naman ay kinakausap pa rin kami. Nagbibigay siya ng mga tips para mas maging maayos pa ang laro namin.

"Okay naman ang teamwork natin. Ang problema lang ay lagi kayong nagkakabungguan kapag sasalo ng bola kaya nasasayang ang puntos," ani niya at tumango naman kami.

Maayos sana ang usapan kung hindi lang umimik si Lei Anne.

"Palagi kasing umeepal 'yung isa d'yan," bulong niya na narinig ko naman!

Alam kong ako ang sinasabihan niya dahil kaming dalawa lang naman ang palaging nagkakasalubong!

"Kung hindi ka kasi bobong sugod nang sugod," sagot ko agad dahil siya naman ang may problema rito. Hindi ko nga malaman kung marunong ba talaga siyang maglaro o nagpapasikat lang siya, e. Siya palagi ang may error sa amin.

Mabilis na humarang sa amin si Dianne nang maramdaman niyang hindi nagustuhan ni Lei Anne ang sinabi ko.

"Anong sabi mo?" iritadong tanong niya sa akin.

"Totoo naman ang sinasabi ko, ah? Bakit ka nagagalit?" tanong ko, hindi nagpapatalo sa kaniya.

"Tanga ka pala, e! Ikaw kaya 'tong sumubok agawin sa akin 'yong bola!" galit na sigaw sa akin ni Lei Anne.

Napairap naman ako dahil sa sinabi niya. Paanong aagawin e' kailangan ngang ma-save? Ako ang nasa malapit kaya malamang na hahabulin ko 'yon! Sayang ang puntos. At mas nasayang lang lalo dahil sa kaniya!

"Girls, chill. Tama na 'yan. Panalo naman tayo, oh." Lumapit sa amin si Sir Jayson para umawat din.

Pero dahil hindi ko nagustuhan ang pagsigaw-sigaw sa akin ni Lei Anne ay malamang na sasagutin ko rin siya! Sinabihan pa ako ng tanga!

"Ano ba ang kinakagalit mo?" kunot-noong tanong ko at lumapit sa kaniya. "Ikaw lang naman ang maraming mali rito! Buti nga nanalo pa tayo, e. At anong inagaw? Bobo ka ba? Sa side ko lalapag 'yung bola! Ikaw, nasaan ka ba? Ang layo mo, 'di ba? Nakisabay ka pa sa akin!" inis na sigaw ko rin.

Ramdam ko ang paghawak ni Mia sa akin, pilit na nilalayo ako sa kaibigan niya.

"Wow! So, sinasabi mong ako ang may kasalanan? Bakit hindi mo na lang aminin na mali ka naman talaga? Sabagay, kailan ka nga ba umamin sa mga pagkakamali mo?" She scoffed which made me more annoyed.

Masyado naman atang malalim ang pinaghuhugutan niya? Ni hindi ko na nga makita ang connection no'n sa pinagtatalunan namin!

Binitawan na ako ni Mia. "Bola pa rin ba 'yang pinag-aawayan niyo?"

"Ano sa tingin mo?" inis na tanong ko. Wala naman kaming ibang dapat pag-awayan ni Lei Anne.

Inis na tumingin siya sa akin. "Bakit pati sa akin nagagalit ka?"

"Bakit ba kasi nangingialam ka?" inis na tanong ko rin at hinarap siya.

Magsasalita at susugod pa sana si Lei Anne sa akin ngunit sumigaw si Mia kaya napatigil siya.

"Tumigil na nga kayong dalawa! Ano ba talagang problema niyo at hindi pa rin kayo tapos?" tanong niya at napairap naman ako.

'Yung bola nga sabi!