بقلمي : Jawhara
******
البيت مليان خطار لأن اليوم سبعة عرسي من البارحه عمة ام صقر حضرت هي وسرى وبنات حماها لفن جدر دولمه والكبة حضرنها اني ساعدتهن لأن ميلحكن حتى باجر بس يبقى طبخ اللحم والتمن
الساعه ١١كملت سبح ونشفت شعري لبست تراك لأن بارده
صقر نايم ومن دخلت بالفراش حس علية مسوي روحه زعلان لأن عفته والتهيت وياهن بالمطبخ
_صقر حباب والله استحي اشوفهن يشتغلن واني خاتله بالغرفه
منطيني ظهره مايرد
نزلت من الجرباية وحجيت متقصدة ..رايحه انام بم سرى
التفت بسرعه وسحبني من خصري ..وين وين
خلاني بحظنه وباسني بقوة من خدي
_افيييششش شلون خدود شلون عطر مشتاقلج والله
لفيت أيدي على رقبته ودفنت راسي بجتفه مرتاحه للمشاعر وإحساس الحب البيناتنه
الصبح ماخلاني انزل الا ساعة تسعه نزلنا سوية لكيت سرى بالمطبخ وبنات وياها من عمامهم
سلمت ورحت احضر ريوك خطية سرى مجهزته بس حميت الجاي وصبيته
اسمع وحده من البنات نغزتني بكلمه ..مسعدة والله
التفتت عليها متفاجأة بحجايتها اني اصلا ما اعرفها مجرد مرتين شفتها ثاني يوم العرس والبارحه اجت تساعدهم
سكتت مارديت عليها بس عيني بعينها جان تخزرني ولوت شفتها
اخذت الصينية وطلعت بس ضجت منها كعدنا بالهول تريكنا وصقر من كمل كال رايح للمعرض لأن صار كم يوم بيد العمال
ودعته بالباب وحرك سيارته وطلع رجعت للمطبخ أيدي وياهن اجتي عمتي ماقبلت خطيه جانت تخبز ورا البيت عدهم مخزن مخلين التنور
كالت روحي جهزي نفسج هسة اهلج على وصول
عفتهم وصعدت لغرفتي بدلت بقفطان جويتي ومشغول بكرستال يجنن وشعري سرحته وخليته مفتوح وليست ذهبي وتعطرت ركزت بوجهي بالمرايه مكياجي مرتب ونازك صعدت سرى تشوفني
_الله ولج شنو هالجمال هذا وين راح صكر يجي يشوف
_هههه ديلة على أساس مشايف
_هههههه انتي اعرف حبي
غمزتلها سرى ..ترى اهلج وصلو
_صدوك خل ننزل لعد
اجرنا ستاريكس جيرانه وراحت ويانه ام حسين ومرة خالو سلام وبناتها وعمة سهيله وفرح وسحر
ماما صبحت حيل تعبانه حتى ردت الغي الروحة بس ما قبلت
وصلنا وتلكونه يرحبون بينا اني اول مرة ادخل المنطقه حلوة مرتبه وبيوتهم حديثه بس اني كلبي ممرتاحلهم على اعصابي والله اجيت لخاطر ماما تنقهر و رأسا يبين بصحتها
الناس الشهاده لله استقبلونه احسن استقبال والضيافه احسن شي وذاك الغدا الطيب بس بعد اني قافله شسوي
بوست رهف وبداخلي لهفه عليها شكد حلوة طالعه ومبين عليها مرتاحه
بس ابد ماسألتها عن الصار وياها صعدنا لغرفتها ورا الغدا واسمع عمة سهيله تحجي وياها تسألها وراها راحت طلعت بياضها حتى تشوفه عمة
بداخلي اكول شنو الفايدة وسوايتها مصخمه مادخلت نفسي كعدت على جهة وماما كعدت بصفها وسألتها إذا عجبنها الهداية
انتبهت على بنية من عدهم صعدت هي وسرى بس نظراتها حسد مبينه سالت هالة عليها كالت هاي تحرير بنت عمهم
وبقت هالة عينها عليها بس ماحجت شي
اني كلبي نغزني منها البنية الله يستر عليها خانسة بس نظراتها تعادل ألف كلمة
رغم زعلي وقهري من رهف بس كلبي يخاف عليها واريدلها الامان والراحه بس هي بذاتة شلون جازتنة مجازاه تعبنا وتربيتنا ضربتهم بالحايط طلعت ادور تتمعشك وتحب واحنا مندري بيها
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
