بعد مرور ثلاث سنوات
يزَن : يا مروان انزل كتفي يا مروان ... رفيدااااااه سيبي شعري
شهود : 😂😂😂
يزَن : بتضحكي يا شهود
شهود : امال اعمل اي 😂😂😂😂
يزَن : هما مش ولادك على ما اعتقد يعني
شهود : بص اسمهم اي .. مروان يزَن خالد .. رفيدة يزَن خالد .. اسمي جه في الموضوع .. لا يبقى خلاص
يزَن : يا سلام يا أختي
شهود : أيوة 😂😂
يزَن : يا ولاد
مروان ورفيدة : حاوس اي ( عاوز اي )
يزَن : عاوز اي .. في ولاد محترمين يقولوا لأبوهم عاوز اي
مروان : أنت بتقول لماما تايما حاوسة اي ( بتقول لماما دايما عاوزة اي )
رفيدة : ملوان بيقول الحقيقة ( مروان بيقول الحقيقة )
يزَن : انتي عملتيلي حزب انتي وملوان اقصد مروان
مروان : 😂😂😂😂 بابا الدغ 😂😂😂
يزَن : شهووووووود
شهود : اييييه
يزَن : شوفي ولادك بيتريقوا على
شهود : تؤ تؤ عيب يا حبايبي .. كده تزعلوا بابا منكم .. لاعبوه معاكم من غير ما تزعلوه 😂😂😂😂
يزَن : هي بقت كده .. ثم قام وقال : يبقى حلال الله اكبر
شهود : ايييه هتضحي للعيد
يزَن : كما قولتي
شهود : يا ماما .. يا ماما
أتت ماجدة على صوتها وهي تقول : فيه اي يا شهود بتزعقي لي
شهود : الحقي يزَن زي ما يكون شايفني خروف وعاوز يضحي بيا
ماجدة : لييه كل ده
شهود : الولاد عصبوه
ماجدة : مينفعش اللي بتعملوه على طول ده كل يوم هاجي على صوتكم كده .. انتو كبرتوا وبقيتوا معاكم عيال ... لازم تعقلوا شوية
مروان : تيتا .. تيتا
ماجدة : عيون تيتا
مروان : ختيني معاكي " خديني معاكي "
ماجدة : تعالى يا حبيبي
رفيدة : وانا كمان
ماجدة : عيوني .. ثم أخذت الاثنين وخرجت
بعد خروجها نظر كل من يزَن وشهود إلى بعضيهما ثم انفجرا ضاحكين
__________________________________
كانت جوري تركض خلف مالك وهي تحمل السكين وكانت يدها الأخري تضعها على بطنها المنتفخة
وقف مالك فوق الفراش وقال : انتي اتجننتي يا جوري
جوري : هتقول مين دي ولا أخلص عليك
مالك : اي هو أنا فرخة
جوري : اخلص
مالك : وربنا ما اعرفها .. هو أنا لو اعرفها هخبي لي .. يعني هستنى لما أنتي تيجي تقتليني وبعدين اتكلم
جوري : امال جابت رقمك منين
مالك : يعني أنا دكتور وما شاء الله رقمي مع كله يعني هتجيبه منين يعني
جوري : متأكد إنك ما تعرفهاش
مالك : والله ما اعرفها
جوري : عارف لو كنت بتكدب هخلص عليك بنفسي
مالك : والله ما ينفع اللي بيحصل ده أنا بقيت أخاف وأنا نايم أصحى الاقي نفسي متعلق في حبل المشنقة
جوري : ما أنا لو شنقتك مش هتصحى أصلا يا ناصح
مالك : تصدقي صح .. طب علشان خاطر حازم اللي لسا ما اتولدش نزلي السكينة
جوري : علشان خاطر حازم بس
مالك : علشان خاطر حازم وأم حازم كمان اي رأيك
جوري : اسمي جوري يا بابا
مالك : اللي انتي عاوزاه بس نزليها
رمت جوري السكين بعيدا فنزل مالك وجلس وتنفس الصعداء وقال : كنتي عاوزة تقتليني
