بعد ذهاب الوالد والابن إلى العمل انشغل كل بنفسه أما حياء حياء فكانت شاردة تفكر ماذا ستفعل بعد التخرج ثم انتهى التفكير على أن تقوم وتصلي لربها علّها ترتاح فقامت وتوضأت وصلت وظلت تدعو ربها كثيرا وتقول : " اللهم افتح لي ابواب حكمتك، وامنن على بالنجاح والتوفيق، سبحانك لا علم لنا الا ما علمتنا انك انت العليم الحكيم "
( دعاء النجاح قبل ظهور النتيجة )
ظلت تردد هذا الدعاء إلى أن جاءها اتصال نظرت إلى شاشة الهاتف لتجد المتصل صديقتها مليكة .
حياء : السلام عليكِ ورحمة الله وبركاته
مليكة : وعليكِ السلام ورحمة الله وبركاته .. بقولك روحتي الكلية ولا لسا
حياء : لا والله يا مليكة لسا هلبس واروح
مليكة : طيب ما تغلبيش نفسك وتروحي أنا جبتهالك
حياء : بجد طيب قوليلى عملت اى
مليكة : طيب تدينى كام
حياء : بطلى رزالة انا على أعصابي
مليكة : خلاص مش هوترك اكتر من كده انتي جبتي امتياز مع مرتبة الشرف وكمان...ثم صمتت
حياء : الحمد لله...كمان اى
مليكة : وكمان طلعتي الأولى ع الدفعة
حياء وقد أدمعت عيناها : الحمد لله الحمد لله ثم خرّت ساجدة شكرا لله
" هكذا المؤمن الذى يحمد الله في السراء والضراء ويسجد لله شاكرا لأنعمه فهناك من يتذكرون ربهم حين الضراء فقط ، ومن باب استحباب سجود الشكر عند حصول نعمة ظاهرة أو اندفاع بلية ظاهرة
( عن سعد بن أبى وقاص رضي الله عنه قال : خرجنا مع رسول الله صلى الله عليه وسلم من مكة نريد المدينة فلما كنا قريبا من عَزْوَراء نزل ثم رفع )
من موقع " الإمام باز رحمه الله "
________________________
رن هاتف شهود فوجدت المتصل مجهول الهوية
شهود : السلام عليكم
المجهول : وعليكم السلام
شهود : مين
المجهول : بصي من غير لف ولا دوران أنا بحبك وبصراحة عاوز اتقدملك وتعبت علشان اجيب رقمك فأنتي اي رأيك
شهود بخوف : والله اللى اعرفه أن ربنا بيقول " وأتوا البيوت من أبوابها " مش هاتو أرقام البنات وكلموها وخدوا رأيها
المجهول : بس كنت عاوز اتعرف عليكي ونبقى أصحاب كده مبدأيا واكيد هتكون فيه حدود بينا وهتبقى صداقة بريئة زى اى صداقة
شهود : انا مش عارفه مكملة معاك لي بس اسمع ربنا قال " ولا متخذاتِ اخدان " وأيضا " ولا متخذي أخدان " يعنى مينفعش تكون فى صداقة من الأساس بين الولد والبنت .. ثم أغلقت الهاتف ورمته على الأريكة فهي لم تحدث ولدا قط فى الهاتف إلا أخاها فهي يتيمة الأب منذ أن كانت فى السادسة من عمرها وكان مالك فى العاشرة من عمره فكان بمثابة أبٍ لها .
قطع حبل أفكارها دلوف والدتها إلى الغرفة فقالت : كنت قدام الأوضة وسمعتك بتتكلمي بعصبية بس مفهمتش حاجة خير يا بنتى
شهود : ها لا مفيش حاجه ده واحد كان بيستظرف
أميرة : ماشى يا بنتى ربنا يهدي
شهود : يارب
_________________________
فى ألمانيا
توماس : انظر إلى تلك الفتاة حقا انها جميلة
مارتن : هه لا تعني لي كثيرا لقد حاولت التقرب مني لكننى لم اعرها انتباهي
توماس : حقا ! لماذا يا مارتن؟ إنها فرصة لا تعوض فتلك الفتاة غاية في الجمال
مارتن : لا توماس اريد الأجمل قلت لك لن تفهمني
توماس : سوف نرى .. صحيح تذكرت أخبرتني انك ستحكي لي قصة تغيير اسمك
مارتن : قلت لك لاحقا فى الوقت الذى أشاؤه أنا فلا تكن ثرثارا
قطع حديثهم صديقهم بيل قائلا : أهلا شباب كيف الحال ؟
توماس : أهلا بيل نحن بخير تفضل
بيل : أهلا مارتن يبدو أنك منزعج بعض الشيء
مارتن : اهلا بك بيل.... لا توماس كعادته عكر مزاجي
بيل بضحك : قولتها بفمك هذه عادته ما الجديد إذا
مارتن : أنت الثاني احمق مثله سأنهض حتى لا أقضي عليكما وارتاح
بعد ذهابه تعجب الاثنان من شخصيته الغريبة يتحول فى أقل من الثواني
