Lunar Academy: School For The Hunters

Epilogue

Even though it has already been a year, walang nagbago sa Lunar Academy. Nanatiling tumatanggap ng mga trabaho ang mga guilds dito.

Nagpatuloy ang paggalaw ng mga officials ng mga Academies. Nalaman nila ang katrayduran na ginawa ni Sir Cael at agad silang naghanap ng kapalit nito.

Ngunit kahit isang taon na lumipas, hindi sila naghanap ng kapalit ni Helena.

Siya pa rin ang tinuturing tagapamahala ng paaralan na ito kahit wala na kaming balita sa kaniya.

"Miss Scarlet!" Rinig kong tawag ng isang lalaki.

Napalingon ako sa pinanggalingan nito at sumalubong sa akin ang isang pamilyar na babae at lalaki.

"Oh, Aren. Bakit?" nakangiting tanong ko.

"Ngayon na po lalabas ang resulta ng pagsusulit nina Kuya at Miss Lemon! Gusto niyo po bang sumama para makita sila?" masiglang sambit ni Aren.

Hindi ako tumanggi at isang tango ang sinagot ko sa kanila. Mabilis nila 'kong dinala sa harap ng Academy kung saan nakalagay ang malaking information board.

Isang rookie si Aren ngayon sa Grim Reapers at ang babaeng kasama niya. Katulad nina Zeldrick, August, at Law ay isa na rin akong Senior.

Nanatiling Guild's Master namin si Gin. Sa kabilang banda ay parehong may kinuhang test si Lemon at Elroy para maging isang ganap na Masters.

Dumating kami nina Aren sa information board at naabutan naming nando'n na sina Elroy at Lemon, kasama ang puting pusa nito.

"Kuya!" pagtawag ni Aren kay Elroy.

Parehong napatingin sa direksyon namin sina Lemon at Elroy na may malawak na ngiti.

"Scarlet!!! Nakapasa kami!!!" masiglang bungad ni Lemon sa akin.

Tumakbo ito sa direksyon ko at mahigpit akong niyakap. "I'm already a Master!!!" nakangiting dagdag niya.

Isang ngiti ang pinakita ni Elroy sa reaksyon ng ka-partner niya. Hindi rin nito maitago ang saya dahil sa magandang balitang natanggap.

"Congratulations," nakangiting sambit ko.

Tinanggal ni Lemon ang pagkakayakap sa akin ngunit hindi pa rin nawawala ang pagkasigla nito. Bigla niyang hinila si Elroy na nakikipag-usap kina Aren.

"Pupunta kami sa Guild at sasabihin sa iba!!" masiglang sambit ni Lemon.

Hindi man lang niya kami hinintay na makasagot at kumaripas na kaagad ito ng takbo. Napabuntong-hininga na lang ako sa ginawa niya.

"E-Eh. Miss Scarlet, susunod po kami sa kanila," sambit sa akin ni Aren.

Tumango ako sa sinabi niya at pinanood silang mawala sa paningin ko.

Naiwan akong mag-isang nakatayo. Napagpasyahan kong magikot-ikot na lamang sa Academy.

Seeing this place makes me reminisce. I first thought that this place is like a prison—it turned out to be true.

I chuckled. But who would thought that this will be my new home?

Habang naglalakad malapit sa gate ay nabigla ako sa mga pamilyar na mukha na bumungad sa akin.

Mukhang paalis na sila ngunit natigilan din sila nang makita ako.

"Oh, Scarlet," bungad sa akin ni Zail. Kasama niya ang iba pang Deities.

Tanging pagngiti ang nagawa kong ipambati sa kanila. Pumupunta sila rito minsan sa Lunar Academy upang kumuha ng impormasyon at balita.

"Looks like there's still no luck huh," biglaang sambit ni King.