ذهب مالك إلى حيث يجلس يزَن وقال : السلام عليكم ورحمة الله وبركاته
رد الجميع التحية
وقال يزَن: مرحب بالغالي اي الصدفة الحلوة
مالك : والله أنا أول ما شفتك قولت أكيد فيه سر مش معقولة امبارح في المول ودلوقتي
يزَن : أختك صح
مالك : أيوة
يزَن : طيب خليها تقعد هنا مع البنات وتعالى انا وانت نقعد على الترابيزة اللى جنبهم
مالك: كنت هقولك كده دايما واخد اللى على لساني
يزَن : عادتي يا جدع 😂
مالك : شهود اقعدي هنا وانا ع الترابيزة اللى جنبك
نظرت له شهود برفض فقال : ما تخافيش لو بصيتي وراكي هتلاقيني قاعد
شهود باستسلام : طيب
ذهب مالك ويزَن إلى الطاولة المجاورة
حيث لا يجوز للمرأة أن تجلس مع رجل أجنبي عنها مهما كانت صلة القرابة بينهما
جلست شهود معهم وكانت متوترة بعض الشئ فقالت جوري : احم .. ازيك
شهود : الحمد لله
جوري : هو أنتي اسمك اي
شهود : اسمى شهود
جوري : الله اسمك جميل
شهود : ربنا يكرمك
جوري : يارب
شهود : وانتي اسمك اي
جوري : انا اسمي جوري ودى اختى حياء
شهود : اساميكم حلوة اوي .. تشرفت بيكم
حياء : الشرف لينا حبيبتى ... بس على فكره انا اعرفك
شهود : ازاى
حياء : انتى كنتي بتروحى الكتاب وانتي صغيره كنتي تقريبا في حضانة وكان يزَن بيجيبك أنتي والدكتور مالك عندنا
شهود : بجد
حياء : والله يزَن كان بيحكيلنا زمان أنه لو ما جابكمش عندنا وهو مروح تقعدي تعيطي
شهود : آه .. هو أنتي أخت يزَن .. ماما قالتلى أن مالك قابله النهاردة بس أنا ما افتكرتهوش خالص
حياء : اكيد مش هتفتكري انتي كنتى صغيرة جدا
جوري : امال انا مش فاكرة لي
حياء : علشان كنتي لسا بيبي 😂😂
جوري : ماشى 😏
شهود : انا كنت اجتماعية جدا زمان بس من ساعة ما بابا اتقت.. اقصد اتوفى وانا مش بحب اختلط بالناس .. انا كنت متعلقة ببابا جدا ولما اتوفى انهرت اوى ومش عاوزة اتعلق بحد وبعد كده يسيبني
حياء وجوري : ربنا يرحمه
شهود : يارب
_________________
على الناحية الأخرى
مالك : عامل اي يا شق
يزَن: عامل كويس 😂
مالك : يا راجل
يزَن : اومال
مالك : عاوزين نتكلم جد بقى
يزَن: ماشى
مالك : بتشتغل اي انت
يزَن : أنا مهندس ديكور في شركة (.....)
مالك : آه .. سمعت عنها شركة محترمة
يزَن : وده اللى خلاني استمريت فيها
مالك : ازاى
يزَن : اشتغلت في شركة قبلها وكانت ماشية بالغش والرشوة فسيبتها فورا في وقت مكنش فيه قدامي وظائف خاليه خالص .. بس الحمد لله ربنا عوضني .. أنا مبحبش اكسب فلوس حرام مش عاوز مرتبي يكون فيه شبهة عاوزه كله حلال والحمد لله
مالك : زين ما عملت من ترك شيئا لله عوضه الله خيرا منه
يزَن : آه.. وانت شغال فى اى مستشفى
مالك : المستشفى الخاص بتاعة (...)
