الفارس الأسود "سلسلة الآفعى السوداء" (مكتملة)

🛡 الفصل العاشر 🛡

~ قبل الزفاف بيومين ~

صف السيارة في مكانها المعتاد ليخرج منها اولًا ليلتف حول السيارة ليفتح الباب لها كما يفعل دائمًا مادًا يده لها لتهبط هي بكبرياء يليق بها... اشار لها بيده ان تتقدمه ففعلت ليضع يده بتلقائيه خلف ظهرها يقوضها حيث يتجهان... كان الجميع يظن ان هناك علاقه تجمعهما منذ سنوات مضت لتزداد ظنونهم عندما انتقلت هي للعيش في منزله.. بل وايضًا لفقت موتها من اجله هو.. ولكن كانت صدمة للجميع عندما تم دعوتهم علي فرحها... وكان في خانة العريس اسم رجل اعمال يشق طريقه للأعلي...

وصل الاثنان اخيرًا لوجهتهم.. حيث طلب مديرهما منهما الحضور وفور ان دخل كلاهما وجدا رجل يجلس امام المدير.. غذي الشعر الابيض رأسه...

المدير : تعالي يا أدهم انت وملك

أدهم : خير يا فندم

المدير : خير ان شاء الله.. اولاً في حد عايز اعرفكم عليه... أدهم.. ملك.. احب اعرفكم باللواء يحيي.. العميل الايطالي واللي بيراقب مراد..

أدهم بأستفسار : مراد... ؟

يحيي بجدية تامه : مراد زعيم المافيا الايطاليه... مهمتكم الجديدة..

•~•~•~•

في السيارة بعد ان انتهي الاجتماع كانت ملك صامته للغايه هي وأدهم... لم يجرأ اي منهما ان يقطع ذلك الصمت الثقيل ولكن كانت ملك هي التي لم تتحمل الصمت اكثر من ذلك فقالت

ملك : وبعدين ؟؟

أدهم ببرود : وبعدين ايه ؟؟

ملك بحدة : هتعمل اللي قالوا عليه فوق ده ؟؟

أدهم بسخرية : من امتي يا ملك واحنا بنرفض اي عمليه بتجلنا ؟؟ اهي عمليه زي اي عمليه

ملك بحدة : لأ دي غير... دي غير يا أدهم

أدهم : لا مش غير

ملك بعصبيه : بطل برودك ده يا اخي

أدهم بصوت عالي : اومال عيزاني اعمل ايه ؟؟ مهمه زي اي مهمه ايه في ايه ؟؟

ملك بقلق : أدهم دي ممكن تاخد سنين!!

أدهم بتنهيده : تاخد سنين يا ملك مسيرها هتخلص واديني فوق اشترط انك متسافريش دلوقتي... انا هسافر وانتي خليكي هنا.. لما نوصل للجزء اللي هنحتاجك فيه هبعتلك

ملك : وآلاء ؟؟

أدهم : مالها ؟

ملك بصراخ : ايه هو اللي مالها... حرام يا أدهم.. متعملش نفس عملتي... آلاء مش خالد.. مش هتسامح

صمت أدهم قليلًا قبل ان يجيب قائلًا

أدهم : لو بتحبني هتسامح...

•~•~•~•

وفي مكان اخر في منزل كان في يوم من الايام يحتوي علي سعادة.. حتي وان كانت سعادة مؤقته.. حتي لو كانت سعادة وهميه الا انه كان يحتوي علي زهرتين ملئتي البيت بروحيهما.. احداهما ماتت في ريعان شبابها والاخري اختفت وكأن الارض انشقت وبلعتها...