في اليوم التالي
استيقظ مالك وهو يشعر ببعض ألم في الرأس فشرب مسكنا وتناول فطوره وذهب إلى المستشفى حضر إليه يزَن وطرق الباب فأذن له بالدخول فدخل قائلا : أحلى صباح على الدوك بتاعنا
مالك : لا بلاش دوك دي 😂
يزَن : لي بس
مالك : شوف دوك و dog متقاربين والمفروض تفهم بقى 😂
يزَن : خلاص فهمت .. هسجلك ع الموبايل الدوك 😂
مالك : انت بتستفزني بقى 🙂
يزَن : بالضبط كده
مالك : خلاص هزرنا.. نتكلم جد بقى
يزَن : تمام
أخرج مالك ورقة من الدفتر الخاص به وأخذ يدون عليها بعض أسماء الأدوية بينما وهو يكتب شهر بصداع فأمسك رأسه بيده اليسرى
يزَن : مالك أنت تعبان
مالك : شوية صداع بس
يزَن : ألف سلامة عليك .. طيب ما ترتاح
مالك وهو يعطيه الورقة : بعد ما هعمل عملية الآنسة جوري هاخد شهر أجازة
يزَن : عملية جوري بعد أسبوع ومش هينفع تستمر أنت على كده خد أجازة الأسبوع ده وبعدين ابقى ارجع على عملية جوري
مالك : في ناس محدد معاها مواعيد العملية الأسبوع ده ومش هينفع أخد أجازة
يزَن : طيب مفيش دكاترة تاني هنا
مالك : اه
يزَن : طيب سلمهم العمليات دي وخد أنت أجازة
مالك : أنا فكرت في كده بس متردد علشان لسا ما كملتش شهر هنا بشتغل
يزَن : عادي يا مالك أنت تعبان وعاوز ترتاح وبعدين اي اللي مخليك مصدع كده
مالك : بطبق أيام ومش بنام لغاية ما حصلي أرق ومش قادر أنام
يزَن : اللي بتعمله ده أولا هيجي على حساب صحتك ثانيا على حساب شغلك مش هتقدر تركز
مالك : مفيش حل قدامي غير كده
يزَن : لا فيه تقوم تاخد كام يوم أجازة
مالك : بس..
يزَن : من غير بس ومش همشي من هنا غير وأنت معاك ورق الأجازة
مالك : ماشي أمري لله
___________________________________
ماجدة : هي جوري ما بقتش بتطلع من أوضتها لي ما شوفتهاش من امبارح من ساعة ما جات من المستشفى
حياء : معظم الوقت نايمة
ماجدة : اللي بتعمله ده مينفعش لازم تعيش حياتها عادي
حياء : خلاص أنا هروح أجيبها
ماجدة : ماشي
ذهبت حياء إلى جوري ووجدتها تعبث في الهاتف الخاص بها وتبتسم
حياء : جوري
انتفضت جوري وأغلقت الهاتف فورا فقالت حياء : اي مالك خفتي لي كده .. أنتي كنتي بتكلمي مين
جوري : بكلم.. سها صاحبتي .. وبعدين هو تحقيق يا حياء .. المفروض إن دي خصوصية ولا اي
حياء : ماشي يا جوري لما نشوف إي حكاية سها دي اللي طلعت مرة وحدة
جوري : كنتي عاوزة اي
حياء : ماما عاوزة تتكلم معاكي
جوري : ماشي أنا جاية
حياء : طيب
خرجت حياء ثم فتحت جوري هاتفها مرة أخرى وأكملت ما كانت تفعله
بعد قليل رجعت حياء مرة أخرى فتكرر الموقف فقالت حياء : جوري ما جيتيش لي .. وبعدين لي كل ما ادخل بتتخضي كده .. كنتي بتعملي اي
جوري : بعمل اي يعني قولتلك بكلم صاحبتي
حياء : جوري هاتي الموبايل
جوري : لا لي
حياء : قولت هاتي الموبايل وما تعصبينيش
جوري : لا مش هديهولك
حياء : والله إن ما جبتيه لهقول ليزَن لما يرجع ويتصرف هو بقى
جوري : لا .. خلاص .. خد..خديه أهو .. وكانت يديها ترتجف
أخذت حياء الهاتف وفتحته ثم شهقت وقالت : نهارك أبيض اي ده
جوري : اي يعني ده جروب
حياء : والله .. على أساس إني مش عارفة إنه جروب .. جروب اي ده
جوري : جروب عادي يعني .. بنهزر فيه ونفك عن نفسنا شوية
حياء : يا سلام جروب أولاد مع بنات وكمان بتهزروا فيه .. اي يا جوري حصلك ايه
جوري : على فكرة احنا بنضحك ع الجروب بس لكن لو واحد دخل خاص بعمله بلوك
حياء : لا جدعة يا بت ما دام كلكم مع بعض يبقى عادي اخوات لكن ع الخاص لا
جوري : أيوة
حياء : جوري والله مش محتاجة اشرحلك يعنى الغلط اللي عملتيه .. بس عاوزاكي تعرفي أولا الجروب ده من الكلام اللي قريته دلوقتي وبتقولي هزار جروب مش محترم ثانيا الجروب زيه زي الواقع كام ولد وكام بنت مع بعض وبيتكلموا عادي بس الفرق إنهم بالأرقام .. يعنى عاوزة تفهميني إن لو شوية أولاد وبنات اتجمعوا مع بعض هتروحي تتكلمي معاهم عادي كده .. ولا هتقوليلي اه بس لو ولد منهم جه كلمني لوحده هتخانق معاه اللي هو زي دخلك خاص وعملتي بلوك
