كان مالك جالسا في غرفة المعيشة يطلع على بعض ملفات مرضى عنده في المستشفي .. ثم رن هاتفه ووجد المتصل يزَن ففرح كثيرا ورد قائلا : السلام عليكم.. على بالي والله كنت لسا هتصل
يزَن : وعليكم السلام.. توارد خواطر بقى 😂
مالك : مش هنبطل 😂😂
يزَن : لا خالص 😂😂
مالك : خير بقى كنت عاوز اي
يزَن : كنت عاوز اجيلك أنا والعائلة زيارة كده
مالك بسعادة : انتو تنورونا في أي وقت
يزَن : احم .. احم.. بس ده طلب خاص كده
مالك بشك : اى هو
يزَن : بص ... انا .... بصراحة ... يعني
مالك : اي يابني اتكلم
يزَن : انا طالب ايد أختك
مالك : انت بتتكلم جد
يزَن : اى مرفوض صح
مالك : مرفوض اي يالا ... انت تشرفنا النهاردة قبل بكرة
يزَن : خلاص نيجي امتى
مالك : تعالو النهاردة بالليل على بعد المغرب كده
يزَن : ماشى خلاص .. على بركة الله .. السلام عليكم
مالك : وعليكم السلام
بعد انتهاء المكالمة فرح مالك كثيرا لزوال الحرج عنه في طلبه لأخته
قال الله تعالى في سورة القصص " إني أريد أن أنكحك إحدى ابنتي هاتينِ" اى لا حرج في ذلك لكن هذا نادر جدا في مجتمعنا حسب العرف في كل مكان ولكن ليس بحرام .
__________________________
كانت جوري تقف خلف يزَن وهو يتحدث على الهاتف وانتظرته حتى ينهي مكالمته وقالت بطريقة أفزعته : نقول مبروك
يزَن بفزع : اى في اي .... يخرب بيت كده يا شيخة قطعتيلي الخلف
جوري : برضو هنقول مبروك 😂😂😂
يزَن : اولا الله يبارك فيكِ.. ثانيا ما اسمهاش مبروك
جوري : امال اسمها اي يابو المفهومية
يزَن : اسمها مبارك ياختى
جوري : اشمعنا
يزَن : علشان مبروك اسم مفعول من الفعل برك وبرك دي للبعير اللى هو الجمل ومعنى مبروك عليك يعنى برك عليك البعير وفطسك 😂
جوري انفجرت ضحك وقالت : الله خلاص لو متضايقة من وحدة هقولها مبروك عليكي 😂😂😂
يزَن : هتفضلي طول عمرك شريرة 😂😂
جوري : طبعا 😎...هروح ابلغ الكل
______________________________
فى ألمانيا
جوليا : أعتذر توماس فأنا السبب في طردك من المحاضرة
توماس : لا عليكِ سأفعل كل شئ من أجلك
جوليا : لكن هذا مستقبلك
توماس : انتي مستقبلي جوليا .. بالإضافة إلى أنني أكره هذه الدكتورة كثيرا تبدو متسلطة وقد زاد كرهي لها منذ أن أساءت إليكِ
ابتسمت جوليا وفي داخلها تقول : يبدوا أن الخطة نجحت تماما .. يالا فرحتي
توماس : أين ذهبتِ ؟
جوليا : ها... ماذا تقول
توماس : أحادثكِ منذ فترة ويبدوا أنكِ في عالم آخر
جوليا : أسفة يمكن أن تستعيد كلامك
توماس : أوه لا عليكِ.. لا تكترثي لذلك
جوليا : حسنا
___________________________
بعد ما أنهى مالك مكالمته أخذ ينادي على والدته بفرحة : ماما ... يا ماما
أميرة : خير يا حبيبى
مالك : مش هتصدقي مين كان معايا على التليفون
أميرة : مين
مالك : يزَن .. وكمان جاي هو وأهله بعد المغرب .. وكمان
أميرة : وكمان اي
مالك : طالب ايد شهود
أميرة : انت بتتكلم جد
مالك : اه والله.. شال عني حرج كبير .. طلع بيفكر زينا
أميرة : الحمد لله يابني .. بس شهود..
