💞មន្ដស្នេហ៍លេខាឆ្នើម💞 [𝑪𝒐𝒎𝒑𝒍𝒆𝒕𝒆𝒅✔︎✨]

មន្ដស្នេហ៍លេខាឆ្នើម ភាគ ២៥

                 មន្ដស្នេហ៍លេខាឆ្នើម
                         ភាគ ២៥
..........

         អស់រយះពេល1ខែ ចាប់តាំងពីថ្ងៃដែលថេយ៉ុងឈានជើងចេញពីក្រុមហ៊ុន ជុងហ្គុកក៏មិនដែលបានដំណឹងរបស់រាងតូចទៀត នាយលួចទៅមើលថេយ៉ុងនៅផ្ទះរបស់គេដែរ តែអ្វីគ្រប់យ៉ាងគឺគ្មានបានអីទាល់តែសោះ ថេយ៉ុងមិននៅផ្ទះរបស់គេ ផ្ទះក៏ចាក់សោពីខាងក្រៅ ធ្វើឲ្យអ្នកដែលព្យាយាមតាមមើលគេ មិនអាចដឹងដំណឹងរបស់គេបាន នេះគេប្រហែលជាលែងបានឃើញថេយ៉ុងទៀតហើយ ព្រោះរាងតូចគេចមុខ បាត់ស្រមោលឈឹង នាយទៅសាលារបស់ដេយ៉ុង គ្រូនៅសាលាក៏ប្រាប់ថាក្មេងតូចត្រូវបងប្រុសរបស់គេប្ដូរសាលារៀនផ្សេង ពេលនេះនាយចង់រកតម្រុយរបស់ថេយ៉ុងក៏មិនឃើញដែរ ។

    ចំណែករឿងរបស់នាយនិងអាលី ក៏ដំណើរការទៅយ៉ាងល្អ ហើយពេលនេះពួកគេក៏ជិតរៀបការដែរ ។ តែរឿងដែលជុងហ្គុកនៅតែមិនស្រួលចិត្ត ព្រោះគ្មានឃើញមុខជូហ្វីបន្ដិចសោះ គេបាត់ស្ងាត់ឈឹងមិនបញ្ចេញសកម្មភាព មិនតាមរំខានអាលី មិនសូម្បីនឹងលេខមុខអោយជុងហ្គុកបានឃើញ បែបនេះវាកាន់តែគួរអោយចម្លែកចិត្តខ្លាំងណាស់ ។ ថ្ងៃនេះជាថ្ងៃកូនកម្លោះនិងកូនក្រមុំទៅរើសឈុតរៀបការ ព្រោះនៅមិនប៉ុន្មានថ្ងៃទៀត ជុងហ្គុកនិងអាលីក៏នឹងរៀបការហើយ ។ នាយនាំនាងតូចមកហាងសម្លៀកបំពាក់ដែលម៉ាក់នាយជាអ្នកប្រាប់ តែមើលទៅទឹកមុខរបស់នាងដូចជាមិនសូវស្រស់បស់នោះទេ នាយចង់សួរនាំនាងដែរ តែមិនហ៊ាននិយាយអីច្រើននៅពេលនេះ ព្រោះពួកគេកំពុងតែនៅហាងសម្លៀកបំពាក់នៅឡើយ ។

    "អូនចង់ទៅណាទៀតដែរទេ?"ជុងហ្គុកបើកឡានបណ្ដើរងាកសួរនាងតូចបណ្ដើរ ពេលនេះពួកគេកំពុងតែត្រលប់ទៅផ្ទះវិញ ក្រោយរើសឈុតរួចរាល់ ឃើញថានាងស្ងាត់មិនមាត់ទើបជុងហ្គុកសួរនាំខ្លះ ហើយក៏ចង់នាំនាងទៅលំហែខួរក្បាលខ្លះដែរ

    "អត់ទេ អូនអស់កម្លាំង ចង់ត្រលប់ទៅផ្ទះវិញ"អាលីញញឹមខ្សោះដាក់នាយបន្ដិច បន្ទាប់ក៏ងាកមើលទេសភាពខាងក្រៅវិញ

    "អូនមិនស្រួលខ្លួនត្រង់ណាមែនទេ?"ជុងហ្គុកនៅតែមិនអស់ចិត្ត ពេលឃើញនាងស្រងូតស្រងាត់ជាងរាល់ដង មិនដឹងថានាងមានរឿងអីឬក៏អត់?