يزَن : آه .. بالتوفيق.. اه صح كنتى مختفي فين بقالك سنين
مالك : يااه يا يزَن مش عارف اقولك اي ولا اي دى حكاية طويلة ولسا ما انتهتش
يزَن : ربنا يعينك
مالك : يارب .. احنا لما رجعنا قولت ازورك روحت بيتك والجيران قالتلي انكم سيبتو البيت من زمان
يزَن : بعد ما انت اختفيت بكام شهر مرينا بظروف صعبة جدا واكتشفنا ناس على حقيقتها وحصل كتير بس ربنا لطيف بينا
مالك : معلش ربنا بيختبر صبرنا دائما
يزَن: الحمد لله
بينما وهما يتحدثان كان مالك ينظر تجاه أخته كل فينة وأخرى
___________________________
استغل محمود جلوس الفتيات بمفردهم لكنه لم يرى يزَن الجالس على الطاولة المجاورة فذهب إليهم وقاطع حديثهم قائلا : ازيكم يا بنات
نظرت كلا من جوري وحياء إلى بعضهم بغضب بينما شهود المندهشة من علامات وجههم
مد يده ليسلم على جوري فهى كانت أول واحدة فى طريقة تليها حياء وتليها شهود فقال : أهلا جوري
قالت بضيق : مش بسلم على رجالة
أحس محمود بالخجل من الموقف ولكن ليس من فعلته فقال مخبئا حرجه : أكيد الأنسة حياء كمان مش بتسلم
جوري : اكيد قال رسول الله صلى الله عليه وسلم " لأن يطعن فى رأس أحدكم بمخيط من حديد خير له من أن يمس امرأة لا تحل له " يارب تكون فهمت
محمود بابتسامة صفراء فهو يراهم متشددين بل معقدين .. فهذا الطبيعي فمن يترك أحكام دينه يرى المتمسك بها متشدد
همّ محمود بالجلوس على الكرسي الموجود بجوار حياء والذى كان يجلس عليه يزَن فأسرعت حياء بعيدا عنه حتى التصقت بجوري فقال محمود : اى يا حياء هو انا هاكلك
حياء : فيه حدود شرعية المفترض أنها تكون بيني وبينك
محمود : بس انا ابن خالتك يعنى زى اخوكى
جوري : زى اخوها لكن مش اخوها
تجاهل محمود كلامها فلفت انتباهه شهود الجالسة بحيرة
________________________
كان يزَن جالس على المقعد ويعطى ظهره لمن خلفه فبينما وهو يتحدث وجد نظرات مالك معلقة خلفه
فقال يزَن : فيه اي
مالك وما زال ينظر خلف يزَن : مين ده
يزَن : مين
مالك : بص وراك
نظر يزَن خلفه فوجد محمود جالس على طاولة الفتيات فقام بغضب وذهب إليه ووصل عندما طلب التعرف على شهود قائلا : مش تعرفيني على صاحبتك يا بنت خالتي
يزَن وضع يده على كتف محمود قائلا : ومن امتى وانت بتتعرف على بنات يا أخ
محمود : عادي معرفة سطحية مثلا ونكون أصحاب صداقة عادية يعنى
مالك : قال الله تعالى " ولا متخذات اخدان" وبرضو " ولا متخذي أخدان "
محمود : مش فاهم
جوري : يعنى مفيش صداقة بين الولد والبنت لا الولد يتخذ صديقة ولا البنت تتخذ صديق اللى هو الخدن
هز محمود رأسه متفهما ولكن في داخله يقول : محسسيني إني قاعد فى جامع كل واحد هيعطيني خطبة في حاجة .. ثم وقف واستأذن للذهاب
يزَن : خليتوه يقعد معاكم لي
حياء : والله معرفتش أقوله اي
يزَن : قولوا كمان انكم مديتوا ايدكم وسلمتوا عليه
جوري : لا والله احنا صديناه
يزَن: طيب اياكم تخلوه يقعد وسطيكم فاهمين انا بحذركم
حياء : ماشى