مالك : ما تشيليش همها أنا هتكلم معاها وإن شاء الله هتوافق
أميرة : ان شاء الله يا حبيبي
__________________________
جوري : ماما يا ماما ... يا حياء .. يا بابا
أتت ماجدة على صوت جوري قائلة : خير يا بنتي مالك .. ثم تبعتها حياء : في اي يا جوجو
جوري : عندي خبر هيفرحكم
كان خالد يجلس على الكرسى وقال : انجزي وادخلي في الموضوع على طول
جوري : جهزوا نفسكم علشان رايحين للعروسة النهاردة
حياء : اى ده بالسرعة دي
ماجدة بضحك : أكيد يا بنتي
جاء يزَن من خلف جوري قائلا : اى ده ما شاء الله سمعتي المكالمة كلها وبسرعة قولتيلها
جوري : لازم أكون متأكدة من المعلومات .. امال 😅... وانجزوا علشان ورانا شغل كتير
يزَن : شغل اي يا بت انتي هتستهبلي .. احنا اللى رايحين مش هما اللي جايين
جوري : آه .. إذا كان كده ماشى
غادر كلا من خالد وحياء وماجدة غرفة المعيشة
وتبقى يزَن وجوري فقال يزَن : يابت يا جوري
جوري : اممم
يزَن : تتوقعي اى ردة فعل خالتك لو عرفت
جوري : هتقطع هدومها وهتقعد تلطم 😂😂😂😂
يزَن : عيب يا بت ما تقوليش كده
جوري : بس بس ما تعكرش دماغنا مش فايقين ليها دلوقتي
يزَن : ماشى ياختى 😂
خدوا حديث بالمرة على الحتة دى
قال رسول الله صلى الله عليه وسلم " ليس منا من شق الجيوب ولطم الخدود "
________________________________
بعد انتهاء المحاضرة خرجت لورا تبحث عن جوليا فوجدتها جالسة مع توماس تتبادل معه الأحاديث والضحكات فثارت وذهبت إليها وقالت : جوليا هل تمزحين ؟ أنا قلقة لشأنكِ وحزينة على ما فعلته الدكتورة بكِ .. وأنتِ هنا تتبادلين الضحكات
توماس : حسبكِ يا أنسة من أنتِ ؟
جوليا : انتظر توماس .. وماذا بعد لورا
لورا : حقا أنتِ مستفزة .. يالا برود دمك
جوليا : أنا لم أشأ حضور هذه المحاضرة.. والحمد لله طردت منها وللأبد
لورا : ولكن هذه المحاضرات مهمة
جوليا : بربك ماذا أفعل
لورا : تستسمحين الدكتورة
جوليا : لا هذا كثير .. لن أفعل ذلك مطلقا
لورا : لكن هذا مستقبلك
جوليا : لا يهمني
لورا : حسنا.. سأغادر حتى لا أموت غيظا بسببك
جوليا : رافقتكِ السلامة
بعد ما غادرت لورا همّ توماس قائلا : أليست تلك الفتاة هى نفسها مَن دخلت معكِ المحاضرة
جوليا : أجل هي بعينها
توماس : لماذا تتحدث معكِ هكذا جوليا : هى دائما كذلك
توماس : يبدو أنها مجتهدة
جوليا : هل جلستنا هذه للحديث عن لورا أم ماذا
توماس : أسف
جوليا : دعنا نغير الحديث
توماس : حسنا
______________________________
دق مالك باب غرفة شهود واستأذنها للدخول فوجدها ترسم كعادتها فقال لها : شوشو
شهود : نعم
مالك : عارفة مين هييجي عندنا النهاردة
شهود : مين
مالك : فاكرة يزَن وأخواته
شهود : اه فاكراهم .. هما اللى هييجوا
مالك : أيوة وكمان معاه أبوه وأمه
شهود : يشرفوا..ثم صمتت قليلا وقالت : بس غريبة العيلة كلها جاية
مالك : هما جايين يطلبوا ايدك
شهود : اه ماشى .. ثم توقفت لوهلة وقالت : نعم بتقول اي
مالك : اي بقول اي يعنى .. احنا اتكلمنا فى الموضوع ده وقولتلك لو لقيتلك الملتزم هجيبهولك ويزَن اللهم بارك أخلاقه زي أخلاقنا وكمان خاتم القرآن مع الإجازة يعنى زى ما انتي عاوزة بالضبط
شهود : مالك.. احنا لسا متكلمين في الموضوع ده من ساعة .. انت كنت موقفه ع الباب يعنى ولا اى
مالك : احنا في عصر السرعة
شهود : طيب لي النهاردة
مالك : شهود اديني سبب لرفض يزَن
شهود : بس يا مالك ...
