#بقلمي: Jawhara
********
يسقط سجن شوكك ولك مو ملّيت ما مرّة
رحمت بحال مسجونك شفتني لوحدي وأنت
جمالك جيش واحتلّيت قلبي الماكدر دونك
راح أدخل حرب صبرك بدون سلاح واشمّت
بيك كلّ المايكدرونك واجبرك تنسحب
متعذّب ومكسور وأشلع ضحكتك من لمعة
سنونك أنا نطيتك عمر شمعة عذاب وليل بس
كلّ الخذوك شراح ينطونك.
ــــــــــــ
مرن يومين واني ممداومة تمرضت من شفت صقر حسيت مالي طاقه ارفع حتى أيدي ثالث يوم بالكلية شفت سرى سلمت علية بس سلامها ثكيل حتى ما كعدت يمي بالقاعه واحنا متعودين منتفارك مقعد الستول لزك ويه ستول مالتي التفتت عليها كعدت وراية عضيت شفتي ودنكت ومن انتهت المحاضرة
وطلعنا صحتها
_سرى تعاي نكعد هنا بالحديقة
تمشينا وكعدنا بس هي الوجه ميتفسر
_سرى ليش وجهج ثكيل علية انتي تدرين ماعندي غيرج صديقة والله انتي اختي قبل ما احسبج صديقتي
_ولج صكر مريض صارله يومين بالمستشفى اليوم راح يطلعوه من المستشفى
شهكت وأيدي على حلكي .. يمة حبيبي وهسه شلونه فدوة سرى احجيلي فدوة كولشي احجيلي
حجتلها سرى وهي دموعها نزلت ماسيطرت على نفسها تدري بي انقهر بس ماعبالها يرتفع ضغطه
_رهف والله العظيم صكر تعبان من وراج حتى قبل الحقيقة متبين جان إحساسه يكله انتي بريئة
ما اكدر ارد عليها لأن مراح يكون ردي لصالح صقر
_رهف وافقي ترجعين ليش هيج تسوين بي يعني هسة انتي مرتاحة من تشوفينه يتعذب والله حرام عليج
مسحت دموعي .. ليش مو حرام من تهموني
_مو هو تهمج هو شاف بعينه واكيد راح هيج يتصرف
_سرى اني سمعتي انحجى بيها ضربني واهاني ترديني ارجعله باجر إذا تكرر نفس الموقف وبصورة ثانية هم راح يعيد السواه ضرب واهانه مسألة ثقة وصكر من اول عثرة شك بية وما رحمني
وذيج الحية الله ينتقم منها الله لايوفقها
_الله استجابلج اسبوع الجاي راح يزفوها لواحد معارف امها بالقرية وغصبا عليها الزواج صار حتى ابوها ماطلب ولا تشرط على العريس
_متهمني خل تولي الله موجود ويبين حوبتي
_رهف انتي معقولة ممشتاقه لصكر
_ليش اني شوكت بطلت اشتاقله وانتي أكثر وحدة تعرفين هذا
_عليج العباس ارجعي ولج عيني اخوية راح يموت والله من القهر
بقيت ساكته ما اكدر ارد عليها ميتة على شوفته وروحي تفرفح عليه وبنفس الوقت ما اكدر ازحزح الثقه الي منحها الي عمو حارث اذا غلطت بتصرفي مرة مو معناها خلاص راح اعيد الخطأ لا والله اكون علية إذا سويتها
_سرى صقر أن شاء الله مابي غير العافية. واني ما اكدر ارجع بعد الصار
وكفت سرى ضايجه ونترت .. خلاص عيني براحتج خوما نبقى نذل روحنا ومحد يقدر
عافتها وراحت
تنهدت رهف مراح تزعل من سرى تحجي من قهرها وخوفها على اخوها
عضت شفتها وايدها على بطنها دنكت تهمس بصوت خفيف .. راح تطلع للدنيا وتلكى اهلك متباعدين غمضت ونادها احساس دافي احساسها بصكر وهو متلهف لأبنه
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
