#بقلمي : Jawhara
*********
جرى دمعي على خدودي مراحل وبعد حبك بدلالي مراحل اذا ناوي الهجر ابدي مراحل مو غفله وتقفل جهازك عليه
**********
داومت وبالي يم عمة سارة مو على بعضها اكيد لو تذكرت بيبي الله يرحمها لو هي وعمو حارث
كملت محاضراتي وأخذنا ريست انتبهت سرى اغلب وقتها اليوم وياي مو مثل البارحه والقبله بداخلي حمدت الله لأن رجعت علاقتي بيها اني احبها ماريد اخسرها
سألتني عمة سارة إذا اليوم اجت لأن مشافتها
_شوي مالها خلك ما اجت
_اها اي مابيها غير العافية زين انتي ترجعين وية السائق بيش الساعة هسة ... هيج وقت يجي
_بعد ساعة بالكثير
_ها اي لعد تعاي نتمشى شوية اليوم الجو حلو
_هههه شبيج سرى وين امشي بطني منفوخه تمشي كدامي خلينا كاعدين
_يمعودة المشي صحه من تتعبين نرجع نكعد
كمت وياها مدري شعدها بالمشي اليوم
تمشينا على طول الممر الي يودي عالبوابة الرئيسية للكلية وسرى دوختني بالسوالف على خطيبها وعائلته والبيت الراح يكمل ما انتبهت الا واحنا يم البوابة
_يله سرى وينج التفتت جانت تتصل مدري دزت رسالة مدري والله موبايلها بيدها ومدنكه بي
بقيت انتظرها وأيدي خليتها على بطني اجت مبتسمه ..
_ها لازم تعبتي فدوة هذا الكتوت ابن اخوية
تعبج
خلت أيدها على بطني تلمستها ..
_هههه عبالك حصوة شكد قوية
_هههه اي ولج غير بيها طفل ديلة خل نرجع
_وين كل عقلج ماشين هاي المسافة ونرجع مابقى شي والسائق يجي
رن موبايلها دحكت علية وابتسمت حجت بصوت ناصي يمكن خطيبها بس سلمت علية
وسدته
_هذا علاء اجى يأخذني مراح اروح وية الخط اليوم تعاي سلمي عليه اا يعني إذا تردين بكيفج
_لا سرى احراج والله
_يمعودة اصلا هياته شافج
التفتت سيارة بالشارع قريب عالبوابه رفع أيده اشرلها وهي ابتسمت اني انحرجت زحمه اصلا مشايفته بس كم مرة صح هو صديق صكر وعلاقتهم حيل قوية وهو نفسه جان شاهد على زواجنا اول مرة
عضيت شفتي ومشيت وراها .. يلة خل اسلم وارجع
من شافنه تقربنا نزل وذاك السلام الحلو والمحترم ورجع صعد وسرى وياه دك هورن وطلع بسيارته
دحكت بساعتي ماظل شي والسائق يوصل اريد ارجع يم البوابه وطبكت سيارة دفع رباعي هاي السيارة اعرفها زين رف كلبي واني اشوف صقر ينزل كاشخ كابوي ازرق وسترة بيجي على تي شيرت ابيض مبين محلق جديد حتى لحيته مخففها ولابس نظارات اني علومي ضاعت مدري شنو حسيت وهو يوكف بوجهي قريب حيل تنفست بعمق واني اسحب عطره بأنفاسي رفع أيده لابس بيها محبس فضة فصه اسود وعدل ردة الشال وبقى أيده يم راسي اني ارتبكت ورجعت خطوة ورى
_ماكو شلونك صكر
_ششلونك صرت زين
جر حسرة وذبها .. الحمدلله انتي شلونج
بداخلي اكول شلوني واني بس شفت طولك أحوالي تخربطت شلوني واني اتنفس عطرك راح اموت من كثر شوكي
_زينة مثل متشوف
_ليش واكفة هنا
_انتظر السائق هسة يجي
_تعاي اكعدي بسيارتي لما يوصل خوما تبقين بالشارع واكفه موزين عليكم انتي وابني
حجاها بكل حب خلاني اجر حسرة
_لا ميتاخر خليني هنا
نزع نظاراته وتقرب عينه بعيني عيونه تعبانه ومليانه عتب .. رهف خل عاد شوية اشبع منج شوف
عضيت شفتي وتبعته للسيارة صعدت على كيفي لأن عالية شوي. اول ما من كعدت وسديت الباب شغل سيارته وطلع التفت عليه متفاجئة بتصرفه .. صقر وين ... رجاءا ارجع
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
