بقلمي : Jawhara
******
حسيت مشتاقلها اي والله اعترف بهالشي بس هي تحاول تبعد تبينلي مامهتمة
دخلت للغرفة وسديت الباب حظنتها من ظهرها جمدت بحظني جنها تفاجأت بعدت الشال وحبيتها من ركبتها وبقيت شفايفي عليها وأيدي تتلمس جسمها جفلت وحاولت تبعدني بس ما كدرت فريتها بحظني وعيني بعينها الوسيعه كل ظنها اريد انام وياها اعرف وادري بكلام الطبيبة ما اتقربلها ثلاث أو أربع ايام وهالشي اكدر اسيطر عليه بس هي فاهمه خطأ عبالها من اتقرب واحظنها أو أبوسها اريد اخذها
بخوف وتوتر حاولت أبعده بس ماكدرت ..حارث عوفني
دنك وهمس يم اذني .. ليش
_ااا ما اكدر اني ...
قاطعني وشفايفه دغدغدت اذني ..اششش ادري خلينا عايشين اللحظه
رمشت بسرعه ..خرب يا لحظة الافندي مسلطن واني اريد اشرد من حظنه
جمدت بحظنه حتى يعوفني وفعلا دفعني بهدوء ..
_اخذي راحتج اني طالع
عافني ونزل وبقت عيني عالباب هسة اني ليش اعامله بكل برود هو ممقصر وياي وتعامله وأسلوبه زين وياي يمكن لان ما احس بالحب وياه أو يمكن لان انفرض علية ما ادري مشاعري جامدة لاااا لاااا مو جامدة لأن سبق وتولد عندي احساس تجاهه
تنهدت والتفتت عالساعة بعد وكت للمغرب مددت بالفراش ارتاح احسن
نزلت وأخذت السويج اريد اطلع ضوجتني سارة باردة وياي أحسها تتعمد هالشي رغم اني ممقصر وياها
صار أبوية بوجهي .. ها يابة وين رايح
_اريد اطلع والله
_شعندك والناس تجي تبارك ميصير وليدي خوما اعلمك اني
_اي يابه حقك بس عبالي اطلع يلة لعد
_تعال تعال بالهول شفت دلة الكهوة خل نشربها
ابتسم حارث ودخل للهول دنك شال الدلة والفنجال وصب لابوه
شربه وانطاه الفنجال .. اي والله عشت خوش كهوة
_ هني يابه هاي جنتك سوتها
_منهي ام حمودي
_لا العروس
_هههه بنيتنا والله عفية عفية خلها بعد هي تسويها
كعد يم أبوه عالقنفه .. اي هسة اوصيها بس خاف فرة عروس
_لاه بنيتنا معدلة
رفع تك حاجب وما حجى يدري ابوه يحبها ما ينطي بيها
نزلت ورا صلاة المغرب لكيت ماما وعمة سهيلة بالمطبخ كاعدات والصوبة على جهة وكدامهن صينية وكاسة جبيرة مليانة حشوة لحم يسون بورك سمبوسة وسحر واكفه عالطباخ تكلي بتيتة
سلمت وكعدت عالقنفه ماما التفتت .. هلا ماما شلون صرتي
_الحمدلله شوية احسن
اجى حمودي ابن قتيبة يركض وجلب برجلي وأخو وراه يركض تعاركو بيناتهم علمود ملاعيب وبدأ العياط والصريخ مالتهم شوية حمودي عنده وكاحه
اني حاولت اصالحهم مايفيد صعدو عالقنفه يكمزون الصراحه ضجت لأن سطروني بصريخهم ممتعلمة على هيج هوسة احنا بيتنا هدوء
اجت سحر نزلتهم وحجت عليهم وطلعو يركضون للهول التفتت علية وضحكت .. هههه سطروج موو لاتنطيهم مجال هذولي القرودة
_لا خطية بعدهم صغار
احمد عمره اربع وحسن تلث سنوات اسمع صياحهم بالهول وعمو كام يصيح عليهم ورجع صاح سحر تجي تأخذهم
_عمو بعد ميتحمل لأن يسمع اخبار ميريد هوسة عفيه سارة روحي عليهم لأن ما اكدر اعوف الطباخ
عمة سهيلة ردت من يمها .. حمودي متوكح محد انطاه مجال غير قتيبة وحارث
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
