غيرتني أنثي عربية بقلمي " ولاء يونس " مكتملة

الفصل الواحد والعشرون

في المول
وصل الثلاثة إلى هناك ونزل مالك أولا فتبعته شهود وجوري معا .. دخلوا معا فوجد مالك صديقا لوالده منذ سنوات طويلة
مالك : أهلا أستاذ جمال
جمال : أنت مالك صح .. مالك حسن ابن صديقى العزيز
مالك : أيوة أنا
جمال : ازيك يابني عامل اي .. كبرت أهو ما شاء الله
مالك : الحمد لله
نظر جمال إلى شهود وقال : شهود دي صح
مالك : أيوة هي
جمال : ازيك يا شوشو عاملة اي
شهود : الحمد لله يا أنكل وحضرتك عامل اي
جمال : أنا الحمد لله.. ثم نقل بصره إلى جوري وقال : أكيد دي المدام
فتحت جوري فاها من الصدمة .. بينما نظر مالك وشهود لبعضهم البعض فقال مالك : لا لا ..
جمال : أمال مين
مالك : شهود اتخطبت ودي الآنسة جوري أخت خطيبها
جمال : آه .. تشرفنا يا آنسة
جوري بتوتر وخجل من الموقف : شكرا
جمال : مبروك يا شوشو
شهود : الله يبارك فيك
جمال : محتاجين حاجة دلوقتي
مالك : لا شكرا
جمال : طيب استأذنكم أنا
مالك : اتفضل
بعدما غادر جمال قال مالك : طيب ادخلوا أنتو الاتنين وأنا هستناكم هنا
دخلت الاثنتان وما إن ابتعدتا عن الجميع انفجرتا ضاحكتين على الموقف فقالت شهود : ياربي همووووت مش قادرة 😂😂
جوري : أمال أنا اعمل اي 😂😂😂
شهود : بصي الموقف فظييع 😂😂😂
جوري : جدا .. أنا زي ما يكون حد دلق جردل مياه على جسمي 😂😂😂
شهود : كويس إن مالك اتكلم يا ربي 😂
جوري : هو ما كانش هيتكلم ولا اي
شهود : لا هيتكلم بس الموقف محرج .. وهو بصلي وعنيه وسعت كده من الصدمة خوفت أحسن يسكت خالص 😂
جوري : طيب يلا ياختي أهو الحفلة بقيت علينا
شهود : يلا 😂
وهما يتمشيان في الطرقة ويبتسمان بسبب الموقف قالت شهود : طيب والله فكرة
جوري : اي هي
شهود : اجوزك الواد أخويا ده .. أصل مش معقولة أسيب البيت ويقعد لوحده كده لازم حد يعفرته زيي وأنتي أحسن عفريتة 😂😂
جوري بخجل : اي اللي بتقوليه ده يا شهود
شهود : بهزر معاكي اي مهزرش😂😂
جوري نظرت لها بغيظ ثم قالت : شكل اللي بعمله في إخواتي هيطلع على
شهود : بالضبط
_____________________________________

حياء : أنت هتكلم مالك إمتى .. ده النهاردة الاثنين وأنت عاوز تعقد القران يوم الخميس .. يعني مش قدامك كتير
يزَن : هكلمه النهاردة إن شاء الله.. هروحله البيت دلوقتي زمانه رجع من الشغل
سمعتهم ماجدة فقالت : استنى يابني مالك مش في البيت دلوقتي
يزَن : عرفتي ازاى
ماجدة : راح مع شهود تشتري حاجات للفرح
يزَن : آه .. أمال جوري فين ما شوفتهاش من ساعة ما جيت
ماجدة : ما هي راحت معاهم
يزَن : ماشي .. ثم وقف لوهلة وقال : ايه .. راحت معاهم
ماجدة : أيوة .. أميرة اتصلت وقالت خلي جوري تروح مع شهود وانت كنت في الشغل فخليتها تروح معاهم
يزَن : برضو يا ماما مينفعش تروح مع حد غريب
ماجدة : غريب ازاي ده صاحبك وانت عارفه كويس
يزَن : أنا واثق جدا في مالك بس برضو مينفعش
ماجدة : يعني اقولها ترجع
يزَن : خلاص بس ياريت ما تتكررش
ماجدة : حاضر .. ثم غادرت
يزَن : حياء
حياء : نعم
يزَن : قولتيلي رايحة تجيبي الشهادة بعد بكرا صح
حياء : اه
يزَن : طيب .. ما تنسيش تجيبي الورق اللي مكتوب فيه إنك حصلتي على بعثة .. وأنا هعملك الباسبور
حياء : تمام
يزَن : هقوم أنا ارتاح
حياء : على فكرة جوري مش هترجع معاهم
يزَن : ليه
حياء : علشان هتروح عند سها
يزَن : سها دي اللي أنتي قولتيلي عنها ..صح
حياء : أيوة
يزَن : استأذنت من مين
حياء : من بابا
يزَن : وأنتي ما منعتيهاش لي
حياء : أنت عارف إن جوري ما بقتش تستحمل مني كلمة وقبل أي حاجة بتتخانق معايا وغير كده أنا بسبب خناقة الصبح مش بكلمها
يزَن : يا حياء مينفعش كده مهما كان هي الصغيرة
حياء : بص يا يزَن أنا عملت كده علشان أحسسها بالذنب .. تأنيب الضمير يعني
يزَن : ياريت ما تطوليش طيب
حياء : حاضر
______________________________________