حياء فتاة ذات خلق يحبها الجميع ، من الطبقة فوق المتوسطة ، تحب دراستها كثيرا وهذا سبب فى تغيير مجرى حياتها ، ملتزمة بأحكام دينها من الثوب الفضفاض وغض البصر ..إلخ ، يواجهها الكثير من السخرية على ملابسها لأنها فضفاضة أى لا تشف ولا تصف وكذلك خِمارها ويطلقون عليه خيمة من أنظارهم .
في صباح يوم جديد ملئ بالأحداث والتوتر والقلق ، أجل فاليوم هو نتيجة الجامعة الفرقة الأخيرة لحياء فهي فى السنة الأخيرة من كلية العلاج الطبيعي ، استيقظت حياء وهي تأخذ أنفاسها بقلق لا تدري ستفرح اليوم أم ستبكي لكنها تصبر نفسها بأنها فعلت ما عليها وأن الله لا يضيع اجر من احسن عملا وما قدره الله حتما سيكون خيرا لها ، نهضت حياء من الفراش وأدت صلاتها وقرأت أذكار الصباح ثم جاءها صوت إخوانها وهم يتشاجرون مثل كل صباح فخرجت إليهم :_
جورى : بس يا بابا روح اتشطر على حد تانى
يزَن : اي ياختى اتشطر شايفاني بلعب معاكى
جوري : ما انت اللى بدأت فاكرني غبية أنا علشان امشي وراك بس يا بابا العب بعيد
حياء : أولا كده صباح الخير ثانيا اى الدوشة دى ع الصبح
جوري : والله يا حوحو هو اللى بدأ
يزَن : هو ! هو مين يا بت أنا أخوكي الكبير وتحترميني
جوري : وأنا كمان أختك ولازم تحترم...
حياء : بسسس اي مش بتزهقوا دماغي هتنفجر منكم
يزَن : ما تزعليش أنتِ ده النهاردة يوم نتيجتك وهتبقى فرحة
حياء : والله خايفة يا يزَن
يزَن : ما تخافيش يا قلبي أنتِ مجتهدة وأكيد ربنا هيكرمك
حياء : يارب
جوري : قلبي سيدى يا سيدى ناس ليها القلب وناس ليها الشبشب
يزَن وقد انفجر ضاحكا : كويس إنك عارفة
قطعت حديثهم ماجدة " الأم " : صباح الخير يا ولاد متجمعين فى الخير يارب
جوري : صباح النور يا ماما طبعا هو احنا بنتجمع إلا فى الخير
ماجدة : بطلى لماضة ويلا علشان نجهز الفطار
يزَن : ياريت يا ماما أنا جعان خالص
ماجدة : حاضر يا حبيبي جوري هتحضر الأكل عقبال ما نرتب السفرة انا وحياء
جوري : نعععععم جوري اللى هو أنا صح
يزَن : محدش غيرك اسمه جوري
جوري بغضب طفولي : رزل
ودخل الأب عليهم وهم مجتمعين معا
خالد " الأب " : الله الله متجمعين هنا ع الصبح ليه كده فيه مؤامرات من ورايا ولا إى
جوري : أجل سيدي هناك خطط لاقتحام المنزل فى حال عدم تواجدك
خالد بضحك : أيتها الفتاة الشقية اذهبي لتحضير الطعام هيا
جوري : أمرك سيدي
________________________________
فى مكان آخر
مالك : صباح الخير على أحلى أم منورة يا ست الكل
أميرة " الأم " : صباح البكش على الصبح
مالك : كده يا رورو أنا بكاش
أميرة : بكاش وسيد البكاشين كمان
أتت شهود ثم ألقت تحية الإسلام فردوا عليها السلام فقال مالك : صباح الخير يا شوشو
شهود : صباح النور عليك ... فرحانة جدا إنك قررت تشتغل هنا فى مصر مكنتش عارفة هقعد ازاى من غيرك
مالك : ولا أنا يا شوشو بس الحمد لله لعله خير
أميرة : ربنا يخليكم لبعض يا حبايبي
مالك : مش قولنا بلاش يخليكم دى
أميرة : لي
مالك : هفكرك التخلية بمعنى الترك واحنا دائما بندعى اللهم استعملنا ولا تستبدلنا معنى ربنا يخليك يستغنى عنك ويتركك استبدليها بأى دعوة تانية
أميرة : خلاص ربنا يحفظكم لبعض يا حبايبي
شهود : يارب
مالك : مش يلا نفطر
أميرة : يلا يا حبيبى
" أثناء الإفطار "
أميرة : اه صح يا شهود فى واحدة صاحبتك رنت علي النهاردة بتقول انها رنت عليكى امبارح كذا مرة بس انتى مردتيش وبتقول رني عليها ضرورى
شهود : أيوة آية افتكرتها مقالتش كانت عاوزة اى
أميرة : لا والله يا بنتى
شهود : خلاص هبقى ارن عليها
أميرة : قالت بس لازم النهاردة بس أكيد موضوع ضروى
شهود : طالما كده خلاص هرن بعد الفطار
أميرة : إن شاء الله
مالك : تمام كده .... سلام بقى أنا ماشى
أميرة : بالسلامة يا حبيبى
_______________________________
فى مكان آخر بل فى قارة أخرى بل فى ألمانيا
" طبعا الحوار مترجم "
توماس : حقا مارتن أنت غريب ألا تعجبك تلك الفتيات الحسناوات
مارتن : أنا من أصل عربي وأعتبر ما تفعله تلك الفتيات قلة حياء
توماس : كيف ستتزوج إذا ؟!
