بقلمي : Jawhara
********
فكيت عيني مصدومة من حجى حازم معقولة هيج تتخلى عني اجى على بالي حجايته من كال إذا صارت ويامن توكفين
ليش حازم هاي انت تحبني وتتخبل إذا يجيسني شي ادحك عليه صاح ولدي بس مراحو بقو صافنين ومبينه الحسرة بوجوهم
وائل والتوم ركضو علية ..
_يمه لاتنقهرين اروحلج فدوة
رمشت بعيني والدمعه اباب عيني من سمعت وائل وشفته لهفته وعبوسي وحسين محاوطيني حاضنيني التفت حازم عليهم وعينه اجت بعيني نظرته مغيمه وجهه احمر من العصبية صح كلام حارث لازم ياخذ حقها البنية يتيمه لعد منو يوكفلها بس حازم جان ناوي يحلها بهدوء ميريد السالفة تكبر هذا طبعه واني اعرفه وحارث ماخلاله مجال لأن مصر يأخذ رهف
بس مو تضحي بية يا حازم مو تتخلى عني
ومن سمعت حارث ردله بصوت قوي
_ اختي هاي وما اتخلى عنها بيت ابوها مفتوح وتكعد ملكة
عيني راحت لسارة المخطوف لون وجهها مبينه مصدومة ورهف العيون وارمة والدمع يجري بخدودها
_اصعدي ام فهد ولا تخلين بخاطرج تبقين عزيزتنا وحازم متندم على كلامه بحقج
حسيت عيوني غوشت واني اسمع عبوسي يحلف .. والعباس ماخليك تأخذ امي
حاوطني من جتفي وحسيت بفهد وعقيل صوت صياحهم على ابوهم ويتراكضون
أيدي سندتها عالسيارة وايد حاوطت بطني لأن لوية صابتني دنكت وعباتي أحسها وكعت من راسي وكعت بالكاع بس حظنتني ايدين قوية اعرفها ما وعيت بعد
من حجيت ويه حارث وعرفته معند انقهرت ما قدر كلامي وحالة صكر اثرت بية لأن جاي اشوفهم اثنينهم ميكدرون يبعدون حارث شلون بي يعني اني رجال الي سمعتي بالمنطقه وكلها محترمتني و تهابني بهذا الموقف ما خلالي خاطر اقلها احفظ مي وجهنا شتكول العالم علينا رجال وحده كدر عليكم وأخذ المرة من بيناتكم
الوضع محرج الية نسيبي وخال الولد وام فهد روحها بي
لو غير حارث قسم بالله ماخلي يطلع المنطقة صاحي
حجيت وياه ماقدر صارت بوجهي هالة ااااخ والحسين من حجيت كلماتي احسهن طلقات وصابني ولك حازم تخبلت هاي حبيبة روحك وكليبك هاي ملكة كلبي وبيتي وام ولدي وبنيتي الجاي انتظرها تنولد صحت ولدي بس تشوفهم مصدومين ممصدكين رحت امشي لبيتي وسلاح صكر انطيته لأبوه
التفتت محد لحكني من ولدي كلهم محاوطين امهم يم سيارة حارث وفهد وعقيل راحو يتراكضون رجعت عليهم وكلبي ناغزني دفعت وائل وعباس على صفحه وأشوف هالة حانية ظهرها وعباتها على جتفها ومحاوطه بطنها بيدها
متحملت أشوفها بهالحالة نسيت كولشي بس ام فهد الشغلتني خفت توكع وتتأذى حظنتها وكعتها صارت بحظني مبينه صار عدها اغماء
طبطبت على خدها الترف بيدي ما صحت انتبهت على حارث نزل من سيارته وعاط بحركه جرها يريد يخليها بحظنه .. ام فهد اخيتي
رفعت راسي لفهد جان وجهه مصوفر مبين مهبوط وخائف هو وإخوته من شافو حالة امهم
_روح جيب السيارة عالسريع
ركض للبيت واني رجعت اطبطب على خدها
حارث مرتبك ميعرف شيسوي ومن شاف أخته بحظن زوجها عصر جف أيده بقبضة وبقوة ليش تقهرها وانت تحبها ليش حجى ويه نفسه مدنك يفرك بكصتها
سارة تريد تنزل تطمن نتر بيها ترجع والتفت لابو فهد صعدها بسيارتي اطلع بيها للمستشفى العام
طبك سيارته وصاح .. يلة يابه صعدها
شالها بحظنه وحارث وياه صعدوها عالمقعد الخلفي صاح بحارث من شافه يحاول يعدل جسمها .. على كيفك وياها تراها حامل
رفع عينه بعيني حازم متفاجىء بالخبر
سكت ماحجى وعافهم ياخذونها للمستشفى صعد حازم بالصدر وفهد يسوق
التفت وائل على خاله حارث .. خالو فدوة لاتاخذ امي ترى والله أبوية يحبها
طبطبت على ظهره .. لاتخاف ارجع للبيت انت واخوتك التفت على عقيل جان واكف على صفحه مستحي من خاله لأن وكف بوجهه اول عركة
_عقيل خالو أخذ اخوتك وارجعو بيتكم واني طالع وراهم اتطمن علي
التفتت من جاي اصعد ابو صكر ولده وياه بس صكر مموجود استغربت طبه طب
صعدت سيارتي وكبل و راهم وبالي يم هالة
بالطريق اسمع شهكاتها وهي احجيلي الصار
طلبت موبايلها حتى اشوف الرقم المتصل عليها اخذته وضميته بجيب سترتي اني متواعد وية ولد يجيبلي معلومات وراح اعرف شلون اتصرف
سارة ساكته ماحجت من الهبطه جنها مصوفرة وداكه راسها بالجامه وصافنه
_سارة موجود مفتاح بيتكم يمج
التفتت وعينها فاتحتها .. شتسوي بي
_ اكعدن بي لما اشوفلي حل طلعت هالة حامل واذا قبلت تجي وياي اجيبها لبيتكم
غمضت عيني اتخيل بيتنا وريحة الطيبة باركانه شكد مشتاقه اكعد بي مشتاكه لمة الاهل و متفاجئة وفرحانه لهالة طلعت حامل وتتمنى هي وحازم بنية
🥰🥰🥰
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
