الفارس الأسود "سلسلة الآفعى السوداء" (مكتملة)

🛡 الفصل السابع والعشرون 🛡

" انت بأي حق تيجي تاخدة من الاوضه كدة ؟؟ انا مانعه انه يخرج... رائد يا رائد"

وقف أدهم امام أوس الغاضب بشده... والذي حضر لغرفته بدون سابق انظار بعد عودة تالا من المشي وتأكدهم ان الصغيرة بخير...

أدهم ببرود : كلامك معايا انا مش مع العيل الصغير

أوس بأستنكار : نعم ؟! وانت تطلع مين اصلًا ؟!!!!

أدهم بوحشيه : انا ابوه... انت اللي تبقي مين ؟!

شهقت آلاء بصدمة... بينما آريچ والتي كانت تجلس تتحدث مع أدهم مستغله انشغال زوجها في العمل قبل ان يأتيأوس.. عرفت ان أدهم فقد السيطرة علي اعصابه وأن كلماته افقدت أوس اعصابه هو الاخر... ليكون أوس هو اول من سدد الضربات لتبدأ متحطنه مُقيظه رائد الصغير والذي صرخ برعب لتركض الآء تضمه لها تخفي وجهها في رقبتها تتراجع للخلف وهي تري زوجي من الثيران الهائجه يتعاركان...

آريچ بحده : بس انت وهو بطلوا جنان...

في تلك اللحظة حضر آريان وعمار علي صوت الصراخ ليحاول عمار الامساك بأوس بينما آريان يحاول الإمساك بأدهم...

أدهم بجنون : علي الله اشوفك بعد كدة بتقرب منه هقتلك انت سامع..

أوس بصراخ : ده ابني اعمل فيه اللي انا عايزة انشالله اقتله...

أدهم : ده ابني انا كنت فين انت طول السنين اللي فاتت دي؟ محدش يقدر يلمس شعره واحد منه طول مانا عايش ومش معني اني سيبتهولك كام يوم ابقي خلاص بديهولك لا انسي انا كنت عايز علاقتكم تتحس لأنه ابوه علي الورق بس انت فشلت فشل ذريع و واضح جدًا انك اصلًا مش عارف تكون ولا اب يطمن ابنه ويحسسه بالامان ولا زوج عارف ياخد باله من مراته...

آريچ بهلع : أدهم ؟!!!!!! اسكت خاالص انت بتقول اييه ؟!!

أوس بعصبيه : اوعي يا عمار سيبني عليه ؟؟

آريان بحدة : بس انت وهو انتوا فكرين نفسكوا عيال صغيره ؟؟؟

" بس!!!!!!!! "

كانت تلك صرخة يحيي الحادة والتي رجت الجدران من حدتها... توقف أوس وأدهم علي اثرها كل منهما يتنفش بحدة... ترك آريان أدهم بينما نفض أوس عمار عنه..

يحيي بحزم : حصل ايه ؟!!

أوس بجنون : بأي حق يجي ياخد ابني من الاوضه وانا مانعه انه يخرج منها...

أدهم ببرود : لما يبقي ابنك ابقي امنعه براحتك ده ابني انا...

يحيي بحزم : بس يالا انت وهو.... انتوا فاكرين نفسكوا فين ؟؟ بتتخانقوا علي العيل الصغير وقدامه ؟؟؟ انتوا بتستعبطوا ؟؟؟

أدهم بحدة : زعق فيه وهو كان خايف من الدم اصلا وقاله حسابك معايا لما ارجع لمجرد انه اتكلم مع تالا بصراحه.. وخرج وسابه في الاوضه مرعوب اتصل بيا بيستنجد بيا اسيبه ؟؟ ابني انا بيستنجد بيا من اللي المفروض يبقي ابوه...