الكاتبة Jawhara
*******
كعدت الصبح جسمي مكسر التفتت على صقر بعده نايم كمت اريد افوت للحمام بصف غرفتنا طلعت ملابس ومنشفة بقيت واكفة استحي اطلع رجعت على صقر دنكت بوسته من خده فتح تك عين واني ابتسمت اوي فدووه حبيبي شكد حلو من نايم
فتح اللحاف واخذني بحظنه وهمسلي بصوت نعسان ..دتعاي بحظني وين رايحه ابقي بهالدفو
ختلت بحظنه وشفايفي بصدره جان مالابس بس شورت
_اريد اسبح حباب واصلي بس استحي اطلع
بعدني شوي ودحك بوجهي ..شنو تستحين هذا بيتج صار
عيني بعينه غمزلي ورجع الغطا و........،😍🥰
نزلنا ورا ساعة بعدما سبحنا وصلينا صقر لبس تراك رصاصي واني لبست كلبية مخمل لون تفاحي وذبيت شال على شعري لأن ميقبل صقر يكول اخوتي موجودين
العرفته عنده ٣ اخوان اصغر منه يداومون واحد كلية واثنين إعدادية
لاكتنا سرى بوست صقر ورجعت حظنتني تبوس بية
_تعالو كاعدين بالمطبخ
دخلنا سلمنا ورحت باوست عمتي وعمو ابو صقر الي رحب بية وكعدني بصفه
فارشين المطبخ مدة وكاعدين وعلى جهة قنفه خشب استحيت من عمو رغم شكله ينحب بس اني احس روحي غريبة بيناتهم
حطت عمتي صينية الريوك كدامي اني وصقر
_تريكو عيني ترى احنا سبقناكم
تحجي وعينها علية دنكت وحسيت على دغة اصبع صقر ..اكلي شبيج صافنه
تريكنا واني يادوب شربت شويه من الجاي وأخذت لكمة كيمر عرب واشوفلك صقر ماشاء الله نفسه مفتوحه حبيبي
سرى اشرتلي اوكلي بس اني مالي نفس كمت اريد اشيل الصينية عمة ماقبلت صاحت سرى
عمو طلع والولد عدهم دوام بس سرى علمود العرس ممداومه
صقر هم طلع اجو أصدقائه يباركوله وطلعو برا
البيت منظفاته ينكط ورد ماكو شي يعني اساعدهم بي ولو مراح تقبل عمتي تكول بعدج ورا السبعه استلمج حجتها بضحكه
صعدت لغرفتي وبعدني بنص الدرج صاحتني وصعدت ورايه ..تعالي عندي حجي وياج
بلعت ريك ياستار شكو
دخلنا الغرفه همزين رتبتها و رتبت الجربايه وعطرت الغرفه قبل ماننزل
كعدنا عالجرباية وعينها تحومي بوجهي بداخلي كلت هاي هي لعد تعرف بسالفتي وتريد ترزلني بعدما صرت عدهم جنة
والنبي صابتني رجفه
_حبيبتي خوما اتأذيتي
اويلي حسيت براحه واني اسمعها ابتسمت..الحمدلله زينه
اشو جنها ما اقتنعت وسألتني ..وين بياضج البارحه مانزل صكر
_عمة قصدج تردين تشوفيها
_اي بنتي
كمت اجيبها الوصله البيضا صفطتها وخليتها بالكنتور
انطيتها وفتحته و رجعت صفطتها و رجعتها وكامت باستني .. الله يسعدكم
رهوفه إذا حسيتي شي يوجعج انطيني خبر لاتستحين بنيتي انت صرتي بنتنا
ديلة اني انزل وانتي بدلي لاتبقين بكلبيتج اريدج تكشخين هسة يصعد صكر ترى يحب الكشخة والنظافه وانتي ماشاء الله عليج اتجننين
الغدا نصعده هنا حتى تاخذين راحتج شفتج الصبح ماتريكتي زين
_جنت مامشتهيه
_ميخالف ماما لازم تأكلين تصيرلج طاقه
هههههه ترى وليدي وكيح صيري سباعيه
_والعصر ترى يجون خطار حتى تحضرين نفسج
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