يزَن : انا على الترابيزة اللى جنبكم تحصل اي حاجة تنادوني فاهمين ولا لا
جوري : حاضر
ذهب يزَن ومعه مالك إلى الطاولة التى كانا يجلسان عليها كل هذا وشهود تنظر بدهشة ولا شك أن شخصية يزَن المتدينة أعجبتها
أقبلت ماجدة على طاولة الفتيات قائلة : ازيكم يا بنات ... اى ده صاحبتكم ولا اي
حياء : لا دى شهود أخت الدكتور مالك
ماجدة بفرحة : شهود ازيك يا حبيبتي عاملة اي .. ثم عانقتها
شهود : حضرتك تبقى ام الأستاذ يزَن
ماجدة : اى نسيتينى ولا اي
شهود: معلش أنا أسفة
ماجدة : ولا يهمك يا بنتي .. عاملة اي وأميرة عاملة اي
شهود : الحمد لله بخير يا طنط
ماجدة : ومالك عامل اي ما جاش معاكى
شهود : لا جه قاعد مع الأستاذ يزَن على ترابيزة تانى
ماجدة : آه .. طيب.. مالك يا جوري ساكتة لي
جوري : اللى اسمه محمود ده
ماجدة : مالو
قصت عليها جوري ما حدث وختمت حديثها ب : أما واد بارد بصحيح
حياء : عيب يا جوري
ماجدة : معلش يا بنتي استحمليه هنعمل اي يعنى
جوري : المرة الجاية هطلع بروحه
حياء : جوري قولنا عيب وحرام
شهود : قال الله تعالى " ولا يغتب بعضكم بعضا أيحب أحدكم أن يأكل لحم أخيه ميتا فكرهتموه " انتى كده بتاكلى فى لحمه
حياء : قال رسول الله صلى الله عليه وسلم " لا يدخل الجنة نمام " ياريت تكوني فهمتي احنا على مصلحتك
جوري : اسفة مش هتتكرر
وما أن أنهت جملتها حتى أتى يزَن ومعه مالك قائلا : يا بنات أخيرا خلصوا رقص روحو سلموا عليها علشان نمشى
حياء : حاضر
مالك : شهود روحي معاهم
شهود : ماشى
ذهبت الفتيات إلى حيث المنصة
فقالت ماجدة : اخس عليك يا مالك بقى كده تقابل يزَن وتيجي هنا وكمان ما تسألش علي
مالك : ودي تيجي برضو انتى كانت ليكي زيارة مخصوص وسألت عليكي يزَن والله قال انك مع أختك
ماجدة : خلاص عفونا عنك
مالك : تسلمي يا ست الكل
ماجدة : أميرة ماجتش معاكم ولا اى
مالك : لا انا جيت مع شهود علشان العروسة تبقى صاحبتها ومينفعش اسيبها تيجي لوحدها
ماجدة : آه .. طيب سلملى عليها يابنى
مالك : حاضر.. فاكر ساعة كنت تتأخر وانت بتجيب الساندويتشات
يزَن: فاكر .. ما كله بسببك 😂😂
مالك : ازاى
ماجدة : كان بيقعد يقول يا ماما مالك هيزعقلي علشان التأخير وما تنسيش تعملى ساندويتشات زيادة علشان هيجيب أخته وانا عاوز أكرمه
مالك بضحك : طول عمرك صاحب واجب
يزَن : طبعا .. فاكر كنا قالبين الكتّاب مطعم نسمع من هنا واول ما نخلص نقعد ناكل
مالك : كنا بنعوض الدهون اللى خسرناها واحنا بنسمع 😂😂
ضحك الاثنان على حديثه وبعد عدة ثواني جاءت الفتيات فقال مالك : عاوزين حاجة
ماجدة : شكرا يابنى .. ما تنساش تسلملي على أميرة
مالك : حاضر .. ثم وجه حديثه ليزَن قائلا : لينا قاعدة تانى
يزَن : اكيد
ذهب مالك ومعه شهود وبعدهم بعدة دقائق غادر يزَن مع عائلته حيث كانت ماجدة تودع ابنة أخيها
________________
حبيت اعمل الفرح فصل لوحده علشان طويل اتمنى يكون عجبكم ♥️
# غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
