حبي حطم غرورها ( لهدير دودو )

الفصل العاشر

كارمن نظرت له بعدم فهم و لكنها قالت بلا مبالاه : خلاص براحتك مش هنفضل نتعازم انا كنت عاوزة اقولك انك عارف ان انا مش بحبك و لا عمري هحبك و بابا اللي غصبني على الجواز منك و انا لما جيت اقولك انت قلتلي عارف بس انا مش عاوزة اعيش حياتي زي كدة واحد متحوزني شفقة و انا مغصوبة عليه انا عاوزة شخص يحبني عشان كدة انا قررت نفضل مع بعض ست شهور و بعدين نتطلق و نخلص من الموضوع دة و طبعا انا في الفترة دي زي اختك يعني مش مسؤولة عن حاجة من اللي في دماغك كانت تتحدث و هي غير مبالية بمشاعر احد مثل ما حدث معها زمان

اما يوسف فظل مكانه غير قادر على النطق بحرف واحد فهو بالفعل غصبها على الجواز و لكنه لا يقدر على ان يغصبها على اي شئ اخر كيف سيغصبها على ان تحبه
فقال لها بهدوء عكس ما بداخله : ادخلي الاوضة يا كارمن عشان تغيري الفستان و تنامي

لم تعرف احست كارمن بالندم لبعض ما قالته و لكنها كانت تتمنى ان يكون بيحبها مقل ما هي بتحبه غير كدة لا مش عاوزاه يتجوزها لمجرد انه عاوز يسكت الناس زي ما باباها قال و وافق و احست بالضيق فهو لاول مرة يناديها بكارمن و لكنها قالت : انت مش كنت عاوز تقول حاجة ما تقول

يوسف لنفسه : لا خلاص بقا اللي كنت عاوز اقوله مش هينفع يتقال ثم قال لها بصرامة  : خلاص قلتلك يلا روحي اوضتك و غيري هدومك عشان انا عاوز انام

كارمن بتساؤل : ليه و انت عاوز ايه من الاوضة ما تنام

تنفس يوسف و قال : عاوز انام ايه اللي مش مفهوم

كارمن بعصبية : اه ما انا فاهمة انك عاوز تتام بس انت هتنام ليه في الاوضة هو انت مش سمعتني بقولك انك اخويا يبقى مش هتنام في نفس الاوضة اكيد

زفر يوسف بضيق و قال بصوت حاد : ادخلي جوة يا كارمن يلااا بدل ما اتعصب عليكي اكتر

دخلت كارمن الغرفة و بدلت فستانها و لبست قميص قصير كعادتها

اما يوسف برة كان قاعد متعصب جدا و افتكر كلامها و هي بتقول انها عاوزة شخص يحبها و بتحبه فجه في دماغه مازن فقال بضيق : يااه يا كارمن للدرجة دي لسة بتحبيه بعد اللي عملوا فيكي مش قادرة تكملي حياتك من غيره قال و انا اللي فاكر ان اول ما اقولك اني بحبك من زمان الدنيا هتتظبط معانا لكن للاسف طلعت لا قال الجملة الأخيرة بتوجس

فاق على صوت كارمن الواقفة أمامه تقول له : قوم يلا يا يوسف عشان تعير هدومك و ناكل دة ماما و طنط شادية مطلعين لينا اكل حلو اوي

يوسف و هو ينظر بدهشة لما ترتديه ثم قال لنفسه : يا نهار اسود دي لو قاصدة تموتني مش هتلبس كدة
ثم قال لها و هو يقترب منها بتحذير : ادخلي يا كارمن البسي حاجة كويسة بدل ما هنسى كلامك اللي لسة قايلاه

كارمن و هي تنظر للبسها و قالت باستنكار : و ماله لبسي بقا ما انا هاكل و اقعد شوية و ادخل انام اصلا