💞មន្ដស្នេហ៍លេខាឆ្នើម💞 [𝑪𝒐𝒎𝒑𝒍𝒆𝒕𝒆𝒅✔︎✨]

មន្ដស្នេហ៍លេខាឆ្នើម ភាគ៣៦

                   មន្ដស្នេហ៍លេខាឆ្នើម
                          ភាគ ៣៦
............

         ថាអីចេះខុស មើលតែមុខក៏ដឹងដែរ ជុងហ្គុកអង្គុយផ្អែកខ្នងនៅលើគ្រែសម្លឹងមករាងតូចដែលបើកទ្វារចូលមកមិនដាក់ភ្នែក ទឹកមុខមិនសូវរីក បូករួមនឹងកែវភ្នែកមើលចង់ធ្លុះពោះវៀន ថេយ៉ុងឃើញហើយអត់នឹងព្រឺខ្លួនមិនបាន តែគេធ្វើជាមិនចាប់អារម្មណ៍ ដើរទៅដាក់អាហារលើតុជាប់គ្រែអ្នកជម្ងឺ មិនទាន់នឹងមើលមុខជុងហ្គុកចំនោះទេ

      "នេះញាំបាយសិន ចាំញាំថ្នាំតាមក្រោយ"ថេយ៉ុងហុចស្លាបព្រា តែជុងហ្គុកមិនព្រមយក គិតតែពីមើលមុខគេរហូត

      "កើតអី? ឬខឹងនឹងខ្ញុំ?"ថេយ៉ុងលើកចិញ្ចើមសួរ នេះធ្វើរឹកដូចកូនក្មេងទៅកើតដែរ

      "មិនអោយខឹងទៀតឬ? ទៅបាត់ឡើងមួយល្ងាច ហេតុអីពេលនេះទើបតែមក?"ជុងហ្គុក

      "គឺអានេះហើយ ខ្ញុំយូរក៏ព្រោះតែនៅធ្វើវា បើមិនញាំក៏ហី យកទៅអោយគេញាំក៏បាន"រាងតូចលើកដៃប្រុងនឹងប្រមូលអាហារទុកវិញ តែជុងហ្គុកចាប់ដៃគេជាប់

      "ទុកទីនេះហើយ"ជុងហ្គុក

      "រឿងច្រើន"ថេយ៉ុងរអ៊ូក្នុងចិត្តម្នាក់ឯង

      "បញ្ចុកមក"ដោយខ្ជិលនិយាយច្រើន
ថេយ៉ុងក៏ព្រមបញ្ចុកនាយ ជុងហ្គុកញាំបណ្ដើរលួចញញឹមម្នាក់ឯងបណ្ដើរពេលឃើញទឹកមុខមិនរាប់ញាតិរបស់ថេយ៉ុង ទុកគេចោលម្នាក់ឯង គ្រាន់តែអោយបញ្ចុកបន្ដិចសោះ ធ្វើមុខដូចគេបង្ខំអោយទៅធ្វើសង្រ្គាមយ៉ាងចឹង ។ ក្រោយញាំបាយហើយ ថេយ៉ុងក៏យកថ្នាំមកអោយនាយលេបតាមក្រោយ...

@មួយខែក្រោយ

      ព្រិចៗភ្នែកកន្លងហួសមួយខែទៀតបាត់ទៅហើយ ពេលនេះជុងហ្គុកនាយក៏អាចដើរវិញបានហើយក៏អាចទៅធ្វើការបានវិញដូចគ្នា ។ រឿងខាងជេហូប ក៏នៅតែមិនបានដំណឹងអី គ្រប់យ៉ាងស្ងាត់ឈឹង តាំងពីថ្ងៃខលនិយាយគ្នានៅមន្ទីរពេទ្យនោះមក ជេហូបមិនដែលទាក់ទងមកទៀត ទាក់ទងទៅក៏មិនបាន ជុងហ្គុកពេលខ្លះក៏បារម្ភដែរ ពេលបាត់ឈឹងបែបនោះ

      ព្រឹកថ្ងៃថ្មី វាជាថ្ងៃស្រស់ស្រាយសម្រាប់ជុងហ្គុកបំផុត ព្រោះពេលនាយភ្ញាក់មកបានឃើញមុខថេយ៉ុងមុនគេ ។ រាងក្រាស់អោនទៅថើបថ្ងាស់របស់ថេយ៉ុងមួយខ្សឺត មុននឹងងើបទៅងូតទឹករៀបចំខ្លួនទៅធ្វើការ ។ ពេលនេះថេយ៉ុងបានរើមកនៅជាមួយជុងហ្គុកតាមការស្នើសុំរបស់នាយ ដំបូងគេមិនចង់មកនោះទេ តែជុងហ្គុកនេះណា នាយបានទៅសុំដល់ស៊ុកជីនដល់ផ្ទះទៀតផង ឃើញអ្នកជាបងមិនហាមឃាត់ ថេយ៉ុងក៏អស់ជម្រើសទៀត មានតែព្រមមកនៅជាមួយនាយ ខាងលោកស្រីចនវិញ គាត់ក៏មិនបានរារាំងរឿងរវាងកូនប្រុសនិងថេយ៉ុងនោះដែរ អ្វីដែលថេយ៉ុងបានធ្វើកន្លងមក គាត់បានដឹងរួចហើយថាក្មេងម្នាក់នេះជាមនុស្សប្រភេទណា គាត់ពិតជាពេញចិត្តនូវទឹកចិត្តរបស់ថេយ៉ុង ណាស់ ចរឹករបស់គេក៏មិនខុសពីអាលីនោះទេ ។