بقلمي : Jawhara
******
فتحت البيبان ادور ملابسه البدلات العسكرية مطوية ومعلكه وملابس الطلعه على جهة تلمستهن بيدي و رجعت سديت الباب فتحت غير باب اخذت تراك نيلي سديت باب الكنتور
وجاي اطلع دخل حارث وسد الباب
بررت دخولي للغرفة ..عمة سهيلة كالت انزلك ملابس
تقرب ورجله طخت برجلي دنكت اريد اطلع انطيته ملابسه لزمني من زندي ودنك همس يم اذني .. ساعديني حتى اغير ملابسي رفعت راسي ورجعت خطوة ورا هذا كل عقلة والله يا الله
_سالمين يالمدلل ساعد نفسك اني شكو
ضغط زندي بقوة .. هيج تحجين وية رجلج يا مثقفه
_حارث ترى عيب التسوي من اصير زوجتك تكدر تطلب مني هسة اعذرني ما اكدر
_والله ما لج طلعة من الغرفة إذا متسوين الاريده
عضيت شفتي بقهر وبداخلي استغفرت الله
_يلة خلصني اريد انزل
ابتسم تك خد و رفع حاجبه ..نزعيني الدشداشة
شمرت التراك عالجربايه ودنكت رفعت طرف دشداشته واني ميته خجل أيدي رجفت من لمحت بجامته الداخلية صديت صفح وكفت اريد ارفعها رجع ورا وكعد عالجرباية نزعتها على كيفي خفت اعور جرحه عيني لا إراديا راحت على صدره المبين بروز عضلاته من فانيلته البيضا والضماد المحاوط جتفه
اخذتها وسألته ..يحتاج تنغسل
رفع راسه .. شوفيها بس ما اعتقد
اني لا اراديا رفعته شميتها عطرها طيب خفيف من حسيت على نفسي رمشت وذبيتها على جهة ..اي نظيفة
يلة البس هاك
لاحظته مركز بوجهي مبتسم عرفت ليش بس غلست
ساعدته لبس وسديتله السحاب واني ادري بي يكدر بس متعمد
_اخذيها علكيها
اشر عالدشداشة ورجع نغزني .. عجبج العطر
موجود الاصلي مالته كدامج
اشر لروحه ورافع تك حاجب
اخذتها علكتها بالزاوية مارديت على كلامه
اجى يمشي وكف بصفي ..عجبتج الغرفه
رفعت راسي واني قريبه عليه ..حلوة مرتبة
مد أيده سحب شالي شمه وشمره عالفراش
ورجع حاوط خدي براحة ايده .. بس تصير احلى من راح تنوريها
فهيت على ملمس أيده الدافيه وبقيت بدون حركة واني أشوفه يقرب أكثر ويبوسني بخفة على شفتي رفع راسه وعيونه بعيوني ..اريدج تسويلي مساج لراسي
_مو ملاحظ طلباتك زادت
راح مدد عالفراش ..تعاي تعاي غطيني هسة شطلبت منج اويلي شكد بخيلة هاي واني رجال تعبان ومريض المفروض الاهتمام يصير أكثر
حسيت قصفني والله شنو ماعندي ذوق ولا إنسانية
اخذت اللحاف وغطيته وانداريت من الجهة الثانية كعدت يم راسه وحاوطته بيدية ادلك بهدوء وخفه
سمعته تنهد وغمض عيونه دنكت أكثر نزلت خصلات شعري على وجهه بعدتهن ورى اذني
_عوفيهن لا تبعديهن
فكيت عيني ماحجيت بقيت فوك العشر دقايق حسيته غفه نزلت من الجرباية بهدوء اخذت شالي ذبيته على راسي وطلعت وسديت الباب بهدوء
نزلت ورحت بالهول كاعدين يتفرجون برنامج
والجاي والكرزات
سألتني عمة سهيله .. ها عيني انطيتي ملابسه
_ اي عمة لبسهن ونام
_اي سودة عليه تعبان اليوم ما ارتاح خل ينام
أنت تقرأ
هنّ أضعف خلق الله أركانا
Romanceرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
