💞មន្ដស្នេហ៍លេខាឆ្នើម💞 [𝑪𝒐𝒎𝒑𝒍𝒆𝒕𝒆𝒅✔︎✨]

មន្ដស្នេហ៍លេខាឆ្នើម ភាគបញ្ចប់

                  មន្ដស្នេហ៍លេខាឆ្នើម
                        ភាគបញ្ចប់
.............

         ពេលវេលាចេះតែរំកិលទៅមុខជារឿយៗ ទីបំផុតថ្ងៃនេះក៏មកដល់ ជាថ្ងៃដែលគ្រប់គ្នារំភើបរីករាយ ជាថ្ងៃពិសេសសម្រាប់ថេយ៉ុងដែលគេមិនធ្លាប់គិតថាវាអាចនឹងកើតឡើងក្នុងជីវិតរបស់គេ ហើយក៏ជាថ្ងៃរៀបការម្ដងទៀតរបស់អគ្គនាយកក្រុមហ៊ុន J.K.Groupផងដែរ ។ មានមនុស្សជាច្រើនរីករាយនឹងថ្ងៃដ៏ល្អមួយនេះ ព្រោះជាថ្ងៃពិសេសសម្រាប់គូរស្នេហ៍ប្រុសមួយគូរ ដែលគ្រប់គ្នានឹកស្មានមិនដល់ថាពួកគេអាចកាន់ដៃគ្នាមកដល់ចំណុចនេះបាន តែក៏មានមួយចំនួនតូចមានការភ្ញាក់ផ្អើលពេលដឹងថានាយសង្ហាររៀបការនឹងមនុស្សប្រុសដូចគ្នា ក៏មានលួចនិយាយខ្សឹបខ្សាវពីក្រោយខ្នង ជាពិសេសគឺលោកស្រីៗដែលស្គាល់គ្នានឹងលោកស្រីចន តែលោកស្រីចនមិនខ្វល់នឹងសំដីអស់នោះទេ សំខាន់មនុស្សដែលល្អដូចជាថេយ៉ុង គាត់មិនអាចអោយរបូតបាត់ឡើយ ហើយអ្វីដែលសំខាន់ជាងនេះ វាជាក្ដីសុខកូនប្រុសរបស់គាត់ ឃើញគេមានសុភមង្គល គាត់ក៏មានក្ដីសុខតាមហ្នឹងដែរ

      "ពេលនេះពួកកូនប្រៀបដូចជាមនុស្សតែមួយហើយ មានរឿងយល់ច្រលំនឹងគ្នាអីត្រូវនិយាយគ្នាអោយច្បាស់ កុំលាក់បាំងគ្នា បែបនោះជីវិតគូររបស់ពួកកូនមិនបែកបាក់នោះទេ"លោកស្រីចន និយាយបណ្ដើរ ញញឹមអង្អែលសក់ថេយ៉ុងបណ្ដើរថេយ៉ុងញញឹមទាំងទឹកភ្នែក ទឹកចិត្តរបស់លោកស្រីចនដែលមានចំពោះគេ វាច្រើនខ្លាំងណាស់ ទោះគាត់ដឹងថាគេជាមនុស្សប្រុស តែគាត់មិនដែលប្រកាន់នឹងគេ ព្រមទទួលយកគេគ្រប់យ៉ាងទាំងអស់

      "អរគុណម៉ាក់ដែលមិនប្រកាន់នឹងខ្ញុំ"
ថេយ៉ុងរុលខ្លួនទៅអោបលោកស្រីចនយ៉ាងណែន គាត់ក៏អោបគេវិញដូចគ្នា

      "ម៉ាក់មិនដែលប្រកាន់កូនទេ ទោះកូនមិនអាចមានចៅអោយម៉ាក់បាន តែម៉ាក់មិនមែនមានតែជុងហ្គុកឯណា ម៉ាក់នៅមានយូរី នាងនឹងអាចបង្កើតចៅអោយម៉ាក់ ឃើញពួកកូនមានសុភមង្គល ម៉ាក់ក៏សប្បាយចិត្តហើយ"

      "ហឹុកៗ..."លឺបែបនេះកាន់តែធ្វើអោយរាងតូចយំខ្លាំងលើសដើម