بعد عودة الجميع إلى المنزل همّت ماجدة بالدخول إلى غرفتها فاستوقفتها جوري قائلة : اه صح يا ماما خالتي كانت عاوزاكي في أي ومرضيتش تتكلم قدامنا لي
ماجدة بتوتر : مالكيش دعوة أنتي بكلامنا... تصبحوا على خير..ثم ذهبت إلى غرفتها
حياء ويزَن : وأنتي من أهله
جوري : هي ماما كلمتني لي كده
حياء : علشان لو شايفة إننا لازم نعرف هتقولنا لكن ما تسأليهاش انتي .. مهما حصل دول اخوات وفى اسرار بينهم
جوري : طيب
وذهبوا جميعا إلى غرفهم
_________________________
بعد مرور ثلاثة أيام
مالك : صباح الخير يا ست الكل
أميرة : صباح الخير يابنى
مالك : زعلانة لي
أميرة : على أختك يابني مالهاش أصحاب وعلى طول قاعدة فى أوضتها ومش راضية تروح عند حد ولا حتى تشم نفسها حتى
مالك : اممم مش جديد يا ماما
أميرة : ما هو يابني مينفعش كده أنا مش هعيشلها العمر كله وأنت وراك شغلك ومصالحك وكمان هتتجوز ان شاء الله
مالك : بتلمحي لإي بالضبط
أميرة : اللى انت فهمته وكل ما اكلمها فى الموضوع ده تسكتني بكلمة مش ملتزم وتطلعلي القطط الفطسانة اللى فيهم
مالك بضحك : معلش يا أمي
أميرة : انت بتضحك .. انا تعبت معاها بجد
مالك : طيب أنا عندي واحد بالمواصفات اللى هي عاوزاها وكمان انتي تعرفيه
أميرة : أنا شكيت بس قول مين برضو
_______________________________
حياء : صباح الخير يا ماما
يزَن : صباح الخير يا ست الكل
ماجدة : صباح النور يا حبايبي
حياء : اى ده انتي اللى مجهزة الفطار
ماجدة : عادى يا بنتي لقيتكم نايمين قولت اسيبكم وجهزتوا .. يلا يابني صحي أبوك علشان الفطار
يزَن : حاضر
ماجدة : امال جوري فين
حياء : نايمة
دخل خالد وقاطع حديثهم قائلا : صباح الخير
يزَن : صباح النور كنت لسا هصحيك
خالد : لا أنا صحيت من شوية
ماجدة : نوم العافية .. يلا نفطر
خالد : جوري فين
حياء : نايمة
خالد : غريبة لدلوقتى دى بتصحى اول وحدة .. اه صح كانت فين امبارح
ماجدة : كانت عند صاحبتها
خالد بانفعال : صاحبتها مين
حياء : اسمها سها تقريباً
خالد : ومين سها دي كمان
حياء : مش عارفه والله بس صاحبة جديدة
خالد : وهي اى حد تروح عنده كده
ماجدة : معلش يا ابو يزَن يعني هتقعد في البيت كده خليها تفك عن نفسها شوية
خالد : لما نشوف اخرة دلعك الزيادة ده
ماجدة : خير ان شاء الله
بينما وهم يتناولون الإفطار دخلت جوري قائلة : اى ده بتاكلوا من غيري مكنش العشم
يزَن : يعني نموت من الجوع علشان سيادتك تصحي وتاكلي معنا
جوري بكبرياء : مثلا يعنى
ماجدة بضحك : خناقة كل يوم هتبدأ
خالد : لا مش وقته عاوزين نفطر
حياء : بسبس تعالى اقعدى جنبي ما تقعديش جنب يزَن
يزَن : لي يا اختى مالو يزَن بيغض . . لا اتعلمتى من جوري وبقيتي تتكلمي
حياء : مش قصدي 😂😂
خالد : اى يا ولاد عاوزين نفطر
جوري : خلاص هتتخانقوا بسببي .. أنا هقعد جنب حياء علشان مش عاوزة مشاكل ع الصبح
يزَن : وهو انا اللى بعملك....
