رواية هن أضعف خلق الله اركانا
الكاتبة Jawhara
*******
فاهي الليل يمهم حتى مابي لون
ولا بي طيف يرهم عالجفن رسمه
ماصخ مستحاهم وٱني مالح طيب
اليتبده وي غيري بروحي ما لمه
بيها اعناد روحي وي الهوى من يفوت
إذا يثكل عليّ لو موت ما شمه
*******
رفعت تك حاجب وهي تشوف رهف تتمشى بالحديقه التابعه لقسم العربي وحدها راحت عليها ..شتسوين هنا بدت محاضرة دكتور قاسم
فزت رهف وضمت موبايلها بجنطتها ..عمممة والنبي فد يوم انجلط
_اسم الله حبيبتي يلا امشي للمحاضرة
راحت رهف وسارة تمشت راحت كعدت عالمقعد ماعدها بعد محاضرات وضاجت من القسم وناس طابه طالعه يوو ملل بالها على امها اتصلت تتطمن عليها همزين مرات جيرانهم تجي الصبح يمها حجية جبيرة عمر يكضنها سوالف
_هلو ماما حبيبتي اجاي تسوين
_ سويت غدا وهسة كاعده اسولف اني وام حسين
_ماما لا تعبين نفسج عدنا بالمجمدة من اجي أطلعه احمي
_لا بنيتي خلها البامية سويتلجن كفتة بتيتة رهوفة تحبها
_عاشت ايدج يوم حبيبتي شتسوين طيب يلا مع السلامه
سدته وابتسمت الحمدلله مبينه من صوتها مرتاحه ومادام الحجية يمها اكيد تونسها بسوالفها الحلوة
حست احد يراقبها رفعت راسها وتلفتت يجوز متوهمة منو يراقبني صدوك عقلي صاير بي شي
شافت ساعتها بعد وكت على جية ابو الخط
راحت للكافتريا تشرب كابتشينو اشتهته ومن دخلت زاحمها طلاب اثنين حستهم متعمدين رفعت راسها وعكدت حاجبها .. سوو مجال على شنو هالازعاج
ردلها واحد ..اسفين أستاذة تفضلي
طلعو وغمز لصاحبه ..جان لكفتهم والله
_امشي خل نفلت هههههههه
اخذت طلبها وراحت كعدت على جهة تشربه مامهتمة لهوسة الطلاب ضحك سوالف وعالكين اغاني
_شلونج أستاذة
_هلو عيني انتي شلونج تفضلي
كعدت مقابيلها عالكرسي يفصل بينهم ميز ..اسفة خاف تحبين تكعدين وحدج
_لا عادي حبيت اخلص الوقت انتظر رهف دخلت محاضرة شعجب انتي مو وياها
رفعت تك حاجب معاجبها يغلسن عالمحاضرات لأن مرتين لكفت رهف متدخل ورزلتها
لاحظتها ارتبكت ..ها مو راسي يوجعني كلت اشرب جاي واكل لفة
_اممم شكو بيها
كامت سرى اشترت لفة وكوب جاي ورجعت
سارة محبت تتدخل شعليها هي جبيرة تعرف مصلحتها
رمشلها السائق وطلعت وعيون سرى عليها
انتظرت رهف تطلع واكفه نص ساعة وهي ماكو راحت لقسمها سالت ولد كاللها طلعت استغربت ليش ما اجت عليها وتدري بية انتظرها
برا بالكراج لمحتها هي وسرى يسولفن تمشت وصلتهم ..وين جنتي صار ساعة انتظرج
_جنت وية سرى وطلعت انتظر السايق شمدريني كلت راح الكاج هنا وتعاجزت ارجع اصيحج
_ديلا اصعدي هاي سالفة ابو الخط سالفة شوكت يصلح سيارته بهذل الطلاب وياه
رهف لأن خطهم سيارته بالتصليح صار يومين تروح بخط عمتها
سارة مأجرة وحدها رجال آدمي من شارعهم متحب تلتزم بخط طلاب وقنعت رهف تجي وياها بس ماقبلت تريد ويه البنات جماعتها هي هم عافتها براحتها
أنت تقرأ
هنّ أضعف خلق الله أركانا
Romansرغم مظهر الانثى الرقيق الا ان داخلها انثى قوية هذا حال نساء قصتنا . يصرعن ذا اللب حتى لا حراك به وهنّ أضعف خلق الله أركانا
