الفصل الثاني عشر
حمل يزَن جوري إلى غرفة شهود كما أرشده مالك فما إن وضعها على الفراش حتى قال مالك : بعد إذنكم عاوز يزَن بس هنا
لن تصغي له ماجدة فقال يزَن : حياء خدي ماما واطلعوا
حياء : حاضر
أخرجت حياء ماجدة من الغرفة بصعوبة .
بعد أن كشف عليها مالك بدا الغموض على وجهه فقال يزَن بقلق : هي مالها
مالك : هي كانت بتشتكي من حاجة
يزَن : لا معتقدش ..
مالك : متأكد
يزَن : بصراحة لا
مالك : أنا هسأل والدتك وأختك.. تعالى
خرج الاثنان فما إن رأتهم ماجدة حتى قالت : جوري مالها يابني
مالك : هي الفترة الأخيرة دي كانت بتشتكي من حاجة
حياء : زي اي
مالك : صداع كتير حاجة زى كده
حياء : أيوة كان بيجيلها صداع كل كام ساعة كده وبتشرب مسكنات وتنام
مالك : طيب أنا عاوزكم تمسكوا أعصابكم
أميرة : في اي يا مالك
مالك : عندها ورم في المخ .. بس لسا في مراحله الأولى الحمد لله
ماجدة بصراخ : بنتي .. وجلست على الأرض تبكي فاحتضنتها حياء وأخذت تبكي معها
أما يزَن قال متماسكا : والمفروض نعمل اي يا مالك
مالك : هاتوها بكرة المستشفى هتعمل شوية أشاعة وتحاليل علشان نتأكد
يزَن : وبعد كده
مالك : لو طلعت إيجابية لا قدر الله هتعمل عملية لأنه لسا ورم حميد لو استأصلناه في أسرع وقت مش هيلحق ينتشر ويتحول لورم خبيث
هز يزَن رأسه إيجابا بحزن فوضع مالك يده على كتف يزَن قائلا : أنا عارف إن الموضوع صعب وكمان صدمة بس لازم يا يزَن تتحمل وتشد من أزرهم خليك أنت المتماسك
عانقه يزَن بحزن وهو يكبت دموعه داخل عينيه .. أما ماجدة فزاد بكاؤها بسبب ما قاله مالك مؤخراً .. وأميرة كانت واضعة يديها على كتفي ماجدة وتنظر لها بحزن وتواسيها وشهود بكت لبكائهم
__________________________
أفاقت جوري ونظرت حولها فبدا لها المكان غريبا ففزعت ونادت : مامااا.. حياااء .. يزَن .. يا ماااما
سمعها الجميع بالخارج فذهبوا إليها مسرعين فما إن رأتهم حتى قالت : اي اللي حصل وانا بعمل ايه هنا
مالك: حاسة بإي دلوقتي
جوري : صداع .. صداع هيفرتك دماغي
نظر مالك لهم بأسف .. ثم رن هاتف يزَن فأجاب وهو يخرج من الغرفة قائلا : أيوة يا بابا
خالد : ها يابني خلصتوا ولا لسا
يزَن : اطلعلنا فوق يا بابا
خالد : خير يابني
يزَن : مش هينفع على التليفون
قلق خالد من نبرة يزَن فقال مسرعا : حاضر جاي .. ثم أغلق الهاتف
______________
بالداخل
جوري بعصبية: ما تفهموني اي اللى حصل وبتعيطوا لي
مالك : من فضلك اهدي
جوري : أهدى ازاى وانا قاعدة كده ع السرير وأهلي قاعدين حواليا بيعيطوا أكيد فيه حاجة .. ومش خير كمان
حياء : مفيش انتي تعبانة شوية وبكرا هتروحي تعملي شوية تحاليل
جوري : تعبانة مالي يعني وتحاليل اي دي
دخل يزَن قائلا : أسئلتك كتيرة يا جوري
جوري : لو سمحتوا ردو على ماما بتعيط لي كده
شهود : لما أنتي أغمى عليكي فهي خافت جدا وقعدت تعيط واحنا اتأثرنا بيها وعيطنا
أميرة : أيوة وانتي عارفة امك دمعتها قريبة
جوري : مخبيين عني حاجة
يزَن : هنخبي اي يعني ولي
أنهى جملته من هنا ورن جرس البيت من هنا فقال يزَن : اكيد بابا هروح افتحله أنا
أسرع يزَن بفتح الباب فقال خالد : خير يابني قلقتني
قص له يزَن ما حدث وختم جملته ب : بس هي متعرفش لدلوقتي .. أرجوك يا بابا تماسك
صدم خالد مما سمع وجلس على أقرب مقعد ووضع يديه على رأسه ونظر إلى الأرض وقال : هي فين دلوقتي
يزَن : في أوصى شهود
خالد : وديني عندها يابني
يزَن : تماسك أرجوك
خالد : ماشي
_________________
دخل خالد الغرفة خلف يزَن فقال وهو يتظاهر بالتماسك : عاملة اي يا جوجو
