حبي حطم غرورها ( لهدير دودو )

الفصل السابع عشر 💗💗

عند كارمن كانت في السيارة هي و يوسف متجهين إلى المنزل بعدما قضوا يوم سعيد بالنسبة لهم ففاجأة هتفت كارمن موقفة يوسف من استكمال السواقة و قالت بمرح و طفولة : يوسف ايه رأيك ننزل نشتري ايس كريم بقالي كتير مأكلتهوش من ساعة آخر مرة خرجت فيها مع سوو

اوقف يوسف السيارة و نزل أشترى لها الايس كريم

بعد ما أكلته كارمن قال يوسف متسائلا : لسة بتحبي الايس كريم يا كوكي

كارمن قالت بخجل : بصراحة اه مش بقدر استغنى عنه دي الحاجة الوحيدة اللي مش هعرف اصلا ابطل أكلها

يوسف و هو يرفع وجهها ثم قال: طب و انت يا بتتكلمي كدة ليه ... طب ما انا عارف انك عمرك ما هتبطليه اصلا ثم قال متسائلا عاوزة حاجة تاني يا كوكي قبل ما نروح

كارمن و هي تنظر إلى الساعة ثم قالت بخوف : لا يا يوسف يلا نروح الساعة قربت تدخل على ١٢ و النور بيفصل و انت عارف ان انا بخاف من الضلمة اصلا

ضحك يوسف بشدة حتى ادمعت عيناه ثم قال لها : نور ايه يا كوكي انت هبلة ... كنت عارف انك هتصدقي

نظرت له كارمن بعدم فهم ثم قالت : يعني ايه و قصدك ايه بالظبط عشان مش فاهماك بجد

يوسف بتوضيح : يا كوكي يا حبيبتي مفيش حاجة اصلا اسمها النور بيفصل كل دة انا قولتهولك عشان تبطلي تتأخرى لما تخرجي و ترجعي بدري

اما كارمن فقالت بضيق و انفعال: اه طبعا يعني انا غبية قدامك دلوقتي و مش انت بس لا دة انا قولت لبابا و ديجة و قمر كنت كل شوية اقولها عشان النور .. عشان النور و في الاخر انت تطلع بتضحك عليا اصلا

يوسف و هو يحضنها ثم قال بنفى : لا طبعا مين دي اللي غبية .. انت عنيدة يا كوكي لكن مش غبية و مبتجيش بالعند و اصلا محدش عارف حاجة يعني خليهم يصدقوا احنا مالنا

ضحكت كارمن ثم قالت : طب يلا بقا يا يوسف عشان نروح بدل ما احنا عاملين كدة في الشارع المنظر مش لطيف خاالص على فكرة

اومأ لها يوسف و هو يضحك ثم بدأ بتشغيل السيارة مرة اخرى و وصلوا الى البيت

"""""""""""""""" ملك كانت قاعدة بتكلم سامح

سامح بحب و فرحة : انا مش مصدق بجد يا ملك ان خلاص فرحنا بعد كام يوم كل ما اجي اعمله الاقي حاجة تعطلنا

شعرت ملك بالخجل و قد احمرت وجنتيها ثم قالت لتغير الموضوع : صحيح يا سامح انا بكرة هنزل عشان اختار فستان الفرح و كدة

سامح بتساؤل و اهتمام : في حد هيجي معاكي و لا هتنزلي لوحدك

قالت ملك بعدم معرفة : والله لسة مش عارفة بس ممكن انزل انا و كارمن او لوحدي بقا عشان انت عارف عليا مستحيل تيجي معايا

سامح باهتمام و جدية : طب لو هتنزلي لوحدك قوليلي عشان هاجي معاكي

اجابته ملك بالموافقة و ظلوا يتحدثون في عدة مواضيع عن حياتهما و مستقبلهما اما عليا فكانت جالسة تراقب ملك بنظرات مليئة بالحقد و الكره نعم فهى تحقد على اي شخص سعيد في حياته و تحمل الجميع نتيجة اختياراتها الخاطئة التي لا ليس لهم دخل فيها فهى من اختارت اختيارات خاطئة ما ذمبهم هما ثم قالت لنفسها : شايفة هما كل واحدة عايشة حياتها ازاي و انا اللي قاعدة بالزفتة دي كانت تقصد اسيل بنتها و لا كاني عندي مية سنة بس والله يا كارمن ما هسيبك زي ما انت خطفتي مني رؤوف و بعدتيني عنه انا كمان هبعدك عن يوسف و يبقى خلصنا بس يارب خطة مازن تنجح و انت اصلا متسرعة فأكيد هتنجح و دة غير انك انسانة مغرورة و *****