مالك : من غير بس هما جايين النهاردة بعد المغرب جهزي نفسك
شهود : ماما عرفت
مالك : آه قولتلها وهى موافقة كمان
شهود : انتو مظبطينها بقى
مالك : أيوة
شهود : أمري لله .. بس هتقوله على حكايتي
مالك : إن شاء الله
_______________________________
مروة : محمود .. محمود
محمود : عاوزة اي من زفت
مروة : بص عاوزة اتكلم معاك شوية
محمود : ها اي انجزي
مروة : بذمتك أنت مصدق اللى أمك قالته
محمود : اي اللى أنتي بتقوليه ده أكيد مصدق وأمك هتكدب لي يعني
مروة : يعني أنت مش عارف أمك أكيد قالت حاجة عصبتهم وأنت عارفها
محمود : لا يا مروة البت دى زودتها حتى يوم فرح بنت خالك اللى يشوفها يقول هتقوم تضربني
مروة : أنا عارفة إن جوري تختلف عنهم بس في حلقة مفقودة في كلام أمك أو يعتبر كل الحلقات مفقودة
محمود : لا ما اسمحلكيش قصدك إن مفيش حاجة حصلت من كلامها
مروة : أيوة
محمود : لا لا أنا مصدقها وهوري البت دى شغلها كويس
مروة : انت ناوي على اي
محمود : مالكيش دعوة أنتي أنا عارف هعمل اي
مروة : ما تنساش إنها بنت خالتك يا محمود
محمود : قولتلك مالكيش دعوة
_______________________________
قبل أذان المغرب
جوري : ها يا ماما جهزتي
يزَن : مش عارف أنتي مستعجلة على اي زي ما يكون انتي اللى هتتجوزي
نظرت له جوري نظرة استحقار ثم قالت : خليك في نفسك
يزَن : جوري
جوري : نعم
يزَن : احترميني قدامهم
جوري : ايدك
يزَن : عاوزة ايدي في اي
جوري : يعنى هعمل بيها اى... عاوزة مقابل
يزَن : آه مقابل .. قولتيلي .. طيب هاتي ايدك
جوري : اي هتديني فلوس
يزَن : لا هقطعهالك .... يلا روحي شوفي حياء
جوري : حاضر ما تزوقش
يزَن : يارب صبرني
جوري : يارب
___________________________
شهود : وهي تحدث نفسها : يعني ياربي أنا تقيلة عليهم للدرجة دي ما صدقوا لقيوا واحد بالمواصفات دي علشان معرفش اتكلم .... طيب يصبروا شوية .. شيب وبعدين أنا هقعد واتكلم معاه كيف ده انا عمري ما اتكلمت مع راجل .. الوحيد اللى كلمته هو اخويا مالك والبواب لما سألته ماما موجودة ولا لا ..
ثم قاطع حديثها صوت طرقات على الباب فعرفت أنه مالك وأذنت له بالدخول فقال مبتسما : عروستنا الجميلة مجهزتشي لي
شهود : بالله عليك ما تقولي الكلمة دي
مالك : هصرف نظر عن جملتك دي .. بس برضو مجهزتيش لي
شهود : لسا بدري هجهز دلوقتي لي
مالك : بربك أنتي تعصبي فعلا
شهود : انا لى يعنى
مالك : يا الله.. يعنى المغرب على أذان وانتى لسا مجهزتيش وهما جايين بعد المغرب ولسا بتقولي لي يعنى
شهود : انت مكبر الموضوع أوي ومش محتاج كل ده
مالك : شهود انا مش عاوز اتعصب عليكى وعارف انتي بتعملي لي كل ده .. اللى في دماغك ده ماضي ولازم تنسيه .. فاهمة ماضى
شهود : مش قادرة .. مش قادرة أنا كل دقيقة وكل ثانية بتمر قدام عيني لحظة وهو بيتقتل يعني اى طفلة عندها ٦ سنين تشوف أبوها بيتقتل وهي بتكتم نفسها علشان محدش يحس بيها
مالك : خلاص يا شهود
شهود : لا مش خلاص أبويا اتقتل من أعز الناس عليه عاملهم بالحسنى وردوله المعروف بالقتل وفي الآخر معرفناش نجيب حقه .. هرب بعد ما قتله بدم بارد .. كل الناس كده مفيش حد بيحب التاني كله لابس قناع مزيف
مالك : اهدي طيب يا شهود مش كده حرام عليكي .. انا منسيتش وعمري ما هنسى واكيد لو عرفت طريقه هجيب حق أبويا ..
شهود : هه فكرك هيرجع بعد اللى عمله ما دام فيه شاهد
مالك : مش وقت الكلام ده
شهود : أيوة والمطلوب مني اي يعنى
قومي اتوضي وأجهزي لمقابلة الضيوف وشيلي الحاجات دي من دماغك دلوقتي
شهود : بس ..
مالك: من غير بس يلا قومي
___________________________
اتكشف جزء من الماضي اللى عاشته شهود وهي صغيرة وفاضل الجزء الأهم
يا ترى القاتل هيرجع بعد كل السنين دي ولا لا ؟
لسا حقيقة ماضي حياء وعائلتها هنكتشفها مع الأحداث .
هنزل فصل تاني النهاردة بإذن الله ♥️
اتمنى يكون عجبكم
# غيرتني_أنثى_عربية
#ولاء_يونس
أنت تقرأ
غيرتني أنثي عربية بقلمي " ولاء يونس " مكتملة
General Fictionبطلة قصتنا هى القمر الذي يضئ عتمة البطل، هى من ستهديه للصواب، عصيتَ ربك كثيراً من قبل، لكن جئت أنا لأكون سببًا في توبتك، وأيضاً ستوضح لك أمورا كثيرة في دينك، كيف يعيش الملتزمين، كيف أن حياتهم جنة في طاعة الله، أتمنى أن تخرجوا منها بكم كبير من الاستف...
