بقلمي Jawhara
*******
_ام فهد احجي لا تبقين ساكتة حلفتج بالعباس
شهكت هالة .. دخيلك دخيلك يالعباس
_هالة حبيبة افهميني شوية .. الصار وكل الكلام الكلته ما قصدته وروح الحسين .. اني صرت بموقف محرج وحالة صكر قهرتني ادري تهمته لمرته هو حجالي من لحيت عليه اليوم هالة حارث ما قدر ولا اعتبر كلامي جدام جماعتي والنتيجة انتي صرتي ضحية
اسمع اعذاره وحلفانه وصوته مقهور .. هيج اني مالي اعتبار وهنت عليك والله عبالي بحلم ممصدكة صدمتني حازم شكد ما اعاتبك مراح يطفي حركة كلبي
_ولج والحسين متندم بكد شعر راسي هالة راح اجي على عمي هو راح يفهمني
_حازم أبوية ماعنده علم لحد هسة كل اليدري بي زعلانة وياك شنو السبب ما سأل لأن ممصدك تدري ليش ممصدك عنده ثقة بيك ويعرفك ماراح تخذله بس سمعته سال حارث شنو السبب كاله سوء فهم بيناتهم
_ممعقولة سكت اقلها يخابرني حتى يفهم الصار
_حازم شلونهم ولدي كلبي نار عليهم
_زينين بس حسوني انهزم بقينا ندور عليه
_عزااا بعيني اووف شلون قهر سودة علية متعلق بية هو وعبوسي
_يمعودة مصار شي اهدي لكيتة بالترك ورى البيت
عضيت شفتي ودموعي نزلن ما بية احجي انخنكت بعبرتي
اسمعه يحجي عالولد سوو عشا ومادبروا والبيت هوسة ونفسيتهم تعباانة
صاح بأسمي .. هالة طمنيني عليج خل اسمع صوتج هالة انتي زينة بنتنا شلونها احجي لخاطر الله
سديته مارديت عليه رجع اتصل خليته عالصامت طلعت من الاستقبال امسح دموعي لاكتني سحر .. ام فهد راح نتغدى تعاي
هزيت راسي ورحت للغرفة رهف كاعده صافنه تنهدت وكعدت يمها .. وكلي امرج لرب العالمين هو يأخذ حقج من الي ظلمج
_والنعم بالله اي والله عمة اني مظلومة
غمضت عيني تعبانه .. حسبي الله ونعم الوكيل
ماما رهف احجي الصار وشوكت بدت الرسايل تجيج
_عمة هالة اني كولشي حجيت لعمو حارث حتى بقى يسألني على شغلات ماتخطر عالباب
_اي اكيد الله يحفظه ويحمي هو بعد شغلته هاي وحارث فدوة لعينة ذيب
وكت الغدا قريب الساعة وحدة انجمعو ومدينا سفرة بالهول ادحك على حارث ساكت ومن عمو لو قتيبة يحجون وياه يرد بكلمة كلمتين شو انغزت من سكوته تغدو وعمتي اجيب وتمدح بطبخنا اخر شي حجت وية حارث حتى يأخذني للعيادة يبوو ولا تسكت خلت عمي فرحان من سمع ورجع على حارث يوصي يأخذني للطبيبة
سحر لمت السفرة هي و رهف واني رحت خدرت الجاي ادحك على هالة دخلت الغرفة مابقت ويانة يجوز تعبانه
بغرفتنا قبل منطلع واكفه لازمه السترة لحارث لبسها ومسدت على متونة .. شبيك عالغدا مجنت مركز ويانة
_بعدين احجيلج بالطريق اكلج باجر دوام عندج
_اي ليش تريد توصلني هههه
_لعد السايق شنو شغله بس سالت علمود رهف ماريدها تروح للكلية لأن صكر شي طبيعي راح يجي عليها واني ماريدها نهائي تتصل بي أو تشوفه
_لعد راح احاول اخذلها إجازة بما انو حامل وهاي الامور راح يتعاطفون وياها
_خوش كلام بس والله يصكر لا اخليك تحلم تشوف خيالها بس كون هي تتعض ولا اطخي
_اني جاي احجي وياها وتبين تتقبل كلامي رغم أشوفها ساكته طول الوكت اووف حارث لاتنسى البنية حامل منه واني اخاف صراحه منك اذا طولت شغلتها وصارت ولادتها اخاف تشمر ابنها على ابوه
_انتي كل عقلج هالشي يابة اني هيج حجيت حتى ااثر على صكر حتى يعرف ويتأكد احنا مو بحالة
المهم اني باجر إن شاء الله التحق انتي افتحي عينج زين لا تهملين رهف ادري جاي احملج فوك طاقتج بس تكون تحت عيونا افضل
_ان شاء الله بس اريد أسألك عمو رحمن يعرف
_انتي شتتوقعين هيج سالفة جبيرة أبوية ماعندة علم بيها يدري بكولشي . . الحجي عنده بعد نظر بالامور بالبداية من سمع عصب
بس كعدنا تناقشنا وفهمته بأشياء لحد اليوم جنت احجي وياه ونصحني ما اتسرع يكول بنتنا عدنا وما بحالهم
اكلج انتي خليتيني احجيهن كلهن شو امشي ننزل احسن ورانا طريق
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
