غيرتني أنثي عربية بقلمي " ولاء يونس " مكتملة

الفصل الثلاثون

كان يزَن يجلس على الكرسي وأمامه حياء ويقف لجوار الحائط مارتن
يزَن : أنت تعرف مأذون هنا
مارتن : أيوة
يزَن : تمام .. بس أنت شكلك مش غريب حاسس إني شوفتك .. آه صح أنت اللي شوفتك في المكتب امبارح
مارتن : أيوة
يزَن : اممم .. وأنت اي حكايتك بقى
مارتن : حكاية اي
يزَن : أنت من ألمانيا ازاي بتتكلم كده
مارتن : أنا من مصر .. بس جيت مع عيلتي من زمان هنا
يزَن : آه .. يلا نمشي
حياء وهي تنظر أمامها بجمود : هقولهم همشي لي
مارتن : سيبيها على .. ثم ذهب مارتن إلى الدكتور وقال : عفوا دكتور
الدكتور : زوجتي مرضت بسبب ما حدث منذ قليل سأغادر بها الآن
الدكتور : لا توجد مشكلة .. خذها واذهب
مارتن : حسنا .. شكرا لك .. كاد مارتن أن يغلق الباب فقال الدكتور : مارتن .. لا تنسى غدا تكون الوثيقة عندي
مارتن : بالطبع .. ثم أغلق الباب وذهب إلى حياء ويزَن قائلا : يلا نمشي
حياء : أنت قولتلهم اي
مارتن : مالكيش دعوة باللي قولته
حياء : أنا مش همشي من هنا غير لما اعرف .. قول أن أنت كدبت كدبة جديدة علشاني صح
مارتن : أنا قولتلهم أن أنتِ تعبانة ولازم تروحي .. ما كدبتش ولا حاجة
حياء : ماشي
يزَن : يلا بقى
ثم خرج الثلاثة من المكتب .. كان مارتن يمشي بالأمام وخلفه يزَن يسند حياء
رأتهم جوليا وقالت : يالا حظ هذه الفتاة المقززة .. مارتن هو زوجها .. كلا لا أصدق أبدا
لورا : جوليا .. أنتِ مَن وضع العقد في حقيبة حياء .. أليس كذلك ؟
جوليا بتوتر : كلا .. ولمَ أفعل ذلك ؟
لورا : لن أستفيد شيئا من معرفة الحقيقة ولكن عليكِ أن تعلمي أن مارتن لن يترككِ .. سينتقم منكِ على إهانتك لزوجته إن كان هذا الأمر خدعة منكِ
جوليا بخوف : وهل صدقتِ هذا الأمر ؟
لورا : ولمَ سيكذبان ؟
جوليا : لا أعلم ولكن الأمر ليس حقيقي .. وسأكشف هذه الكذبة وسترين بنفسك
لورا : جوليا .. ابتعدي عن مارتن .. أعتقد أنكِ غبية .. عندما فكرتِ في أذية صديقه كان سيقتلك فكيف بزوجته إذا
جوليا : لا تقولي إنها زوجته مرة أخرى .. سمعتِ ؟
لورا : لن تتغيري أبدا .. مارتن سيسحقكِ أعدكِ بذلك
___________________________________

خرج مالك من غرفته ووجد والدته تجلس ساكنة لا تتحدث
مالك : فيكي حاجة يا ماما
أميرة : لا يابني مفيش
مالك : أمال قاعدة زعلانة لي كده
أميرة : أنتو حالكم يحزن يابني يعني أنت مش عارفة اي اللي حاصل بينك وبين جوري وزعلانين من بعض .. وشهود بعيدة عني وكمان دولة تاني ومش عارفة اتكلم مع حد منكم
مالك : أنا جنبك أهو اتكلمي براحتك وأنا سامعك
أميرة : أنا عارفة إنك سامعني .. بس أنت مش راضي تقول اي اللي فيك .. ريحني يابني ربنا يريح بالك
مالك : ما تشغليش بالك يا ماما
أميرة : ما اشغلش بالي ازاي يعني .. احكيلي يا مالك أنا أمك مش حد غريب .. عمرك ما كنت بتخبي عني حاجة يابني
مالك : بصي الحكاية هي .. وقص لها ما حدث ...
أميرة بفزع : فسخت خطوبتك يا مالك
مالك : بالنسبة ليها الموضوع خلص بس بالنسبة ليا أنا لسا مخلصش
أميرة : أكلمها أنا يعني يابني
مالك : لا يا ماما .. أنا اللي غلطت وأنا كمان اللي لازم أصلح غلطي
أميرة : كان مستخبيلنا فين ده بس ياربي
مالك : ما تقوليش كده يا ماما قولي الحمد لله على كل حال
أميرة : الحمد لله .. طيب أبوها قالك اي
مالك : قال إن زي ما هي غلطت أنا كمان غلطت
أميرة : ربنا يصلح حالكم يابني
مالك : يارب
____________________________________