صحى يوسف على صوت خبط على الباب فعرف ان اكيد حد جالهم قام بسرعة عمل السرير و هو عاوز يجيب كارمن من شعرها عشان حطته في الموقف دة و راح فتح لاقى خالته و هند و والدته و اهل كارمن كمان
يوسف بابتسامة : اهلا و سهلا اتفضلوا
سماح بغيظ : كل دة عشان تفتح
يوسف : معلش كنا نايمين
دخلوا كلهم
خديجة بتساؤل : امال فين كارمن
يوسف : معلش نايمة هدخل اصحيها
و دخل صحاها بصعوبة قامت كارمن و لبست قميص قصير و روب عليه عشان تغيظ هند و حطت ميكب و خرجت لهم
قالت بابتسامة : اهلا و سهلا ازيك يا طنط شادية عاملة ايه
شادية : الحمد لله كويسة
ثم جلست بجانب والدتها و اسيل جريت عليها
اسيل بطفولة : شوفتي يا كوكي بليل كنت عاوزة اطلعلك بس مامي و تيتا مش راضيين
كارمن بضحك : معلش يا سوو انا هخليهم يسيبوكي تطلعي براحتك
سماح بغيظ : مفيش حاجة نشربها و لا ايه يا ست كارمن
كارمن ياستفزاز : والله مش عارفة بس المطبخ اهه ادخلي شوفي لو لاقيتي هاتي ثم قالت باستفزاز اكتر اصل انا لسة عروسة و تعبانة مش قادرة والله دة انا قايمة من على السرير بالعافية فاكيد امبارح مكننش قاعدة بكتشف في التلاجة
كان كلامها كفيل على غيظ هند و سماح بدرجة كبيرة و احراج يوسف
قعدوا شوية و نزلوا
يوسف لكارمن : ايه يا كارمن اللي قولتيه دة
كارمن بلا مبالاه : و انا قلت ايه .. انا فعلا تعبانة و مش قادرة اعمل حاجة يعني مكذبتش عليهم
يوسف بسخرية و غيظ مكتوم : ليه ان شاء الله عملنا ايه امبارح دة احنا اكلنا و نمنا بس و ياريتك كمان انت اللي عاملة الاكل
كارمن : لا طبعا دة انا واقفة امبارح طول النهار و غير الفرح ايه مغيش احساس
يوسف بسخرية : لا طبعا ازاي في احساس
"""""""""""""""""""تحت عند شادية قاعدة مع سماح و هند
سماح بغيظ : بت قليلة الادب صحيح شايفة يا شادية بتقول لنا ايه
هند بتأييد : فعلا يا ماما معاكي حق ... بس هي كدة على طول الله بكون في عونك يا خالتو
شادية بضيق : خلاص بقا ربنا يهديها و بطلوا تتكلموا عليها دي مهما كانت مرات ابني بردو هقوم انا اعملكم حاجة تشربوها
و قامت اتجهت الى المطبخ
هند بغيظ : شايفة يا ماما اختك بتدافع عنها ازاي
أنت تقرأ
حبي حطم غرورها ( لهدير دودو )
Romanceهي ذات شخصية عنيدة، متكبرة،و مغرورة، تعيش في عالم اخر.. عالم منفصل عنه... عالم لا يليق بها، ارسلها القدر اليه، كان هو منقذها الذي بدَّل لها حياتها، و أعادها إلى طبيعتها.... الكاتبة : هدير دودو
