#بقلمي: Jawhara
******
كعدت الفجر على ايدين محاوطتني دقائق ورن المنبه موقته لصلاة الفجر سحبته من يم الكومدي وسديته بعدت أيده تململ ميقبل رجع سحبني لحظنه .. نامي بعد وكت
_اذن الفجر هدني خل اكوم
بالفعل صدح صوت الاذان الله اكبر بالجامع الي بمنطقتنا
_بعد وكت شبيج
دفعت أيده ونزلت من الفراش هو رأسا جر اللحاف واندار عالجهة الثانية وغطى راسه
طلعت اتوضى ولكيت فهد كاعد للصلاة صبح علية ودخل الاستقبال يصلي
كملت ودخلت غرفتنا شغلت التدفئة ولبست حجاب الصلاة
انتبهت على حازم دفع اللحاف وكام وأيده بشعره يمسد بي صبح علية
_صباح الخير توا إذن بالحسينية
_صباح النور
صليت وكعدت اقرا قرآن وراها من كملت رجعت مددت بالفراش واردد اذكار وية نفسي
اليوم جمعة محد يكعد من وكت الولد يبقون نايمين
رجع حازم للغرفة ما التفتت بقيت نايمه على جهة اسمعه يدردم وية روحه مبين ضاج ادري بي وراح يعصب لأن يتقربلي يريد حقه وما انطي ... عضيت شفتي وخليت أيدي على بطني من حسيت بدفرة تنهدت يعني بعد كم يوم وادخل الخامس واني ممراجعه الطبيبة الجمعه الصبح تفتح عيادتها تنهدت وغمضت عيني واسمعه بس ينافخ ابتسمت تك خد صبره قرب يخلص خلي يغلي يستاهل
بس داخلي ممقتنع بمعاقبته
مرت ساعه واحنا على وضعنا الهدوء سيد المكان اخر شي دفع اللحاف ونتر .. كوومي سويلي ريوك
بعدت الغطا ونزلت بهدوء أيدي جوا بطني احسها كبرانه وبارزة
اخذت الروب من الزاويه لبسته سحبت شعري ولميته كبوبة عاينت روحي بالمرايه مسحت حواجبي وخدي طلعت
متعودين بيوم الجمعه كعدتنا تتأخر بس حازم عاجبه يطلع حرتة بية
شغلت الصوبة وغسلت القوري وترسته مي وطبخة جاي ذبيته عالطباخ فتحت الثلاجة طلعت بيض واجبان رتبهتم بصينية والخبر وياهم جبتها خليتها يم الصوبة عالزولية
ورحت اجيبله دوشك لاكاني باب الهول أيديهم بجيوب دشداشته اخذت دوشك و رجعت مديته بالمطبخ
كعد وسحب الصوبة قريب عليه رجعت لغرفتنا تناوشت الفروة معلكها بالزاوية دريت بي بردان
حطيتها على متونه هو رأسا مد أيده حظن أيدي لازمة الفروة وعصرها بخفة
حسيت بحركته هذه كأنما يذكرني بس ميريد يحجي
لو حتى جنت ضايجه منه أو بيناتنا زعل ماحب اقصر بواجبي احب ادللة
تلفلف بالفروة وانتجى بظهره عالحايط وعينه علية
خدر الجاي صبيتله واني هم وخليتهن بالصينية وطلعت بسكويت حتى اتريك بي مااشتهي اجبان ولا بيض اني سويتله بيض عين
تريك بس اكل لفه صغيرة جبن وشرب شويه جاي ادحك عليه لعد بس خلاني اكعد اسويله ريوك
طلع كلينس مسح شفايفه واني كمت شلت الصينيه عالكاونتر ورجعت الخبز بمكانه
صاحني فاتح فروته .. تعاي بحظني
ديلة كل عقله دخلو الولد على غفله ولو ميكعدون هسة بس الواحد يحسب
حكيت خدي مراضيه على كلامه اجيت اريد اطلع
_مو وياااج تعاي بحظني
من شفت نظراته وعيونه محاوطتني تريد قربي رجعت عليه
بعدها للصوبه ومد رجله والثانيه ثناها جرني بهدوء وايديه حاوطت خصري .. شسمناتج صايرة جنتي بيد وحده الفج بيها
حظني لصدره ورجع لف الفروة علينا اني وياه
حبيت دفوها وتنهدت لأحساسي بدفو صدره
باس راسي واتكىء براسه علية بقينا ساكتين الجو هادىء صنطه إلى درجة غفيت بحظنه مدري بروحي
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