____________________________
فرحت ماجدة كثيرا لما وصلت إليه ابنتها فقالت : مليون مبروك يا حبيبتي الحمد لله مش مصدقة والله فرحانة جدا ثم بدأت فى البكاء
حياء : الحمد لله يا ماما الحمد لله أنا دايما بدعي ربنا إني أجيب تقدير حلو علشان أفرحكم والحمد لله ربنا جبر بخاطري وخاطركم واستجاب
ماجدة : الحمد لله يا بنتي يلا أنا هكلم أبوكي علشان اطمنه وانتي رني على يزَن
صوت مرتفع جاء من خلف حياء انتفضت له الاثنتان
: الناجح يرفع ايده ...هييييييي.... تيرارارا....كم سهرنا من ليالي للصبح لا ننم..كم عراقيل كسرنا كم حفظنا من رزم... كم جسور قد عبرنا... كم زرفنا من حمم... نبتغي صيد المعالى.. نبتغى رأس الهرم
مبروووك يا حوحوووو
حياء : الله يبارك فيكِ يا جوجو خضتيني
جوري بضحك : عارفة وهذا هو المطلوب
ماجدة : مجنونة وهتجنني البنت معاكى.. ثم انصرفت
جوري : المهم قولتي لبابا ويزَن دول هيفرحوا جداااا
حياء : لسا يا جوجو هكلم يزَن وماما هتكلم بابا
ماجدة : خلاص يا بنات انا كلمت ابوكم يلا كلمي يزَن
حياء : برن أهو
جوري : هاتي أكلمه أنا وخطفت الهاتف من يديها
_________________________
كان يزَن منهمك في عمله إلى أن جاءه اتصال ووجد المتصل أخته حياء فقال : السلام عليكم.
جوري : وعليكم السلام
يزَن : عملتي اى يا حوحو
جوري : للدرجة دى مش عارف تميز صوتي
يزَن : أهلا بأم لسانين
جوري : مش وقت مجادلة معاك عرفت حياء عملت اي
يزَن : هعرف منين يلا قولي
جوري : بجد بجد انت مش عارف حالتها عاملة اى دلوقتي
يزَن بفزع : خير حياء حصلها حاجة
جوري : اه كتييىر
يزَن: اخلصي يا جوري أعصابي سابت
جوري : حياء حصلت على امتياز وطلعت الأولى ع الدفعة اللهم بارك
يزَن : الحمد لله الحمد لله اللهم بارك اللهم لك الحمد والشكر.. وادمعت عيناه ثم انتهى الاتصال
___________________________
عاد مالك إلى المنزل باكرا فدق جرس الباب وفتحت له والدته فقال : السلام عليكم
أميرة : وعليكم السلام حمد لله على السلامة يا حبيبي
مالك : الله يسلمك يا ست الكل
أميرة : يعنى جاي بدري عن معادك النهاردة
مالك : انا مروحتش المستشفى أنا روحت كلية شهود علشان اجيب نتيجتها
أميرة : بجد عملت اى
مالك : جابت امتياز الحمد لله
أميرة : الحمد لله يابني
مالك : هى فين
أميرة : مش عارفه مالها جالها اتصال باين وكانت متعصبة من ساعتها ما خرجتش من أوضتها
مالك : خلاص هروح اشوفها
استأذن مالك لدخول الغرفة فسمحت له بالدخول فقالت : حمد لله على السلامه يا مالك جيت امتى
مالك : الله يسلمك لسا واصل حالا
شهود : آه
مالك : جبت نتيجتك وحصلتي على امتياز
شهود : الحمد لله
مالك : فى اى يا شهود مش شايفك فرحانة اوى وكمان ماما بتقول انك متضايقة
شهود : مالي ازاى انا كويسة اهو
مالك : لا مش كويسة اى اللى حصل
شهود : بصراحة يا مالك فى حاجة حصلت معايا النهاردة
مالك : احكي
قصت له شهود ما حدث معها على الهاتف فقال لها : بصي يا حبيبتي ما تحطيش كلامه فى دماغك دول شباب بيحبوا يتلاعبوا بالبنات بحجة أنه عاوز يتعرف علشان لما يتقدم يكونوا فاهمين بعض
شهود : أنا حاسة انى غلطت جدا لما كملت معاه
مالك : بصي أنتي كلامك كله مكانش فيه غلط بس الأفضل غلق الباب يعنى اول ما كلمك وعرفتي أنه شاب تقفلي الموبايل فى وشه وما تسمعيش لباقي كلامه
شهود : معاك حق بس ريحتني جدا أنا كنت خائفة خالص ربنا يحفظك
مالك : يارب يا حبيبتي.. ثم احتضنها .
__________________________
يا تري اى علاقة المجهول بشهود وعائلتها
اى اللى هيحصل ليزَن وأخواته كل ده هنعرفه فى الفصول القادمة بإذن الله♥️
عاوزة رأيكم زي الفصل الاول على الخاص او هنا
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
