#بقلمي: Jawhara
********
عيوني ورمت من البجي وحسيت راسي راح ينفجر جريت نفس كوة اريد اكوم حسيت الدنيا اهتزت بية وكعت عالجرباية
صحيت على صوت امي وسحر يحجن وياي وامي كامت تدعي
_دخيل الله ورسوله يمه بنيتي راح تروح من أيدي ولج رهوفه خابري الحجي بالسوك هسة
يمه سحر عدليها عالفراش وياي
اسمع صوتهن اريد احجي ما اكدر راسي ثكل وأحس فرة بدماغي بقيت مغمضة
_بيبي خابرته جدو كال قريب عالبيت
_انطيني عباتي معلكة بالشمعه حتى اروح وياهم
عشر دقائق ودخل ابو حارث عيونه طايرة على بنته .. خير خير شبيها هالة
_لاتحرك ايد ولا رجل خل نأخذها للمستشفى هنا
دنك ابو حارث وهو يلف طرف شماغة الاحمر على عكاله وسحب هاله بحظنه كومها وسحر من الجهة الثانية
_عيني رهف جيبي شال ذبي على راسها
حجت سحر وهي تمشي هالة بهداوة وية عمها
اخذت شال من رهف لمت شعرها ولفته على رأسها
لحكتهم ام حارث .. على كيفكم وياها المرة حامل
صعدوا ورى وصعدت ام حارث بالصدر وطلع بيهم الحجي للمستشفى
_ليش ساكت حجي متحجي عاجبك حال بنتك اقلها خابر ابو فهد تفاهم منه بنتنا ماقبل تحجي اريد اعرف شنو فلمهم مرة حامل شلون يتعارك وياها ويقهرها صارلهم عمر ولدهم مشوربين مو عيب يعاركها
_يا مرة لاتحجين بنتج ماتقبل تكول شسويلها
وبعدين ما اخابر حازم يريدها يجي يأخذها اني مامنعها عنه
_يااا وكلام حارث ندوس عليه
_انتي كل عقلج حارث يخربها وية ابو فهد حارث يريد يحفظ كرامة اخته ام حارث لاتحجين خل اركز بالطريق
*******
دخلت البيت ذبيت العلاليك عالسنك جبتلهم غدا من المطعم نزعت سترتي بيدي البيت سنطه الولد بالكلية وائل عنده خصوصي ومناك يطلع للمدرسة
صحت حسين محد ردلي بالي بقى على عباس الصبح جان ماله خلك
دخلت غرفتهم وأيدي بجيب البنطرون والثانيه شايل السترة
حسوني مدنك راسة يبجي كاعد على قريولته وعباس مغمض ويهذري كلام مامفهوم
تقربت عليهم حسوني من شافني فز
تلمست وجه عباس صاير جمرة وهو ابيض مكلوب حمار ذبيت السترة عالقريولة
مرتبك .. ولك بابا ليش عايف اخوك نار ويجوي اقلها سويلة كمادات
وكف بسدي يعاين على اخوه وهو يمسح بدموعه .. سويتله قبل شوية
دنكت رفعت عباس بحظني .. جيبلي قمصلة كوت اي شي خل ألبسة
جابلي عالسريع لبسته ولبست سترتي واشرتله.. بابا سويج السيارة عالكاونتر جيبة وراي واقفل الباب
عبوسي نيمته عالكشن وحسين وياي بالصدر
_يابة خابرت امي وكامت تبجي سدته بوجهي
_ليش
استغربت ممعقولة أيده بوجه حسوني ااوف لعد مو سوتها وياي
_مدري اني حجيتلها الجاي يصير بينا كامت تبجي
_وليدي امك تعبانة ليش اضوجها
_عفية يابة خابر بيت جدي
_وانت جنت تبجي لأن سدته بوجهك
_اي
_هاك موبايلي اتصلي على جدك هو الوحيد اليرجعها
تنهد حسوني فرحان واني التفتت على عباس يون من الصخونه
سقت بسرعه المستشفى نفس منطقتنا اسمع حسوني يحجي وية جده والتفت علية انطاني موبايلي .....
_جدو حسوني امك ما تكدر تحجي وياك
_هلا عمي مساك الله بالخير
_يا هلا ابو فهد شلونكم وليداتك بخير
_الحمدلله بس عباس مريض مصخن ويهذري
وهسة وصلنا المستشفى
_له له سلامته دير بالك عليه
_عمي هذا حسين يريد يحجي ويه أمه اجيت للبيت لكيته زعلان ساده الخط بوجهه
_والله وليدي انت مريتك وتعرفها روحها معلكة بيكم لعد هاي لكيناها فاقدة الوعي
وهسة احنا بالمستشفى مرتفع ضغطها ومتدري بروحها واكعه
_وشلونهااا هسة شكال الطبيب
_هاي صار ساعه ينتظرون ضغطها ينزل لازم يستقر انوب هي حامل خاف يأثر على وليدها
_لااا يربي صدك تحجي استغفر الله يارب انوب اني أيدي مربطة أن شاء الله تكون بخير
_عمي راح اسده وصلنا فيمالله
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
