عاد مالك إلى المنزل مبكرا فقالت أميرة : كويس إنك جيت بدري
مالك : ليه في حاجة
أميرة : كنت عاوزاك تاخد شهود وتروحوا المول علشان تشتري حاجات للفرح
مالك : ماشي مفيش مشاكل
أميرة : وكمان ..
مالك : كمان اي
أميرة : هتعدي على بيت يزَن وتاخدوا جوري معاكم
مالك : اي يا ماما ازاي يعني
أميرة : أنا كلمت ماجدة وقالت إن يزَن عنده شغل كتير قولتلها خلاص هقول لمالك يوديهم
مالك : طيب يزَن هيبقى هو وأخته وخطيبته أنا بقى هروح معاها بصفتي إي يعني أخو خطيبة أخوها
أميرة : طيب مانا مينفعش أقولها دلوقتي مالك رافض
مالك : ماشي .. بس ياريت ما تحطينيش في موقف زي كده تاني .. كنتي كلمتيني الأول
أميرة : معلش يابني حقك علي
مالك : خلاص ولا يهمك .. فين شهود
أميرة : في أوضتها .. روحلها عقبال ما اسخنلك الأكل
مالك : ماشي
ذهب مالك إلى غرفة شهود فطرق الباب وسمع الإذن فدخل قائلا : اي يا شوشو الشياكة دي
شهود : بجد حلو ..
مالك : اي رايحة تجيبي عريس مش خلاص اتخطبتي
شهود : برضو كده يا مالك .. هو أنا بتاعة الحاجات دي
مالك : انتي زعلتي .. أنا بهزر .. وانتي فكرك يعني لو بتعملي كده كنت خرجتك من البيت اصلا
شهود : على أساس إني مقضياها خروجات
مالك : صح غلبتيني .. اه صح كنتي هتروحي المول مع .. مع الأنسة جوري صح
شهود : أيوة
مالك : اتفقتي انتي وماما على
شهود : برضو أنا اعمل كده
مالك : يا سلام
كادت أن تجيبه شهود ولكن رن هاتفها وجدت المتصل مجهولا فقالت : يا مالك الولد ده اللي حكيتلك عنه من فترة عمال يرن ويضايقني وبيرن من أرقام مختلفة
مالك : هاتي كده
ثم أخذ الهاتف منها ووضعه على أذنه وصمت
المتصل : اي يا آنسة شهود .. مش بتردي لي .. أنا قولتلك إني عاوز أخطبك ومش هينفع حكاية إنك مخطوبة دي وهتكتبي كتابك ده ميرضينيش
مالك : أنت مين
المتصل : مش ده رقم الآنسة شهود
مالك : انت عاوز اي
المتصل : أنا قولت طلبي كذا مرة ومش هينفع أقعد أعيده .. حضرتك الدكتور مالك صح
مالك : لا ما شاء الله عارفنا كلنا
المتصل : طبعا ما اللي يحب حد لازم يعرف كل أخباره وأنا بحب شهود ولاز..
مالك : اياك تجيب سيرة أختي على لسانك فاهم
المتصل : هو أنا بقول حاجة غلط يا دكتور
مالك : كل اللي بتعمله غلط أصلا وياريت ما ترنش على الرقم ده تاني فاهم .. ثم أغلق الهاتف
مالك : اي ده ما تعرفيش اسمه
شهود : لا والله وشوفته ع التروكولر مسجله باسم مستعار مش اسمه
مالك : اممم .. طيب كبري دماغك منه وما تفكريش فيه
شهود : ماشي
مالك : تعالي اتغدي معايا
شهود : سبقتك .. بالهنا والشفا
مالك : الله يهنيكي
____________________________________
محمود : هشام
هشام : نعم
محمود : كنت بتكلم مين
هشام : بكلم مين ازاى
محمود : مين دي اللي عاوز تتجوزها
هشام : انت بتتصنت علي ولا اي
محمود : لا أنا دخلت وانت بتتكلم
هشام : أنا بحب شهود وعاوز اتجوزها وانت لازم تساعدني
محمود : آه وانت علشان كده بتجيب كل المعلومات عنهم صح
هشام : صح ياخويا اي هتساعدني
محمود : هشوف
_________________________________
أنت تقرأ
غيرتني أنثي عربية بقلمي " ولاء يونس " مكتملة
Ficción Generalبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