جوري : ما انت عارف إني بغير ولقيتها بتتصل وتدلع عارف لو هي قدامي كنت ولعت فيك وفيها
مالك : يا ستي أنا مالي وبعدين أنا لو اعرفها كنت هسيبلك الموبايل بتاعي علشان اتذنب التذنيبة السودة دي
جوري : تصدق معاك حق
مالك : شوفتي كنتي ظلماني .. وبعدين أنا متجوز سفاحة .. من ساعة ما عرفنا إنك حامل وأنتي مرة ما جبتلكيش اللي عاوزاه جبتي البنزين والكبريت وكنتي هتولعي فيا ودلوقتي عاوزة تقتليني ده عقبال ما الأستاذ حازم يشرف همشي برجل وحدة بقى
جوري : عندك اعتراض
مالك : لا أنا أقدر اعترض
جوري : كويس إنك عارف
_______________________________
حياء : حبيبتي مش بتاكل لي
بتول : تؤ اش هاكل دلوقتي ( لا مش هاكل دلوقتي )
حياء : لي بس
بتول : هاكل مع بابا
حياء : بس بابا هيتأخر ومينفعش تفضلي جعانة كده
بتول : لأ بابا وعدني إنه هيرجع بدري
حياء : اممم .. شكلي مش هعرف اتناقش معاكي خالص
بتول : 😂😂 لا
حياء : ماشي يا ستي
بعد مرور عشر دقائق رن جرس الباب
بتول وهي تركض : بابا جه .. بابا جه
حياء : براحة طيب .. استني افتحله الباب
فتحت حياء الباب فحملها تميم وقال : أهلا بسندريلتي الحلوة
بتول : ازيك يا بابي
حياء : على فكرة مرضيتش تاكل ومستنياك
تميم : أنا وعدتها إني هرجع بدري وأهو وفيت بوعدي .. ثم مسك يد الطفلة وقال : يلا بقى ناكل سوا
جلس تميم وبتول على المائدة وأحضرت حياء الطعام ووضعته ومن ثم جلست معهم
تميم وهو يأكل : ياه يا حياء مش مصدق إني لدلوقتى إني عايش ومكمل حياتي معاكي
حياء : تصدق ولا انا
تميم : ربنا بعدني عن أهلي علشان اقابلك انتي وتكوني العوض لي عنهم
حياء : عوض ربنا بيبقى دايما كبير وفي احيانا اوقات بنفرح إن ربنا ما استجابش لينا لأن عوضه كان أكبر وأحسن من اللي احنا كنا بنتمناه
تميم : معاكي حق .. وأحلى ما في الموضوع البنت القمر دي مش عارفة طالعة حلوة لي زيك كده
بتول : 😂😂 بتعاكس ماما
تميم : لا انتي مش طفلة أبدا
حياء : دماغها اكبر مني ومنك
تميم : معاكي حق
حياء : تميم
تميم : نعم
حياء : أنا حامل
تميم : بتتكلمي جد
حياء : يعني ههزر
تميم : تصدقي صح .. مليون مبارك يا حبيبتي
حياء : الله يبارك فيك
بتول : مين نجح
تميم : أنتي كنتي نايمة وصحيتي ولا اي
بتول : لا 😂😂
تميم : بصي ماما هتجيبلنا بيبي صغير كده
بتول : اشطا .. هلعب بيه
حياء : هنبتديها من أولها أهو .. ثم ضحك الجميع
___________________________________
جماعة بجد أنا زعلانة زيكم إن الرواية خلصت بس علشان الدراسة والمذاكرة ... كنت مستمتعة جدا معاكم وفي كتابة الفصول 😥🙂🙂
عاوزة رأي كل حد تابع الرواية يا ريت تظهروا وتكتبولي في الكومنتس رأيكم فيها واي اللي استفدتوه ❤️
#غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
