مرت الأيام وتحسن مالك في الأسبوع الذي قضاه في منزله وعاد إلى العمل وتمت عملية جوري على خير وأصبحت بصحة جيدة وأخبر مالك يزَن بموافقة شهود وقرروا أن يجعلوه عقد قران بدل الخِطب ولاحظت حياء تغير بعض الأشياء بجوري ولكن هل تستطيع أن تعيدها كما كانت لنرى إذا
بعد مرور ثلاثة أسابيع
رن هاتف حياء فوجدتها صديقتها مليكة
حياء : السلام عليكم
مليكة: وعليكم السلام.. يا اللي مش بتسألي
حياء : معلش والله يا مكة
مليكة : بتستعطفيني علشان بحب الاسم ده
حياء : بالضبط كده
مليكة: بصي فكك من الموضوع ده نبقى نتعاتب بعدين .. اسمعي ياستي
حياء : ها
مليكة : الكلية هتعمل حفلة تخرج وانتي طبعا الأولى ع الدفعة لازم تكوني موجودة
حياء : لا مش لازم اللي عاوز يشترك براحته
مليكة : يعني مش هتحضري الحفلة
حياء : لا
مليكة : لي يا بنتي
حياء : بصي الحفلة دي بيشغلوا فيها أغاني وكده وغير كده مش عارفة الدكتور هيسلم بإيده وأنا هتكسف أحرجه وطالما مش إجباري لي أشيل نفسي ذنوب ع الفاضي
مليكة : اممم .. طيب يا ستي معاكي حق خلاص أنا كمان مش هشترك .. هنروح نجيب شهادة التخرج إمتى بقى
حياء : هي الحفلة إمتى
مليكة : بكرا
حياء : امم .. نروح بعد بكرة
مليكة : حلو أوي تمام
حياء : اشطا هشوفك بعد يومين
مليكة : الله وهنخربها صور وأكل
حياء : كل اللي هامك الصور والأكل
مليكة : هو في حاجة أهم
حياء : لا مفيش يا أختي
مليكة : طيب سلام شكلك داخلة على طمع وعاوزة تضيعيلي الرصيد
حياء : سلام يا أختي ... ثم أغلقت الهاتف
خرجت حياء ووجدت جوري وماجدة يجلسان على السفرة ويعدان الطعام
حياء : الشدة يا رجالة
جوري : طيب ما تورينا همتك وتيجي تساعدينا
حياء : من عنيا .. بس اسمعوا هقول اي
ماجدة : خير يا بنتي
حياء : الجامعة هتعمل حفلة تخرج بكرا
جوري : اشطا هاجي معاكي
حياء : لا مش هحضر .. أنا هروح بعد بكرة مع مليكة ونجيب شهادة التخرج
ماجدة : مبروك يا بنتي
جوري : ما بلاش مبروك أحسن يزَن يجي يفطسنا😂... وبعدين مش هتشتركي لي
حياء : بصي يا جوري الأغاني اللي بتشتغل وكده وطالما الموضوع مش إجباري أشيل نفسي ذنوب لي
جوري : دي حفلة يا بنتي يعني مرة في العمر إنتي هتتخرجي كل سنة
حياء : وافرض روحي اتقبضت وانا هناك أموت على معصية
ماجدة : ما تقوليش كده يا بنتي
جوري : والله أنتي مكبرة الموضوع زيادة عن اللزوم
حياء : لا مش مكبراه بس أنتي افضلي استصغري الذنوب لغاية ما تقعي في الكبائر
جوري : اي اللي بتقوليه ده يا حياء
حياء : بقول اللي شايفاه قدامي
جوري : شايفاني ماشية في الشارع برقص ولا اي
حياء : لا شايفة إنك بدأتي تتغيري
جوري: اتغير ازاي يعني
حياء : بتقصري الخِمار وكمان بدأتي تضيقي هدومك وتصرفات تانية .. بقيتي تضحكي في الشارع عادى كده قدام الناس
جوري: والله ده لبسي ودي حياتي وأنا أعمل اللي أنا عاوزاه
حياء : لا ليكي حدود المفروض إنك ما تتعديهاش
جوري : إنتي مالكيش دعوة بحياتي
ماجدة : ايه مفيش احترام لوجودي هنا ولا اي
حياء : أنا أسفة
ماجدة : وأنتي يا جوري اتكلمي مع أختك اللي أكبر منك عدل مش طريقة دي
جوري : يعني أنتي مش شايفاها بتكلمني ازاي
ماجدة : هي بتنصحك وانتي اللي تطاولتي عليها
جوري : آه صح أصل هي حياء وأنا جوري فمستحيل هي تبقى غلطانة أبدا
ماجدة : انا عمري ما فرقت بينكم وبقول كده علشان شايفاكي غلطانة
حياء : معقولة أنتي جوري
جوري : تحبي أجيبلك البطاقة علشان تصدقي
حياء وهي تغادر إلى الغرفة : أنتي بقيتي حاجة لا تطاق
بعد ذهابها قالت ماجدة : اي يا جوري الا عملتيه ده ..حياء عمرها ما زعلتك لي بتعملي كده .. دي دايما بتخبي عليكي مش بترضى تقول لأبوكي على المشاكل اللي بتعمليها .. اي اللي غيرك كده
جوري : حتى أنتي يا ماما
تركتها ماجدة وهي تنظر لها بغضب.. بعد ذهابها قالت جوري : كل حاجة حياء حياء .. زي ما يكون مفيش غيرها هنا .. اي ده
__________________________________
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
