""""""""""""" عند كارمن كانت جالسة مع قمر
قمر بتساؤل : ها يا كارمن .. عاملة ايه مع يوسف
كارمن و هي تتذكر تعاملهم مع بعضهم في تلك الايام الاخيرة ثم قالت بحب غير واعية بشئ اخر : احنا الحمد لله كويسين اوي ... و انا قررت اتعامل معاه طبيعي زي الاول و هو كمان بنتعامل عادي زي ما كنا عادي بقا فهماني ... و كمان بقيت بثق فيه اوي و متاكدة انه عمري ما هيخيب ثقتي دي ابدا و هو اصلا حنين عليا اوي
قمر و هي تصقف لها ثم قالت بسخرية و مزاح : الله الله على الحب يا ستي.. مش دة يوسف اللي كنا بنشتم عليه من كام يوم
كارمن و هي تقذفها بالوسادة الصغيرة التي كانت في يديها ثم قالت : غوري يا بت انا غلطانة اصلا اني جيت ليكي و قولت اكلم واحدة زيك
قمر بمزاح و هي تتصنع الصدمة : يلاهوي يا كارمن بقا بتقلبي عليا بعد كل دة... عيب كدة على فكرة دة انا عارفة عنك كل حاجة حتى صحبتك و اختك و كله
كارمن : ما خلاص يا ماما كفاية دراما شوية و انا قولتلك حاجة انا عشان كل دة
ظلوا يمزحون مع بعضهم .. ثم صعدت كارمن الى شقتها
و لكن قامت شادية بالنداء عليها
كارمن بابتسامة فهي تعرف بأن شادية غير راضية عن زواجها من بوسف و لكنها لا تعيرها اهتمام و قالت : ازيك يا طنط شادية وحشاني اوي والله
شادية بسخرية : اه طبعا ما هو عشان كده بتسألي عليا على طول صح
كارمن بابتسامة باهتة و قالت : معلش يا طنط شادية بس حقيقي مش فاضية بعد كدة هبقى اسأل عليكي اكيد طبعا ....
شادية : و مش فاضية ليه أن شاء الله ..انت وراكي حاجة على طول عند اهلك شوية او عند قمر و تطلعي قبل ما ابني يجي بمفيش تعملي الاكل عشان ميعرفش حاجة عنك و انا شايفة و ساكتة و انت عمالة تمثلي على ابني انك قاعدة على طول
كارمن و هي تنظر لها ثم قالت بعصبية و ضيق من تلمحيتها الواضحة : مين دي اللي بتمثل .. يا حبيبتي يوسف عارف كويس انا بعمل ايه و بروح فين و انت بنفسك عارفة انه عارف و لو مش عارفة كان زمانك قايلاله من بدري اصلا دة انت ما هتصدقي انه يتخانق معايا ..
شادية و هي تزعق لها ثم قالت بصوت عالي : ايه يا بت دة احترمي نفسك ازاي تكلميني كدة و انا هستفاد اية لما اقوله... انا فعلا مش طايقاكي و مش عاوزة تكوني مرات ابني يوسف و اتمنى واحدة غيرك تكون هي مراته واحدة محترمة تحافظ على اسمه لكن برضو مش بخرب عليكي و لا حاجة. ..و لا حتى عملتلك حاجة
نظرت لها كارمن و احست بالضيق من كلامها ثم قالت : و انا محترمة غصبا عن اي حد و عارفة كويس احافظ على اسم جوزي ثم تركتها و صعدت على شقتها و هي تشعر بالضيق الشديد من كلامها عليها و نظرتها لها بهذا الشكل....
أنت تقرأ
حبي حطم غرورها ( لهدير دودو )
Romansهي ذات شخصية عنيدة، متكبرة،و مغرورة، تعيش في عالم اخر.. عالم منفصل عنه... عالم لا يليق بها، ارسلها القدر اليه، كان هو منقذها الذي بدَّل لها حياتها، و أعادها إلى طبيعتها.... الكاتبة : هدير دودو
