حبي حطم غرورها ( لهدير دودو )

الفصل السابع و عشرون (الاخير😻)

فاقت كارمن على الساعة السادسة مساءا و لبست ثم خرجت متجهة الى صديقتها قمر و لكن اوقفها صوت والدتها التي قالت لها متسائلة : انت رايحة فين يا كارمن
ابتسمت كارمن ثم قالت : مفيش يا ديجة هنزل لقمر شوية و بعدين هروح للدكتور

اومأت لها خديجة ثم قالت بحنان : معلش يا بنتي مش عاوزاكي تزعلي من عليا هي بس تلاقي عندها مشاكل او حاجة انت عارفة

لتبتسم لها كارمن ثم قالت بسخرية : اها فعلا عندها مساكل فحبت تبوظلي حياتي و النبي انا تعبانة و مش قادرة اعمل حاجة انهاردة انا سيبتها عشان مش لاقية حاجة اقولها لكن هي اصلا مش محترمة مريضة

لتنظر لها خديحة غير واحدة ما ترد به عليها ثم قالت : خلي بالك من نفسك يا حبيبتي لتبتسم لها كارمن و تخرج
رأها يوسف فينده الى والدته كي تسألها الى اين ذاهبة جاءت شادية ثم قالت لها : ايه يا حبيبتي انت رايحة فين كدة ... شكلك تعبان

ردت عليها كارمن بامتعاض فهي تعرف ان يوسف هو من يريد يعرف اين ذاهبة قائلة : مفيش يا طنط شادية انا رايحة لقمر صاحبتي و هروح للدكتور قوليله بقا ملوش دعوة بيا

لتبتسم شادية بخجل ثم قالت : ربنا معاكي يا حبيبتي يارب ...

نزلت كارمن تتجه الى شقة صديقتها التي اول ما فتحت لها قامت باحتضانها ثم قالت بعتاب : كدة يا كوكي كل دة متسأليش عليا دة انا كنت هتجنن عليكي و جوزك البارد كل ما اسأل يطنشني و بيعاملني بطريقة مش كويسة مش فاهمة ليه كأني قاتلاله حد من عيلته دة انا كنت لسة اول ما عامر يجي هطلعلك و امري لله

لتبتسم كارمن ثم دخلت و قالت لها : تعالي يا اختي تعالي و انا اقولك في ايه دول كانوا يومين ما يعلم بيهم الا ربنا اصلا

لتسألها قمر باهتمام و قلق : ليه يا حبيبتي احكيلي

قصت عليها كارمن كل ما حدث معها منذ نزولها من شقتهم حتى الان

لتشهق قمر بخضة و قالت : يلاهوي يا كارمن والله يا حبيبتي انا قلبي كان حاسس ان في حاجة معاكي بس مكنتش قادرة و لا عارفة اوصلك بقا كل دة يطلع من عليا و هند و مازن بس بصراحة بقا عليا بجحة و بجحة اوي كمان هتعملي ايه معاها

كارمن : و لا حاجة يا بنتي سيبيها تعمل اللي هي عاوزاه انا كدة كدة هتطلق من يوسف

نظرت لها قمر ثم قالت متسائلة بعدم تصديق : بجد يا كارمن .. هتسيبيه انا طنت فاكراكي بتقوليله اي كلام بس ليه

نظرت لها كارمن بانفعال و غيظ ثم قالت : يا سلام بعد كل دة و لسة بتسألي عمل ايه امال لو مكنتس لسة حكيالك كنت هتقولي ايه بقا

قمر بهدوء محاولة تهدئتها : اهدي بس يا كارمن انا بقول كدة عشان هو فعلا مش ذنبه شوفي انت يا كارمن لما شوفتيه قبل كدة حسيتي بايه و بعدتي عنه خالص ازاي و لاحظى انه مكانش جوزك و لا حتى خطيبك و لا في أي حاجة ما بينكوا لكن هو بقا هو جوزك و انت مراته و اكتشف انك بتمثلي عليه المفروض يعمل يصقفلك مثلا و يعطيكي جايزة