حب داخل الحرم الجامعي

البارت ال١٦

البارت ال١٦
حب داخل الحرم الجامعي
هند الصالحي
.......................................
اه يا انت
حبك يجمد الدم في اوصالي
فانت الحاضر والماضي وكل الاتي
انت نسياني وكل ذكرياتي
انت الحياة والامل وانت كل احزاني
وضعتك سرا دفينا في قلبي
ﻻ اسرد قصته ﻻحد
ولكن ان سمعت اسمك صدفة
فضحتني دقات قلبي قبل لساني. بقلمي هند
.................. .......................

دونك ايامي لها طعم المر
وﻻ اعرف سنيني كيف تمر
اوقات روتينية اقتلها بكر وفر
كلماتك وهمساتك وضحكاتك
هي لي كالشهد في كاس المر
انا احبك لذا انا على قيد الحياة
وهذا هو كل مافي الامر...... بقلمي هند
..................................
ربما كان عشقي لك كعشق
يعقوب ليوسف ففقدتك

................. ......... ............
جسار: بعد تقريبا ٣ اشهر  من سقوط الحكم في بغداد بدأت الحياه ترجع لطبيعتها.. ورجعت اني لمحل حجي صالح وبدوا يعلنون عن العودة للدراسة حتى لو بشكل خجول المهم تبدي الحياة.. تقريبا شهر اشتغلنا والحمد الله ماشيه الامور.. وبيوم واني طالع للمحل لان المحل مسافة ١٠ دقايق من بيتنا لاحظت قوة شرطة مطوقة المنطقة بذاك الوقت بدأت بعض مراكز الشرطه بالدوام اني مااهتميت بقيت أمشي لحد ماوصلت للدكان

سلام عليكم حجي

حجي صالح؛ عليكم السلام وليدي.. شخباركم

جسار: الحمد الله برحمته الواسعه.. خوما تريكت حجي.. الوالدة اليوم شلون خبز صاج بغدادي مسويه وهاي ترمز  جاي  وگالت انت والحجي تتريگون سوه

حجي صالح: رحمه والديك والله مامتريگ گلبي علمني... تعال

جسار: والله صبيت الجاي وتريگنا اني والحجي ومن صارت ٨ ونص مانحس الا قوة من الشرطة دخلت للمحل وحاوطوا المنطقة

ضابط الشرطه: سلام عليكم

حجي صالح؛ عليكم السلام

الضابط : حجي عندك عامل اسمه جسار رؤوف

جسار: هنا اني الي جاوبت.. نعم اني جسار تفضل

الضباط؛ تمام اخذوا اكو شكوى مقدمة عليك من جهات عليا.. لازم تجي ويانا

جسار: شكوى عليه اني.. منو مشتكي

حجي صالح : ابني اكيد انت غلطان جسار ماكو افقر منه وماله علاقه باحد

الضابط: هاي تعليمات اخذوا يله

جسار: وتم القبض عليه ومااعرف بيا حجة.. ومن دايخلوني بسيارة الشرطة صبار اخوية جا ركض من شافهم ديصعدوني

صبار: سيدي وين ماخذين اخويه.. شمسوي

ضابط: عليا شكوى من جهات عليا

جسار: صبار حبيبي انتبه على امي ورائدة لاتعوفهم اكيد سوء فهم وكله ساعتين وارجع
والساعتين صارت شهر انذبيت سجن.. وباليوم ينطوني وجبه وحده.. لا تحقيق ولا شي رغم هذا بقيت محافظ على صلاتي واستغليت الوضع وبديت اصوم يوميه وافطر بالاكل الي يجيبونه.. تعذيب جان على البارد شهر لا تحقيق لا اشوف احد لا احد يشوفني شنو الموضوع ماادري اهلي شصار بيهم ماادري عقلي تعب من التفكير.. وبالاخير وكلت امري لله.