بقلمي: Jawhara
*******
رفعت راسي عليه والصدمة بملامح وجهي ..صقر والله مو اني كاتبه هالشي
ولا عندي علم بهاي الصور
_ طيح الله حظج اي والله هاي وانتي متزوجة شتسوين بهيج طيحان حظ وزبالة
حيل ضجت وانقهرت لأن نظرة صقر الي تبين كاره هالبقلميشي شنو كل عقله متحملت نترت بي
_ احترم نفسك كلت مو اني فمابيها داعي لهذا كلامك يعني كل عقلك تصدك اني هيج احجي واخزن بموبايلي صور استغفر الله يارب
_ايي لعد منو يخليهن موبايلج بيدج لا تتحججين بسوالف تعبانة
ركعت الملزمة بالكاع ونزلت من الفراش وكفت بوجهه ورفعت أصبعي .. مو اني الي انزل لهيج مستوى وانت تعرفني زين
دنك ومتخوصر بيديه وضحك باستهزاء ..هه لا قنعتيني حيل فقيرة اسم الله والبلاوي هاي مو تردين ترسليها شوفي شكاتبه اقررري
عاط بية اني فزيت .. شبيك تخبلت
_انجبي ولج مو انتي الي تقشمريني لااا اني صكر وتعرفيني كول الزين
_لا والله يمكن ماجنت اعرفك
كض فكي بيده بقوة آذاني والله .. ادبسزز لا تبيعيهن براسي ولد متصل وياج وانتي راده عليه مراسلج بصور وانتي مراسلته بكلام وصور تردين اجذب عيني واني اكول شعدها قافلة موبايلها لو مخليته صامت اثاريج غركانة بسوالفج
تليت راسي .. عوفني صدوك انت متستحي والله والله مو اني جيب القرآن احلفلك
_اي كالو الحرامي احلف
رجع جرني من أيدي وعيونه تريد تاكلني
_ولك أيدي تأذيني عوفني كلت مو اني عووووفني
عطت بحركة هو رأسا ضربني راشدي اني لزمت خدي والدمعه طفرت
اشرلي بأصبعه يهز بي .. والحسين إذا متعترفين على هالساقط الا اذبحج واطم عارج
اني من سمعته هيج يحجي وعيونه تجدح شرار انجنيت شنو يعني مجاي يصدكني كمت الطم على وجهي وابجي .. خرررب حظي المصخم والله ما ادري والقرآن ما أعرفه منين اني مثلك مصدومة
عض شفته الجوة وتقرب علية اني خفت عاط بحركة وايديه تهز بكتوفي .. ولج ليش هاي تحبيبني وهيج تسوين شلووون تخونيني شلووون
دك راسه على كصتي بقوة اني دخت لأن وجعني .. لو ميت احسن ما هيج أنصدم بيج
دفعته بصدره ..
_ جاي اكولك مو اني انت ليش متصدكني شلون اخونك شلون واني احبك عاندت اهلي وتزوجتك بدون علمهم حتى لا تخسرني واخسرك تجي هسة تضربني وتتهمني
ضغط على ركبتي بيده عيوني فكيتهن لأن خنكني ومن شافني كوة اجر النفس تركني اني لاحظتها حيل خفت حسيت بطني مغصتني دنكت وأيدي على بطني وصوت شهكت البجي علت بالغرفة دحك علية نظراته طعنتني طعن انكسار على قهر رفعت راسي فوك ودعيت بصوت الرعشة واضحة بي .. يارب دخيلك يتمية ومظلومة
ما كدرت احجي كمت ابجي هو من شافني هيج مسح وجهه بيديه وطلع برا
عضيت شفتي بقوة وتلفتت بالغرفة ادور موبايلي اخذته واتصلت على عمة سارة
متحملت الي شفته وقريته لأن صدمني مجاي اصدك رهف هيج معقولة جنت مغشوش بيها مو هي نفسها الي وكفت وياي ضد اهلها وقبلت تتزوجني بدون علمهم لأن تحبني وتدري بية اني أعشقها مو بس احبها اااخ نار تاكل روحي وكلبي من جوة طلعت من الغرفة لأن ما اتحملت صوت بجيها ودعواتها ما تحملت لان مديت أيدي وضربتها معقولة اني ظالمها لعد والدليل بموبايلها ليش كم مرة اشوف موبايلها صامت لو مغلق ومن اسألها تكول نسيته لو ما ادري بي
جريت حسرة وذبيتها واني اسمع صوت بجيها
أيدي على راسي حسيته راح ينفجر من التفكير كلبي يكلي ارجع عليها أشوفها خاف تسوي بروحها شي وهي حامل وعقلي يرفض هالشي
نزلت جوة والدنيا اسودت بعيني
★★★★★★
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