ماجدة : خلاص يابني عديها
يزَن : علشانك بس
وما إن بدأوا في إكمال افطارهم فإذا بجرس الباب يرن
يزَن : هو شكل حد باصصلنا في الأكل
جوري : هقوم افتح انا
________________________
فى ألمانيا
اتصل توماس بجوليا فقالت جوليا : صباح الخير توماس
توماس : صباح الخير... هل أنهيتِ حتى آتي لاصطحابك إلى الجامعة
جوليا : أجل سأخرج الآن من الشقة
توماس : حسنا .. أنا بالخارج في انتظارك
جوليا : أوه توماس شكرا لك
توماس : لا تشكريني هذا واجبي ... أ أنتِ من ينزل من الدرج
جوليا : نعم انا ... حسنا سأغلق الهاتف
بعد عدة ثواني
توماس : أوه يالا الروعة أنتِ حقا جميلة
جوليا : توماس أنت تخجلني
توماس : أحب أن أراكِ خجلة
جوليا : دعنا نذهب
توماس : حسنا.. هيا اركبي
في أثناء الطريق
توماس : أود أن أسألكِ سؤالا
جوليا : تفضل
توماس : هل تسكنين وحدك ؟
جوليا : أجل .. لماذا ؟
توماس : أوه جوليا لا يعقل أنا لا أسمح أن عزيزتي تسكن بمفردها
جوليا : لا شأن لك توماس .. ليس لأني أخبرتك بإعجابي بك أن تتدخل في حياتي الخاصة
توماس : أسف جوليا
جوليا : أتمنى ألا تكررها
توماس : أعدك
___________________________
فتحت جوري الباب ووجدت الطارق هو خالتها أمينة فقالت مستغربة : خالتي.... اتفضلي
نادت ماجدة على جوري وهي في غرفة الطعام قائلة : مين يا جوري
جوري : دي خالتي أمينة يا ماما
ماجدة وهي تقوم من على المائدة : أمينة ودي اي اللى جابها دلوقتي
يزَن : استغفر الله العظيم وهو في حد يزور حد في وقت الفطار كده أكيد عاوزة حاجة ما هما مش بيفتكرونا غير لما يكونوا عاوزين حاجة
حياء : قول الحمد لله الذي اختصنا في قضاء حوائج الناس
قطع حديثهم دخول جوري فوجه إليها الحديث قائلا : ما تعرفيش خالتك عاوزة اي
جوري : لا والله انت عارف انها مش بتطيقني ولا أنا بطيقها القلوب عند بعضها سبحان الله .. بس أنا حاسة في بينهم حاجة من يوم الفرح
حياء : اه فعلا من ساعة ما اتكلمت معاها وماما مضايقة
يزَن : حتى جوري لما سألتها زعقتلها .. أكيد فيه حاجة
جوري : هنعرف أكيد ما تستعجلوش
__________________________________
أميرة : بجد يا حبيبي ده نعم الشباب فعلا
مالك : بصراحة بفكر في كده من ساعة ما قابلته
أميرة : انت قابلته تانى على كده
مالك : لا من ساعة يوم الفرح ما قابلتهوش ... بس تخيلي شهود عجبتها أخلاقه وأخلاق إخوانه
أميرة : طيب الحمد لله.. أحسن ده كمان ترفضه
مالك : معتقدش .... هي مش هتفطر ولا اي
أميرة : روحت أناديها لقيتها نايمة
مالك : أيوة .. كنت خايف ما تتأقلمش مع الناس واحنا فى الفرح
أميرة : من اليوم ده وهي كده يابني
مالك : خلاص يا ماما ما تفتحيش في الماضي وإن شاء الله هترجع زي ما كانت واحسن
أميرة : إن شاء الله يا حبيبي
مالك : اى ده انتي بتعيطي
أميرة : مش متخيلة إن شهود هتسيبني
مالك : يا ماما ده احنا لسا بنختار العريس مش بنختار فستان الفرح 😂😂
أميرة : مش قادرة أتخيل يابني
مالك : اى ده وانا مش مكفيكي ولا اي
أميرة : ده انت الخير والبركة يا حبيبي
__________________________
في ألمانيا
لورا : ما هذا الهراء الذي تفعلينه جوليا
جوليا : ما قصدك ؟
لورا : أراكِ حضرتِ مع توماس .. ما الذي يحدث ؟
جوليا : طلب أن يوصلني إلى الجامعة وأنا رحبت بالفكرة ما الخطأ إذا
لورا : لا تخدعيني جوليا أنا لست بلهاء لأصدق حديثك ... أرشديني إلى مخططك
جوليا : أوف يا لورا أنتِ حقا مزعجة
لورا : حسنا جوليا .. أنتِ اخترتِ هذا الطريق لكن عليكِ أن تعلمي أن مَن تخططين لإيذائه ليس بالهين .. ونهاية الموضوع هو خسارتك ضعي هذا الكلام حلقة في أذنك
