مراهقة فى قبضة زعيم ( مكتملة )

البارت السابع

الكاتبة وفاء مطر
★*******★

حاتم : اخلصي يا بنتى انطقي عايزه ايه ، مش انتى عايزه تدربي على ضرب النار
ماتيلدا بهدوء : حاتم اتجوزنى
حاتم بصدمه : بتقولى ايه ..انتى مستوعبه
ماتيلدا ببرود : اه مستوعبه ايه مستغرب يعنى عشان بنت هى اللى بتطلبك للجواز مش العكس
حاتم : ده اسم هبل وجنان ..ده انا لو اتجوزت كنت خلفت قدك انتى عبيطه
ماتيلدا : لو بقي ..لكن ربنا كان حايشك لحد ما اجيلك عشان تتجوزنى انا
صدمت حاتم اوقفته فى مكانه ماذا تقول هذه المجنونه أيعقل ان توصل جرأتها لهذا الحد !!
اما ماتيلدا فتذكرت ما حدث امس

Flash back

تجلس كلاً من ماتيلدا وهدير على ارجوحه بالحديقة الخلفيه التى لا يوجد بها حرس نظراً لغيرة الزعيم !
ماتيلدا : الا قوليلى يا هدير هو ليه حاتم مقتلنيش لحد دلوقتى
هدير : متستعجليش
ماتيلدا : طب ما تحكيلى عنكو شويه
هدير : بصي يا ديدا من الآخر اخويا قلبه مات من زمان من عشر سنين ..السبب بقي هو يقولهولك انا مقدرش اقولهولك ثم اغرورقت عينها بالدموع ثم استأنفت حديثها بتنهيده
المهم اخويا بيخاف على اللى منه قوى
ماتيلدا بإعجاب  : بمعنى !!
هدير : بمعنى ان طول ما حد من عيلتنا يقربلنا هو ميقدرش يأذيه او يجى جنبه او يقتله عشان كده انا ضامنه نفسي انه مش هيقتلنى ..ممكن مشاكلنا توصل للضرب وحجات تانيه كتير بس عمره ما هيموتنى فهمتى قصدى
ماتيلدا : طب هى فين عيلتكو دى
هدير : للاسف العيله كلها انا معرفش عنهم حاجه من زمان من ساعت م بابا وماما الله يرحمهم ..
ماتيلدا بصدمه : يعنى انتى دلوقتى متعرفيش حد من عيلتك ابداً
هدير بسرعة : لا جدى وجدتى عايشين
عندهم ارض فى الجبل فى قريه بعيده كده عن الناس وعندهم مزرعه وبيت جميل فيها
ماتيلدا بهيام : وحشنى جو الارض ده قوى ، وكمان عندهم مزرعه وبعيد عن الناس ما تيجى نروح
هدير : لا طبعا مش هينفع ، لو روحنا لازم حاتم يكون معانا ومعتقدش انه هيخليكى تروحى عشان تعرفى سر او مكان زى ده
ماتيلدا بعلامات حزن مزيفه  : تمام خلاص
ثم قالت بداخلها " اممم يعنى اللى منه مش بيقتله ، اذن يبقي لازم اتجوزه ولو بأى طريقه وكمان عشان لو ضعفت قدامه او هو باسنى يبقي فى الحلال ما انا مهما كان مسلمه وعيب وحرام اللى بيحصل ده "
Back

فاقت من شرودها على صرخة حاتم : انتى عبيطه تتجوزى مين امشي غورى من وشي دلوقتى واطلعى على اوضتك بنى ادمه متربتيش
ماتيلدا ببكاء : اتجوزنى مليش دعوه لإما ههرب عااااا اهئ اهئ اهئ
حاتم بصدمه : يا بنت المجنونه
ماتيلدا بعد ان هدأت : طب بص تعالى نتكلم بهدوء ، دلوقتى لو اتجوزنا انت هتدربنى وانا مرتاحه انك لو لمستنى وانت بتدربنى مش هيبقي حرام وهدخل معاك الكبينه دى اتعلم ضرب النار عادى عشان مراتك ومش هيبقي حرام طول ما انا لازقة فيك كده صح
بدأ حديثها يقنع الزعيم
اردف بغيظ : يا ستى شلا ماعنك اتدربتى ولا اتنيلتى انا اتجوزك ليه بردو مش فاهم
ماتيلدا : عشان ده ثم شاورت على قلبه
اخذ قلبه يخفق بشده : مش فاهم
ماتيلدا وهى تضع رأسها على صدره موضع قلبه : سمعه صوته ، بيدق اوى وانا جنبك انت حبيتنى ولازم تتجوزنى
صدمه اخرى تحل عليه من هذه الجريئة : يخربيت عقلك انتى متأكده انك بنت
ماتيلدا بغمزه : اتجوزنى واتأكد
حاتم وكأنه دلو بارد وقع على رأسه أي مصيبه حلت على رأسه : بت انتى مش طبيعية انتى هتجبيلى جلطه والله
ماتيلدا : وعلى فكره بقي انا بضعف قدامك ف لازم نتجوز ، شوف اهو كنت لسه مكلماك عن الدين وسندت راسي على صدرك
حاتم : اتجوزك واي المقابل يعنى انتى اللى هتستفادى مش انا ، لو على اللمس اللى بخصوص التدريب يبقي نلغى التدريب
ماتيلدا : طب لو
  متجوزناش متلمسنيش خالص اتفقنا ولا تمسك ايدى حتى ولا هقعد معاك على فطار واحد ولا هدخل اوضتك نهائي حتى لو معاك العالم كله جوا
حاتم : خلاص خلاص اي ده كله راديو واتفتح
ماتيلدا بهدوء : لو اتجوزنا هخليك تعمل اي حاجه انت عايزها
حاتم بغمزه ووقاحة وهو يقربها من خصرها بعنف وهو يضغط عليه : أي حاجه أي حاجه
ماتيلدا وهى تضربه بقبضتها على صدره : ابعد على فكره عيب كده
ثم تركها وهو يلتف خلفه ليجلس على كرسي : هه عيب وهو انتى تعرفى العيب ضحكتينى والله
ماتيلدا : عارف يا حاتم مشكلتك ايه
لم يرد عليها
ماتيلدا بإستكمال حديثها : مشكلتك انك فاكر نفسك اقوى واحد ومحدش هيقدر عليك ، بس انا اهو اضعف منك وهجيب حق كل الناس منك ..بس اضعف منك جسما متفكرش انى بقول كده اضعف منك شخصيه او تفكير