💞មន្ដស្នេហ៍លេខាឆ្នើម💞 [𝑪𝒐𝒎𝒑𝒍𝒆𝒕𝒆𝒅✔︎✨]

មន្ដស្នេហ៍លេខាឆ្នើម ភាគ៧

                មន្ដស្នេហ៍លេខាឆ្នើម
                         ភាគ៧
...............

       មុននេះដោយសារតែនិយាយការងារជាមួយជីមីនរៀងយូរបន្ដិច ទើបធ្វើអោយហួសម៉ោង ។ ក្នុងឡានដែលមានសភាពស្ងៀមស្ងាត់ ព្រោះគ្មាននរណាមាត់កអី ជុងហ្គុកឃើញទឹកមុខស្លេកស្លាំងរបស់អ្នកដែលអង្គុយបាំងខាងក្រោយក្បែរខ្លួន គេអត់នឹងសួរមិនបាន

      "ឯងកើតអី? មុខស្លេកខ្លាំងម្ល៉េះ?"ជុងហ្គុក រាងតូចក៏ងាកមុខមករកគេទាំងទឹកមុខជូរហួញ តែមិនហ៊ាននិយាយថាខ្លួនឃ្លាននោះទេ ទើបសម្រេចចិត្តក្រវីក្បាលជំនួសចម្លើយ

       "ក្រូក..."

       មិនទាន់បានប៉ុន្មានផង ពោះរបស់ថេយ៉ុងក៏ចាប់ផ្ដើមកូរឡើង ដល់ថ្នាក់លាន់លឺដល់ខាងក្រៅ អ្នកដែលអង្គុយជិត អត់នឹងអស់សំណើចនឹងគេមិនបាន

       "ឯងឃ្លាន?"ជុងហ្គុកសួរបញ្ជាក់ ទើប
ថេយ៉ុងងក់ក្បាលដោយភាពអាម៉ាស់ អាពោះចង្រៃ ចេះមកបំបាក់មុខគេទៅកើតដែរ

       "ប្រហែលជាហួសម៉ោងហើយ ជេកចូលទិញអាហារខ្លះៗអោយគេផង"ជុងហ្គុកប្រាប់ទៅជំនិតរបស់ខ្លួនទាំងអស់សំណើចក្នុងចិត្តម្នាក់ឯង ក្មេងម្នាក់នេះ ក្រពះខ្លួនឯងសោះក៏មិនហ៊ានមាត់ នេះបើវាមិនបញ្ចេញសម្លេង ប្រហែលជាត្រូវទ្រាំដល់ពេលណាក៏មិនដឹង

       "ចុះលោកប្រធាន?"ថេយ៉ុង

       "ខ្ញុំមិនឃ្លានទេ"ជុងហ្គុកតប ថេយ៉ុងក៏ឈប់សួរបន្ត បន្ដិចក្រោយឡានក៏មកដល់ហាងអាហារមួយកន្លែង ជេកបានចុះទៅទិញអាហារមកអោយរាងតូចតាមបញ្ជាចៅហ្វាយខ្លួន មុននឹងបើកឡានទៅក្រុមហ៊ុនបន្ត....

       ក្រោយមកដល់ក្រុមហ៊ុន រាងក្រាស់ក៏ឡើងទៅបន្ទប់ធ្វើការខ្លួនបាត់ នៅសល់តែរាងតូចដែលកំពុងអង្គុយរៀបញាំបាយម្នាក់ឯងនៅខាងក្រោម ។ រៀបនឹងដួសបាយដាក់ចូលមាត់ទៅហើយ គេក៏នឹកឃើញអ្វីម្យ៉ាង ទើបរៀបចំប្រមូលអាហារដែលទិញមុននេះ យកទៅខាងលើវិញ ។ មកដល់តុធ្វើការរបស់ខ្លួន រាងតូចក៏ដាក់អាហារចុះ មុននឹងគោះទ្វារបន្ទប់របស់រាងក្រាស់

       "នេះបាយរួចហើយ?"ជុងហ្គុកជ្រួញចិញ្ចើមឆ្ងល់ ព្រោះឃើញរាងតូចមកដល់លឿនលើសពីការគិតរបស់នាយ គេទើបឡើងមកដល់បន្ទប់ដាក់គូទចុះមុននេះសោះ រាងតូចក៏មកដល់បាត់ទៅហើយ