الفارس الأسود "سلسلة الآفعى السوداء" (مكتملة)

🛡 الفصل الأول 🛡

صوت جرس الباب اخذ يصدح فى ارجاء الشقة ليركض اخيها الصغير أحمد يفتحه لتدخل بزوبعتها صارخة بصوتها كله

سلمي بصراخ عصبي : هي فين ؟ هي فين الهانم اللي من ساعة ما اتخرجنا وهي عملالي بيات شتوي هيي فيييين ؟؟

والدة الاء بهدوء : نايمه في الاوضه ادخلي صحيها علي ما اعملكم فطار

سلمي بزوبعه وهي تركض في اتجاه غرفة الاء : لا متتعبيش نفسك يا طنط احنا هنفطر بره

دخلت سلمي لغرفة صديقتها ليقول احمد بحنق : اتنين مجانين اتلموا علي بعض

بينما في الداخل في غرفة الاء فتحت سلمي الباب بقدمها وكأنها مُخبر اداب لتجد صديقة عمرها نائمه في وسط فراشها والظلام يغطي الغرفة

سلمي بهمس : ماشي يا الاء ونعمه لوريكي علي البيات الشتوي اللي انتي عملاه ده

خرجت سلمي من الغرفة بأتجاه المطبخ لتجد والدة الاء تقف امام الموقد... توجهت حيث الثلاجة لتمسك بزجاجة ماء قبل ان تغلق الباب بعنف لتتوجه لغرفة الاء وعلي وجهها ابتسامة شطانيه ولم تمر لحظات الا وقد صرخت الاء بعلو صوتها فور ان افرغت سلمي زجاجة الماء كامله فوق رأسها

الاء بصدمة : انتي عملتي ايه ؟؟

سلمي بعصبيه وهي تضع يديها في خصرها : زي مانتي شايفه

الاء وهي مازالت تحت تأثير الصدمة : انتي دلقتي عليا مايه ساقعه ؟؟

سلمي : ااه

الاء بجنون : اه ؟؟

قالتها الاء قبل ان تبدأ في الركض خلف صديقتها في ارجاء الشقه

الاء بجنون : ده انا هقتلك يا سلمي انتي عارفه لو جالي برد انا مش بخف منه بسهوله تقومي تدلقي عليا مايه سقعه ؟؟

سلمي وقد صعدت فوق طاولة الطعام (السفرة) : مانتي اللي نايمه طول الوقت وانا عايزة اخرج وكل ما اقولك نخرج تقوليلي بعدين

الاء بصراخ وهي تحاول الامساك بصديقتها : تقومي تدلقي عليا مايه ساقعه

وهنا اتي صوت من خلفهم قائلًا

والد الاء بأستعجاب : انتي ايه اللي خرجك من كُشك الولاده بتاعك ؟!!

سلمي وهي تنظر لصديقتها بتشفي : شوفتي حتي اهلك بيقولوا ايه ؟؟

الاء بعصبيه وهي تكاد تشد في شعرها : هو انا مش اتنيلت اتخرجت ما براحتي اعمل اللي انا عيزااه بقاا

جاءت والدة الاء من خلفها تربت علي ظهرها بحنان قائله : طيب هدي نفسك انتي بس يا حبيبة ماما علشان اللي في بطنك

تعالي صوت أحمد وسلمى من شدة ضحكهما بينما وقفت الاء تنظر لهم وكأنها ستقتلع رأوسهم وقد حدث حيث اخذت في ركض خلفهم تتوعدهم بالقتل....