غيرتني أنثي عربية بقلمي " ولاء يونس " مكتملة

الفصل الواحد والثلاثون

انقضى اليوم وأتى اليوم التالي .. لم يذق أحد طعم النوم .. كل يفكر فيما حدث له بين ليلة والثانية كأنه مجرد كابوس يتمنون الاستيقاظ منه عاجلا ليس آجلا
يزَن : حياء صحيت يا شهود
شهود : قول نامت مش صحيت
يزَن : إن جينا للحق .. يبقى كتر خيرها إنها مستحملة كل ده .. عن نفسي أنا مش مصدق أصلا حاسس إني في كابوس
شهود : محدش مصدق اللي حصل ده أبدا .. بس يا يزَن صدقته ووثقت فيه ازاي كده وانت ما تعرفوش ما ممكن ما يرضاش يطلقها
يزَن : لا يا شهود مستحيل يعمل كده ..
شهود : أنت جبت الثقة دي كلها منين
يزَن : مش عارف زي ما هو تدخل في مشكلة حياء وحط نفسه في مشكلة مع إنه ما يعرفهاش أنا كمان وثقت فيه وأنا معرفهوش
شهود : أمركم غريب والله ودماغي مش مستوعبة حاجة
يزَن : ولا انا والله
شهود : المهم هتعرفوا العيلة بالموضوع ده
يزَن : لا لا .. مش لازم حد يعرف منهم .. ممكن يحصلهم حاجة
شهود : آه .. طيب امبارح وأنت عند حياء أنا كلمت ماما وطنط ماجدة وحسيت إن فيه حاجة
يزَن : ازاي
شهود : مش عارفة بس طريقة كلامهم وضحتلي كده .. واعتقد المشكلة ليها علاقة بمالك وجوري
يزَن : ربنا يستر .. المشاكل نازلة ورا التانية .. اللهم أجرنا في مصيبتنا وأخلفنا خيرا منها
شهود : آمين
______________________________________

اتصل توماس بمارتن
مارتن : أهلا توماس
توماس : مارتن .. أخبرني بالحقيقة
مارتن : حقيقة ماذا ؟
توماس : حقيقة زواجك بتلك الفتاة
مارتن : ماذا عساي أقول ؟
توماس : أنت لم ترها إلا أول أمس .. كيف أصبحت زوجتك إذا ؟
مارتن : أنا لا أكذب توماس وسأطلعك على وثيقة الزواج اليوم
توماس : اممم .. إذا أتيت عندك سأجدها أليس كذلك ؟
مارتن : كلا
توماس : أليست زوجتك ؟
مارتن : ذهبت مع أخيها بالأمس إثر الصدمة التي تلقتها
توماس : ماذا ستفعل مع جوليا ؟
مارتن : سأجعلها تركع تحت قدمي حياء وتعتذر منها أمام الطلاب
توماس : مَن حياء هذه ؟
مارتن : زوجتي
توماس : واو .. اسمها جميل وغريب وهي أيضا جميلة
مارتن : تحدث بكلمة غزل عنها مرة أخرى وحينها سأبتر لسانك
توماس : أوه .. أسف .. مع أنني لم أصدق بعد أنها زوجتك
مارتن : قولت لك سأريك الوثيقة اليوم .. هل لديك شيء آخر ؟
توماس : كلا
مارتن : إذا وداعا .. تأخرت على زوجتي .. ثم أغلق الهاتف وابتسم
_____________________________________

ماجدة : جوري اصحي
جوري : اي يا ماما
ماجدة : يا بنتي الوقت أتأخر قومي
جوري : اقوم ليه طيب
ماجدة : الوقت اتأخر
جوري : اتأخر على اي
ماجدة : قومي وانتي هتعرفي
جوري : ماما مفيش فايدة إني أقوم .. النوم هو أحسن مكان لي دلوقتي .. ده أكتر حاجة بحب أهرب ليها من حياتي
ماجدة : هتهربي من حياتك لي
جوري : أنا اتخنقت منها وعاوزة ارتاح والنوم هو راحتي .. أي نعم مش قادرة أنام بس برضو هو راحتي
ماجدة : طيب أنا عايزاكي
جوري : في اي
ماجدة : بصي في ناس جاينلك وقدامك نص ساعة يلا قومي اغسلي وشك والبسي
جوري : ناس مين دي
ماجدة : لما ييجو هتعرفي
جوري : مين يا ماما .. مالك صح
ماجدة : أيوة مالك .. يلا قومي
جوري : أنا مفيش كلام بيني وبين حد غريب
ماجدة : غريب ازاي ده خطيبك
جوري : كان خطيبي دلوقتي لا
ماجدة : جوري ما تعصبينيش ما تحرجينيش قدامهم
جوري : دول ضيوفك يا ماما ماليش علاقة بيهم
ماجدة : لو يزَن هنا كان ريحني من عمايلك دي
جوري : لو هنا بقى
ماجدة : أنا قولت قومي يا جوري ومش هكرر كلامي تاني .. ما تجبرينيش إني ألجأ لطريقة ما تعجبكيش .. فاهمة
جوري : أنا هسمع كلامك بس هعمل اللي في دماغي برضو
_____________________________________