#بقلمي Jawhara
******
تقربت عليها واني أشوفها ذبلانه بياضها الصافي شاحب عينها بعيني كلها عتب وحزن متحملت واني أشوفها بكل هاي الرقة والحزن حظنتها وقفلتها بصدري واسمع شهكتها دنكت بست راسها ونزلت على خدها شميته بكل لهفتي جمدت بحظني .. نورتي بيتج يا بعد بيتي واهلي مشتاكلج بكد رحمة الله
تململت بحظني وايدها بصدري دفعتني بس وين تكدر واني ضامها بحظني ما هديتها الا بليت شوكي من حظنها هديتها واني اراقبها افترت بالغرفة تعاين عليها مدت أيدها عالاخشاب ومسحت بأصبعه ورفعته تشوف غبرة لا نزعت حجابها وراحت ممدت بالفراش
وتغطت باللحاف
مسحت وجهي بيديه نزعت عكالي والشماغ فتحت اول دكمتين بدشداشتي اريد انزعها لأن دشاديش الطلعه ما ألبسها بالبيت
كملت وطلعت وأشوف الوليدات مجتمعين بالمطبخ .. خير يابة شبيكم
_خير يأبه بس تونا رجعنا وكالو امي هنا نريد نسلم وعليها
اظنها تريد تنام ادخلوا عليها
راحو وائل وعقيل والفرحه بعيونهم التفتت عالبقية .. عبوسي باباتي شلونك هسة تبين زينه
_اي والله احس حتى المرض طار
_الحمدلله اسمعوني زين امكم تعبانه وفاتن ترتاح اريدها من تكعد البيت ينكط ورد شلون جنتو تساعدوها سوو مثلها
_كل واحد ياخذ شغله يلة وليداتي
_اني وعباس نمسح الاخشاب والأرضية الطالعه همزين شتا ومفروش جان البيت شلون مسحته
_ عود ليش تصير ويه عباس
_تؤم روحي هذا
_ايباه على أساس ماراح تتناكرون ديلة روحو بس اريد شغل نظيف
_مية مية يمعلم
_ايوا يكدع
التفت حازم لفهد .. عفية وليدي حجيك زين وياهم
_ والله يابة مينطون مجال اروح انظف السنك والمواعين البي وخل وائل وعقيل يغسلون الملابس ويشرونها
_ها فهد قسمت الشغل ترى مو انصاف نغسل ملابسكم ولباساتكم عوووع غير ازوع
ضحك وائل على عقيل يدرون بي ميحب هالشي يضوج ومن قبل الا أمه تطلب منه يلة لأن يستحي يفشلها
كعد حازم عالقنفه وائل روح خدر جاي ومن تكمله صبلي وروح للحمام انت وعقيل يلة ابوي استعجلو
من اخذني بحظنه شهكت واني اشم عطره راسي بصدره وذراعاته محاوطتني مو بيدي احب هالحظن هذا شي اكبر من قدرتي والله علاقتي بحازم علاقة روحية أكثر منها جسدية صباي وشبابي تفتح على أيده رواه بحبه واهتمامه واليوم من حجى وهو يعتذر مني كدامهم حسيته يوصلي رسالة معناها لا تخذليني هذا الإحساس مر بية
اني منمت بس اريد ابقى وحدي مديت أيدي على بطني وحسيت بحركة على نبضة ابطني مسحت بطني بهدوء وابتسمت واني احس بحركه الجنين بقيت امسدها واقرا أدعية وآيات قرآنية حتى الله يحفظها ويسهلي الولادة
سمعت حركة بالغرفة ورى فترة التفتت عبوسي وحسوني كل واحد بيدة وصلة ويمسح بالاخشاب .. شنو هاي ماما عبوسي انت مريض شكاعد تسوون
_جاي انظف البيت كل واحد لزم شغله
كعدت بفراشي متفاجأة بيهم .. منو كاللكم نظفوا
_ابوية وكملنا مابقى شي حتى الملابس وائل وعقيل شغلو غسالة ونشفو وشروا خاصة قبلنا
ابتسمت لهم .. عفية وليداتي عفية
كملو وطلعو كمت اخذت ملابس ومنشفة تريد اسبح طلعت البيت نظيف وسمعت صوتهم برا بالترك فتحت الباب الخارجي وائل وعقيل مبرمين تراكسوداتهم وينشرون الملابس عالحبل من شافني عقيل ضحك.. هلة والله بأحلاا الامهات تعاي يووم عليج العباس تقبلين اغسل لباساتهم اووف تعقدت صارت عندي فوبيا
صدوك ضحكتي عقيل .. هههه ولك ليش شكو بيها اني لعد شلون اغسلهن
_والله يمه انتي متتعوضين فديتج فدي
_بعد روحي لا تبقى تتفدى
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
