الفارس الأسود "سلسلة الآفعى السوداء" (مكتملة)

🛡 الخاتمة 🛡

~ بعد مرور عدددددد من السنوات ~

رفعت شعرها فوق رأسها بفوضويه تامه.. لتتراجع للخلف بعدها تنظر لملابسها بنظرة مقيمه... ترتدي سروالا من خامة الجينس الابيض وفوقة تيشيرت ممزق من عند الصدر والبطن باللون الاصفر واسفله ارتدت بدي باللون الأسود... اما في قداميها فقد ارتدت حذاء رياضي ابيض اللون...

ابتسم عنود برضا قبل ان تمسك بحقيبتها الصغيرة تربطها فوق خصرها لتركض بعدها خارجة من غرفتها في اتجاة الدرج... واثناء هبوطها سمعت صوت بوق سيارة فارس لتبتسم بسعادة قبل ان تركض اسرع... لتري والدتها تضع طعام فوق طاولة الطعام الكبيرة لتبتسم عنود لها راكضه في اتجاهها مقبلة وجنتها بأبتسامه...

تالا بأتسامه واسعة : صباح الخير يا حبيبة ماما

عنود بسعادة : صباح النور يا ماماتي يا حبيبتي

تالا : هو دي عربية فارس اللي كلكست دلوقتي ؟؟؟

عنود بأتبسامه واسعه : ايوه جه ياخدني النهردة هو فهد هنروح الجامعه سوي

تالا بنبرة ذات مغذي : عنووووود احنا اتفقنا علي ايه ؟؟؟

عنود وقد بهتت ابتسامتها قليلًا : يا ماماتي انتي اتكلمتي معايا وقولتيلي وجهة نظرك بس ده مش معناه اني هوافق وهقولك امين... احنا اتفقنا اني مش هخرج كتير معاهم لوحدنا زي الاول بس متنسيش اننا في نفس الجامعة وفي نفس السنه..

تالا مقاطعة : السنه اللي بتعدوها تاني يا عنود..

عنود بحنق : ماهو اللي دكتور غبي واستقصدنا بقي هنعمله ايه ؟؟؟

أوس من الخلف وهو يهبط الدرج : هو اللي غبي واستقصدكم ولا علشان غباوتكم انتم... يعني هما ولاد ويعملوا اللي علي مزاجهم عادي حضرتك بقي ايه دخلك في اللي حصل ؟؟

عنود بحنق : يا بابا يا حبيبي... دكتور وهزقني فهد ضربه الاول ولما فهد الضرب فارس كمان اتدخل ومينفعش اشوف ولاد خالي بيتضربوا واسكت ماتقولي حاجة يا ماما...

كادت ان تجيبها تالا ولكن صوت بوق سيارة فارس قاطعها لتعود الابتسامه وتنير وجه عنود والتي قبلت وجنة والدتها قائلة

عنود بسربعه : نكمل كلام في الموضوع ده لما أرجع عندما محاضرة مهمة كمان شوية.. باي يا بابا..

ركضت عنود للخارج بينما نظر أوس لتالا بنظرة ذات معني لتقول هي بتعب

تالا : دماغها قافله يا أوس كلمتها مليون مرة ومفيش فايدة اعمل ايه ؟؟

أوس بهدوء : مش عايزها تتوجع من فارس

تالا : فارس مش هيوجعها صدقني وبعدين مهو لو كان عايز يوجعها كان زمانة خطب حلا من زمان بس هو مستنيها تفوق من الوهم ده..

أوس بزهق : انا مش عارف هي شايفه ايه في ابن اخوكي..

تالا بنبرة ذات مغذي : و ابن آريچ... متحاولش تشيل منه او تخط اللوم عليه.. هو كان بيتعامل بحسن نية وانها اخته الصغيرة... عنود اللي فهمت غلط...