رواية هن أضعف خلق الله اركانا
الكاتبة Jawhara
*******
السلام عليكم مشتاقين حبايب قلبي
اكو بنية راسلتني بقصة احاسيس وأوجاع تكول اختي مريضة واقرالها القصة هاي اسمها شهد . . واني من هنا حبيت اسلم على شهودة واتمنالها الشفاء والعافية بأذنه تعالى
وهذا البارت لعيونج يروحي 💞😍🌹🌹🌹🌹🌹🌹🌹🌹🌹🌹🌹🌹
الاحداث قبل ثمان سنوات . . .
_ولج يمه سارة لاتبقين تعاندين ارحمي حالي هو شبقى علية يويلي عالجرالي
مسحت دموعها متريد تضعف وتنهز لازم تواجه الدنيا كلها صحيح كلام امها شبقى عليهم ابوها وأخوها انقتلو بنص السوك ضحية ارهاب اخوها ترك وراه بنية عمرها ١٢ سنة صارت يتيمه هي مسؤلة عليها لأن الوالدة صحتها بالنازل من يوم الي استشهدوا بي زلم العائلة بوكتها . . . جنت احضر دراسات عليا وتركت سنة كامله بقيت بالبيت اراعي امي وبنت اخوية رهف جانت مصدومة بوفاتهم وصارت يتيمة من الطرفين امها توفت الله يرحمها من جان عمر رهف ٥ سنوات مريضه قلب وتزوج هشام بعدها بقت سنة متوالمت ويانه ولا ويةاخوية طلكها
بوكتها عمامي كرموه وحدة من بناتهم بس ماقبل كال نفسي انسدت من الزواج اخذو على خاطرهم بس راضاهم بعدين
اااخ عمامي وما ادراك ماهم عمامي رادو يأخذونا يمهم على شنو نسوان وحدجن ضالات وميصير نعوف لحمنا هه عبالك ماعندي لسان اردهم بوكتها اني عاندت حيل . . خطية لو على امي توافق لأن طفت روحها بموتت بابا و هشام وماعدها طاقه لاي شي
عمي الجبير ماقبل نبقى بدون رجال بالبيت رغم خالي ممقصر ويانة بس هو بابة عرب وعنده عيب نسوان يبقن وحدهن وهم يحسب لكلام الناس كال لازم سارة يتزوجها واحد من ولده عنده اربع ولد وبنات اثنين ولد عمي كلهم واصلين بالدراسة بس البنات متوسطة وتاركات اثنينهم متزوجات
اثنين اني اكبر منهم واحد خاطب بنت عمي الثاني والجبير ممتزوج ضابط بالجيش وهذا الطامة الكبرى بحياتي ذيج الفترة والفترة الجاية
اجدادي وعمامي ساكنين ناحية......ومعروفين بالمنطقه والهم صيتهم
كاعدة على جهة وعيني بالكاع واسمعه يحجي وية امي على موضوع زواج جايب عمامي وابنه الجبير الي نهائي ما حط عينه بعيني مبين ما عاجبه الموضوع
خطيه خالي شكد حاول وياهم بس ميتفاهمون
_ابو احمد كلامك على عيني وراسي بس مال البنت تبقى هيج وحدها هي وامها هذا ماقبل بي اقلها مسمايه باسم رجال وهذا ابني حارث مستعد يعقد عليها والزواج شوكت وبكيفهم
اني هنا ماتحملت فزيت وتربع جني براسي شنو زواج شنو يعقد علية
جنت بوكتها لابسة دشداشة نص ردن كشمير سودا وذابه شال على راسي .. مستحيل اقبل انتم شكاعد تحجون شنو هالتخلف مو عيب عليكم
ما احس إلا حارث يسوي الاستقبال خطوتين ويعتني من شعري والشال صارن بيده وزمخ بية .. السانج اكصه إذا تعلين صوتج على عمامج
حسيت جلد راسي انشلع خرمشت أيده باضافيري أريده يهدني موتني من حلات روحي غلطت عليه
_هدني كلب . .
ضربني على حلكي وفركه بيده شاغت روحي بوكتها صدوك بجيت بجيت المذلة النذليتها بعد عين أبويه واخويه
خالي فزعلي بس حارث ماقبل خله أيده بصدر خالي ..خليني محترمك ابو احمد شوفها شلون عين كوية
اسمعه نتر .. اروح اجيب سيد يعقدلنا اني جنت ما قابل وسايرتك يابة بس هسة عنادا بيها لسان دلالة متكول احترم عمامي
دفعني عالقنفه وكعت بحظن امي الجانت تبجي
لزمت راسي بيدي شالي واكع بالكاع شعري الاسود الناعم مكفش رتبته بيدي ..الله لا يوفقك لو تموت ما اتزوجك ولا تفكر اصير على على ذمتك
حظنتني ماما تسكتني ..ولج يمه ارحمي حالي لا تعاندين عمامج ...
مسحت دموعي وصفنت عليها امي انكسرت وهذامبين عليها وين من جان بابا ودلاله
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