مارتن : أريدها مختلفة عن الآخرين لا أستطيع أن أصفها لك توماس لن تفهم قصدي أبدا
توماس : سمعت أن اسمك تميم وليس مارتن أهذا حقا
مارتن : أجل كان هذا اسمي القديم عندما كنت بمصر
توماس : لماذا غيرته ؟
مارتن : هذه قصة طويلة سأحكيها لك لاحقا
توماس : وأنا متشوق للسماع
مارتن : كفانا هراءا هيا نذهب لقد أضعنا الوقت فى هذه التفاهات
توماس بتعجب : حقا أنت غريب مارتن منذ بضع ثوانٍ كنت هادئ وتغير مزاجك فى ثوان هيا هيا نذهب
_________________________________
لنعود مرة أخرى إلى حياء وعائلتها
بعد انصراف جوري إلى المطبخ وجه الأب حديثه إلى حياء قائلا : حياء يا بنتي النهاردة نتيجتك عارفك متوترة بس ما تخافيش أنا راضي بأي تقدير أنا عارف إنك عملتى اللى عليكى وبزيادة واطمنى أمر المؤمن كله خير
بثت تلك الكلمات الراحة لقلب حياء فقبلت رأس والدها وقالت : ده المنتظر من أب عظيم زيك ربنا يحفظك لينا يارب
خالد : حبيبتى يا حوحو
يزَن : يا بت يا حوحو ما تعلمى اختم دى جملتين حلوين تقولهم بدل ما هى دبش كده
حياء بضحك : حاضر
خالد : تعالالى هنا أنا شايفك واخد راحتك كده وزى ما يكون هتخلل جنبنا
يزَن : اى يا بابا مش فاهم قصدك أنا بشتغل فى شركة يعنى عندى الوظيفة !!
خالد : يابنى أنت بقيت مهندس ديكور والله أكبر عليك شاطر فى شغلك والشقة اللى قبالنا مجهزينهالك مش ناوى تتجوز
يزَن : جواز اى يا بابا اللى بتتكلم عنه دلوقتي أنا لسا عاوز اكون نفسى يادوب متخرج من سنتين يعنى لسا
ماجدة وهى تجهز السفرة : لسا اى يابنى زى ما ابوك قال عندك الوظيفة والشقة مستنى اى تانى
يزَن : مش مستنى حاجة يا ماما بس مش عاوز اتجوز دلوقتي وبعدين فين العروسة دى أنا عاوزها فى أخلاق إخواتي
ماجدة : إذا كان ع العروسة فنجيبلك أحسنهم
دخلت جورى وسمعت أخر الحديث فقالت : اى ده انا سامعاكم جايبين سيرة عروسة مين هيتجوز
يزَن : اخرسي انتى
حياء : جهزتي الفطار يا جورى
جورى : أيوة خلصت وكنت جاية رتبتوا السفرة ولا لا
حياء : ماشى يلا نفطر طيب
همّ الجميع إلى السفرة لتناول الإفطار وبعد الانتهاء ذهب كل من خالد ويزَن إلى عمله وبقيت ماجدة والفتيات فى المنزل
______________________________
بعد أن أنهت شهود إفطارها همّت بالنهوض فاستوقفتها أميرة : استنى يا شهود عاوزاكى
شهود : خير يا ماما
أميرة : أنتي خلاص يا بنتى خلصتي الكلية والنهاردة نتيجتك يعنى مالكيش عذر فى الجواز
شهود : وبعدين يا ماما على طول كده
أميرة : أيوة يا بنتى على طول هتستنى اى تانى انتى بيتقدملك شباب زى الورد
شهود : انا اصلا مش عاوزة اتجوز
أميرة : لى يعنى
شهود : انتى عارفة وبعدين لو انا موافقة دول مش ملتزمين
شهود : بس مش ملتزمين يا ماما
أميرة : ازاى دول محترمين يا بنتى
شهود : فى فرق بين الالتزام والاحترام الاحترام ده يقاس بمبدأ عيب صح غلط ما ينفعش على حسب عرف البلد أما الالتزام ده يقاس بالحلال والحرام
أميرة : أنا غلبت معاكى يا بنتى
شهود : معلش يا ماما استحملينى
" قال رسول الله صلى الله عليه وسلم " إذا جاءكم من ترضون دينه وخلقه فزوجوه " ولم يقل ترضون نسبه أو ماله بل دينه ثم خلقه فاحسنوا اختيار الأزواج بمقياس الدين والخلق لا المال والنسب "
________________________
أول مرة اكتب رواية عاوزة أعرف أرائكم اى واستمر في كتابتها ولا لا وانتقاداتكم اهم شىء ♥️
#غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