جوليا بخوف : ما هذا لورا .. آذي مَن ... دعينا من هذا الكلام وهيا نذهب إلى المحاضرة
_______________________________
ماجدة : بقولك اي يا أمينة انا قولتلك مفيش كلام في الموضوع ده تاني ومش عاوزة اتعصب
أمينة : وأنا قولت كلامنا مخلصش .. وبعدين الرأي الأول والأخير للولاد وهما أكيد مش هيكسفوني
ماجدة : لا وهما لو وافقوا أنا هعترض
أمينة : اسكتي أنتي .. يا يزَن يا حياء
على سفرة الطعام
حياء : اي ده هي خالتي بتنادم لي واشمعنا أنا ويزَن
يزَن : ربنا يستر
جوري : انا هاجي معاكم
بعدما دخلو غرفة الضيوف
حياء : خير يا خالتي
ماجدة : أمينة ما تتدخليش الولاد في الموضوع
أمينة : قولتلك اسكتي .. خير يا بنتي كنت عاوزاكى انتي ويزَن بس
جوري : بقولك اي يا ماما ممكن تناوليني الكرسي ده علشان شكل القعدة هتطول
ابتسموا ثلاثتهم بينما اغتاظت أمينة من تصرفها فقالت : ما علينا .. كنت عاوزة اخد رأيكم في موضوع كده
يزَن : اي هو
أمينة : كنت عاوزة اديك بنتي مروة واخد حياء لمحمود ... أنا عارفة إنكم أكيد مش هترفضوا .. ها قولتلوا اي
حياء : لحظة كده علشان أنا مش مستوعبة
يزَن : انتي بتقولي اي
أمينة : الله.. هو وانا بقول حاجة عيب ولا حرام
ماجدة : قولتلك احنا مش موافقين
أمينة بصوت مرتفع : قولتلك اسكتي
يزَن بغضب : اتكلمي مع أمي كويس .. وبعدين لو بنتك أخر وحدة في العالم مش هاخدها
أمينة : خليك أنت على جنب دلوقتي ... ها يا حياء قولتي اي
حياء : قولت لا طبعا
أمينة : لي ده الواد ما يتعيبش وألف بنت تتمناه
جوري : وأختي مش من الألف
أمينة : يبقى شايفالك شوفة تاني وابني قال يدخل البيت من بابه لكن انتي عاوزة اللى ترغي معاه صح
جوري : ما تتكلميش على أختى كده .. اختى مستحيل تعمل اللى انتي بتقولي ده
حياء بصدمة : اى ده هو في أي
يزَن : انتي اتخطيتي حدودك وكل مرة بنسكتلك لكن المرة دى زادت أوي
أمينة : لا تعالى اضربني
دخل خالد على صوتهم المرتفع قائلا : فيه اي صوتكم عالى لي كده
جوري : تعالى شوف يا بابا عاوزة تاخد حياء ويزَن لولادها ولما رفضوا قالت على حياء إنها بتكلم واحد علشان كده رافضة
خالد : اى ده انتى ازاى تتكلمي على بنتي كده .. بنتي مفيش في أخلاقها .. وبعدين احنا اللى معترضين مش حياء .. واظن انتي عارفة السبب كويس
أمينة : جرا إي يا أبو يزَن اللى فات مات
يزَن : لا اللى فات كسر وعلم وجرح لكن عمره ما مات
جوري : والله إذا كان حضرتكِ نسيتي احنا عمرنا ما نسينا
أمينة : في أي يا ولاد أختي كلكم علىّ .. ما تتكلمي يا ماجدة
ماجدة : الولاد ما غلطوش وانتي اللى بدأتي
أمينة : أنا قولت حياء لمحمود ويزَن لمروة وخلاص
حياء بانفعال : أنا أصلا مش هتجوز ابنك ولا غيره لسا دراستي قدامي ومستقبلي
أمينة : مستقبل اي هي الست ليها اي غير بيتها وجوزها وهما اللى قروا خدوا اي .. شهاداتهم معلقة في بيتهم
يزَن : لو حضرتكِ بتصرفي عليهم اتكلمي
جوري : لا والله أصلها مفكرة اول ما تقول عريس هنقولها آمين
أمينة : انتي تخرسي وحدة زيك ما تتكلمش فاهمة
خالد : لي إن شاء الله
أمينة : لسانها طويل ما شافتش ساعة تربية
ماجدة : انتي ازاى تغلطي في سمعة ولادي وانا واقفة اتفضلي اطلعي برا . . كله إلا سمعة ولادي
أمينة : بقى كده يا ماجدة .. حاضر
خالد : هو اي ده بقيت حاجة تقرف
يزَن نظر إلى حياء وقال : حياء .. حيااااااء مالك
وفقدت حياء وعيها
__________________
اقتربنا من كشف لغز ماضي كلا من شهود وعائلتها وحياء وعائلتها
اتمنى يكون الفصل عجبكم ♥️
#غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
