رواية هن أضعف خلق الله اركانا
الكاتبة Jawhara
******
_رهف لا تخلوني بيناتكم لان هالشي اني خايفة منه
_محد يعرف بس احنا
_ايباه وأصدقائه يغطون على سوالفه اصلا جماعته ميكسرون بي صداقتهم قوية تلكين اثنينهم يدرون شفتي شلون غطو عليكم من اجى عليج للكلية
_همزين والنبي جان ذبحتني اووف سرى لج احبه اموت عليه
_هههه اي عيني اخوية ينحب عسل فديته صدوك هاج هاي العلاكه يكول بالبيت تفتحها وحلفني ما أشوفها شكد مكروه عابت عباله راح اغار
اخذتها رهف مبتسمه ..حبيبي فدوه لكلبه
_اكلج رهف عمتج إذا عرفت شراح يصير
رمشت رهف وهي تتخيل الموقف
_ ماريد أتخيل يربي يمكن تنجلط
_ترى موقفها هذا ابد مو حلو والله ولاتزعلين
شنو ذبنا نتحمل مسؤولية قتل ابوج وجدج الله يرحمهم قابل كل اصابعج سوا انتم هم عدكم عصابات وقتلة واحنا الفقراء من الطرفين واكعين بيناتهم
_عمة سارة ماعدها تفرقة والله بس لان موتتهم كسرتنا اخذت هيج موقف
_يمعودة ماما تكول عيونها صارن بكصتها من كتلها اريد رهف لصقر وردت لماما تكوللها اذبحها وما ازوجها من ذباحين ابوها
_اي سمعتها جنت ورا الباب واكفة
بس خالة هالة حجت عليها مارضت حتى بيبي
_ ام فهد مو عايشة عدنا والله عالراس حاطينها وعمو حازم يموت عليها طبعا بابا ميدري بهالحجي سال ماما ليش رفضو كالتله البنية صغيره يردوها تكمل دراسة
خطية صقر توسل بيها حتى متحجي لبابا يدري بي يعصب ويقفل بعد
دك فونها فتحته ..هلاو عمري
التفتت على سرى وكامت من يمها متريدها تسمع ...اشرتلها سرى
_رايحه للقاعة مو تنسين نفسج يالفاهية بعد عشر دقائق محاضرة
حجت وياه بلهفه ..حبيبي والنبي اني هم مشتاقتلك
_رهوفة حبي امورنا تمام والله ليش خايفه
_صقر مرتبكة
_يعني الله عليج صار أشهر يلا اقتنعتي وهسة تكولين مرتبكة عمري لاتخافين مادام اني وياج
_حبيبي مأمنة بيك بس اخاف احد يعرف صقر عليك الله خوما كلت لأصدقائك
_والله العظيم بس يدرون بية احبج غير هذا ميعرفون بس سرى تدري بكولشي بعد هي صاحبتج واخيتي
_هسة شكلتي تجين رهف ميت عليج ولج راح اتخبل من وراج ارحميني
دك كلبها من سمعت صوته ولهفته عليها تدري بي يحبها بس تخاف من عمتها إذا عرفت
_ باجر احاول اطلع اضرب المحاضرات وخل سرى تغطي علية
سمعت تنهيدته تبعتها بوساته ضحكت ..يمعود هسة الناس سمعتك
_المعرض فارغ اليوم جنهم محد يريد اثاث
_هههه اي خليهم على كلبك يعتكن
_اووف شوكت يجي اليوم وناثث بيتنا اني وياج
_يا بيت مرة وحدة عبالي تكول غرفتنا
_والحسين بس تصير علني وكون عمتج ترضى احلى بيت بشهربان اشتريلج اخ منها كوية
_صقررر لاتحجي عليها ما اقبل والله
_يابه على راسي قابل شحجيت يلة حبي دخلو جماعة للمعرض ديري بالك على روحج ولاتنطين مجال للطلاب يحجون وياج
_ههههه ااخ غيااار
_رهف ما اتشاقى ترى
_يدلل حبيبي باااي
سدته والبسمه بوجها دحكت بساعتها بلشت المحاضرة راحت تمشي سريع حتى تلحك
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