وضعت جوري رأسها أرضا من الخجل
فقالت حياء : أنا عارفة إنك مش هتردي ... أنا غادرت من الجروب .. قوليلي مين بقى اللى ضافك هنا
جوري : وحدة صاحبتى
حياء : صاحبتك مين
لم ترد عليها جوري فقالت حياء أنا هشوف الأدمن مين فاطلعت على الهاتف ثم قالت : الأدمن ولدين وبنتين وفي واحدة من البنتين مسجلة ب " سهوكة " مين دي
جوري : دي .. دي سها
حياء : سها !!! .. مش دي صاحبتك المحترمة اللي مفيش زيها وبعدين اي الاسم اللي مسجلاها بيه ده
جوري : هي بتحب الاسم ده
حياء : مش عارفه اقولك اي والله.. بس دي بتجرك لطريق بعيد عن طريق ربنا .. طالما خليتك اختلطتي بأولاد وهزار يبقى اللي جاي مش هيبقى كويس
جوري : لا دي وحدة صاحبتها ضافتها وعملتها أدمن فهي ما حبتش تحرجها وكملت فيه وصاحبتها طلبت منها تدخل المقربين منها بس فدخلتني
حياء : لا أقنعتيني بصراحة .. عذر أقبح من ذنب.. ع العموم هعتبر نفسي ما شوفتش حاجة
جوري : ويزَن
حياء : مش هقوله حاجة .. ثم أعطتها الهاتف وقالت : خدي ردي على صاحبتك بتقولك غادرتي لي وتطلعي تكلمي ماما .. الموبايل والناس دي مش أهم منها
___________________________________
لورا : ما بكِ جوليا لمَ أنتِ خائفة هكذا ؟
جوليا : إنني بورطة يا لورا
لورا : ماذا حدث أخبريني
جوليا : المنظمة تراقبني وعلمت أنني بالأمس تركت توماس وكنت مع مارتن وهددوني بالقتل
لورا : يا إلهي.. قلت لكِ لا تشتركي معهم
جوليا : لا داعي لتوبيخي الآن .. أريد حلا .. توماس الآن لا يطيقني .. تبا لك مارتن هل هذا وقت لتعجب بي .. اتركني انفذ المخطط ثم افعل ما تشاء
لورا : ما رأيك تجنبي مارتن هذه الفترة
جوليا : كيف يا لورا ؟ الآن أنا محاطة من جميع الجهات توقف عقلي عن التفكير
لورا : دعينا ندخل المحاضرة ثم نفكر لاحقا
جوليا : حسنا
___________________________________
توماس : كيف الأخبار الآن ؟
مارتن : كل شئ يمشي حسب الخطة
توماس : أسف مارتن .. لقد شككت في أمرك .. لم أصدق أنها تخدعني
مارتن : لا عليك عزيزي .. المهم أنك اكتشفت حقيقتها
توماس : الحمد لله.. متى ستنهي هذه الخطة
مارتن : قريبا أو ربما اليوم
توماس : بالتوفيق
_____________________________________
عاد مالك إلى المنزل بعد أن أصر يزَن على أن يوصله بنفسه فقابل شهود وقال : اي يا شوشو رايحة فين
شهود : رايحة اشوف شهادة التخرج بتاعتي
مالك : استني خمس دقايق واطلعي
شهود : لي
مالك : يزَن برا
شهود : يزَن ! لي
مالك : أصر أنه يوصلني
شهود : آه
مالك : على فكرة سألني الرد إي بس قولتله هسأل شهود
شهود : انت مش قولت مش هتفتح الموضوع دلوقتي
مالك : هما يفتحوه براحتهم لكن احنا مش هينفع ..فاهمة ؟
شهود : آه فهمتك
مالك : اقوله اي طيب لو سألني تاني
شهود : مش عارفة
مالك : انتي مش صليتي استخارة يا بنتي
شهود : أيوة
مالك : طيب .. يعنى اي .. مخنوقة من الحكاية طيب
شهود : لا
مالك : شهود قوليلي كلمة أقولهاله لما يسألني مش هروح أقوله شهود مش عارفة تقول آه ولا لا
شهود : آه
مالك : آه إي
شهود : قوله آه
مالك : يعني أنتي موافقة
شهود هزت رأسها بخجل
مالك : احنا نقول مبارك بقى
____________________________________
جلست أمينة وهي تفكر فقال محمود : مالك سرحانة في اي
أمينة : هقولك حاجة
محمود : ها
أمينة : حاسة بالندم بسبب اللي عملته
محمود : اللي هو ازاي
أمينة : يعني أنا اتجبرت زمان إني اتجوز أبوك وحياتنا كلها كانت مشاكل ولما أختي احتاجتني بعدت عنها علشان أرضي أبوك وفي الآخر طلقني ودول مهما حصل ولاد أختي
محمود : نعم وأنتي بعد ما رميتينا في النار جاية تخلعي
أمينة : أنا مش بخلع .. بص يابني أنا ماليش دعوة بيهم بعد كده أنا عارفة إن ماجدة مش هتصدقني لو اعتذرت منها فخلينا بُعاد عن بعض أحسن لي وليها
محمود : بصي أنا هسيبك دلوقتي علشان مش عاوز أصدع .. بس فكري حلو
_________________________________
فصل كمان عوضا عن الفصل اللي فات 🙂♥️
#غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