جوري : أنا الحمد لله بس عاوزة أروح .. مش بحب دور المريضة ده
مالك : ماشي تقدري تروحي ... بس تيجي بكرة المستشفى إن شاء الله وأنا هكون موجود
يزَن : ماشي.... يلا
خرج خالد أولا فتبعه يزَن يسند ماجدة وخلفهم حياء لجوار جوري حتى تساعدها ... وبعد أن خرجوا قالت : أميرة : الله يكون في عونهم خاصة جوري لما تعرف هتكون صدمة ليها
مالك : أهم شئ تقدر تتماسك وتؤمن إنها هتتعالج لأن التوتر والخوف بيصعب الشفاء
أميرة : إن شاء الله يابني .. ثم نظرت إلى شهود وقالت : شهود مالك يا حبيبتي
شهود : ها .. لا مفيش بس اتأثرت بالموقف وزعلت عليها جدا
أميرة : ربنا يشفيها يا بنتي
شهود : يارب
___________________________
بعد ما عاد الجميع إلى المنزل دخلت حياء الغرفة وخلفها جوري قائلة : حياء
حياء : نعم
جوري : هو أنا عندي اي
حياء بتوتر : ها .. عندك اي يعني
جوري : أنا عارفة إنكم مخبيين عني حاجة فاتكلمي احسن
حياء : هنخبي اي يعنى
جوري : حياء .. انتي عارفة إني مش هسيبك غير لما تتكلمي .. فقولي احسن
حياء : بصي أنا هقولك .. بس امسكي أعصابك
جوري بخوف : فيه اي
حياء : عندك .. بصراحة عندك ورم في المخ
جوري : ايه
حياء : استني الحمد لله لسا فى مراحله الأولى وهتعملي تحاليل وأشعة بكرة علشان نتأكد
جوري : ولو طلع حقيقة
حياء : هتعملي عملية وهتقومي زي الحصان
جوري وما زالت ملامحها متخشبة : ماشي .. ثم ذهبت لتغير ملابسها
حياء : جوري
جوري : نعم
حياء : ما تكتميش حاجة في نفسك قولي كل اللي انتي عايزاه
جوري : أنا عاوزة حاجة وحدة بس
حياء : اي هي
جوري : عاوزة احضنك
حياء : بس كده أنتي تؤمري
عانقتها حياء وبكت جوري بأحضانها وهي تقول : مش عاوزة اسيبكم يا حياء .. أنا خائفة جدا .. مش عاوزة اموت دلوقتي... أنا بحبكم جدا ومش عاوزة اسيبكم .. أنا مش مستعدة للموت دلوقتي خالص
حياء شددت من احتضانها وقالت : بس ما تقوليش كده تاني .. تفائلي خير .. وأحسني الظن بالله .. ربنا قال في حديثه القدسي " أنا عند ظن عبدي بي .. فليظن عبدي بي ما يشاء " .. ما تقوليش كده تاني البلاء بيبقى معلق بالنطق ولا يرد البلاء إلا الدعاء
جوري وهي تبكي : هو نعم المولى ونعم النصير
______________________________
في صباح اليوم التالي استيقظ الجميع عدا جوري وكان الحزن والسكون يخيم على أرجاء المنزل .. ذهبت حياء لإيقاظ جوري وقالت : جوري ... يا جوري
جوري : نعم .. أنا صاحية .. ما نمتش أصلا
حياء : ما نمتيش ليه... لازم تهتمي بصحتك
جوري : حياء .. انا مش بحب دور المريضة ده وأنا مش تعبانة ومعنديش أمراض .. فاهمة
حياء : جوري ... ده قدر ربنا قال رسول الله صلى الله عليه وسلم " ما أصابك لم يكن ليخطئك وما أخطأك لم يكن ليصيبك " يعني اللى كاتبه ربنا هو اللي هيحصل وقدر الله نافذ لا محالة .. والمفروض إنك تدعي ربنا والاهلي ليه مش تعترضي علي قضائه
جوري بحزن : حاضر يا حياء
حياء : قومي يلا كده علشان تفطري وتروحي المستشفى تعملي التحاليل
جوري : ماشي
رسمت لها حياء ابتسامة مزيفة وخرجت من الغرفة فقابلها يزَن قائلا : حياء .. مش عارف اقول لجوري ازاي
حياء : أنا قولتلها امبارح
يزَن : بجد وهي عاملة اي دلوقتي
حياء : مش مقتنعة إن عندها أي أمراض وإن هي كويسة .. بس أنا بصبرها وبشد من أزرها
يزَن : يعني مش هتروح المستشفى ولا اي
حياء : لا هتروح
قال الله تعالى " سنشد عضدك بأخيك "
___________
حبيت اعمله فصل لوحده علشان الموضوع كبير 💛
مش هحط أسئلة برضو 🐣😂
# غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
