حب داخل الحرم الجامعي

تكملة البارت الاخير

حب داخل الحرم الجامعي
تكملة البارت الاخير

جسار؛ بعد فترة ٥ اشهر ردت اقدم طلب لم شمل وتواصلت وية رؤيا واتصلت بيهم على السكايب... هلوو رؤياي شلونج

رؤيا؛ لو عرفانه السفر يخليك تتغزل بيه جان من زمان سفرتك

جسار؛ هههه ها هسة طلعت مو زين.. يابه ارسي على بر لو سوري لو عراقي .. المهم شلونج شلون صحتج صحة الطفل

رؤيا؛ الحمد الله زينين بس هي بنت مو صبي

جسار؛ الحمد الله المهم تمام الخلقة اي شي نعمة.. المهم رؤيا بلغي رائد يدز اوراقك الرسمية حتى امشي بأجراءات الطلب

رؤيا؛ حياتي بس اني قررت ابقى هون ومااسافر معاك مابقدر

جسار؛ يعني شنو ماتجين لهنا من كل عقلج انت بابا. وبنتي شلون مااشوفها

رؤيا؛ لا تشوفها اكيد وانت الي تختارلها الاسم بس اني مابقدر اجي معاك اسفة

جسار؛ رؤيا شنو الي خلاج تغيرين موقفج

رؤيا؛ حياتي انت استقر بشغلك واكيد من تاخذ الاقامة تقدر تجي لهون وتشوفنا...

جسار؛ ماشي واذا غيرتي رأيج بلغيني تمام.. يله اني اروح عندي شغل.. مع السلامة

رؤيا؛ مع السلامة.. بوقتها اني رفضت السفر لان كنت مقرره ادخل جسار بأختبار اذا نجح استمر وياه واذا رسب قررت بعد الولادة اطلب الطلاق منو.. ومرت شهور الحمل وجسار بيتصل مرة بالشهر ودايما مشغول مابعرف بشو.. ومن ولدت بقيت على قراري انه هو يختار الاسم.. وبلغني اسميها سارا واني ما عارضت لكن الغريب بحياته ما ناداها سارا كله بيحكي سارونة.. بعد ماصار عمر بنتي سنة قررت انفصل عن جسار لأني تاكدت انه بالنسبة لجسار مو اكثر من زوجة وام لبنتوه... وبعد مجادلات روتينية تم الانفصال بينا وصار جسار ابو بنتي بس.. اني فضلت خبي حبي له بداخلي افضل مااجبروا على انه يعيش حياه مفروضة عليه...

جسار؛ رؤيا فاجأتني بطلب الأنفصال وانا كثير حاولت ويايه بس بدون فايدة وتم الأنفصال وبنتي صار عمرها سنة وانا بس اشوفها بالاسكايب... والتزمت بواجبها ادز مصرف بنتي.. وبعد مدة قليلة من الانفصال.. بيوم تعرفت على سيدة اعمال عراقية عدها شركة تجميع حواسيب في الامارات وكانت جاية تتفق على بضاعة من معملنا يعني تاخذ بضاعة من معملنا هو صح درجة ثانية بس شغلاته اصليه وبهذه المدة صاحب المعمل انتبه على ذكائي وشغلي واكيد مرات تسبب الاسباب وترفعت مسؤول مبيعات ومنها تعرفت على حلا سيدة اعمال بعمر ال٣٠ يعني اكبر مني بس من كثر مامهتمة بنفسها مامبينا وصار التعامل مرة واثنين وكثرة جياتها بالسنة وزادت علاقتنا الى ان وصلت للزواج لكن بطلب منها كان زواج بعقد سيد مثل ماهي رادت واستلمت فرع شركتها الي بكندا كان فرع بسيط وخلال سنتين وبجهود ذاتية اني وليث اصبح للمعمل اسم وزادت الارباح وكل زيادة بالارباح كانت حلا تصر انه اني اخذها الي وبيوم مااعرف السبب قررت حلا انه نعلن زواجنا الي استمر ٣ سنوات وشويه وخلالها تعبت جدا وياها بدت كل فروعهم تكسب اكثر واكثر وبسنة ٢٠١٦ وللاسف تعرضت حلا لحادث سيارة وتوفت وحسب وصيتها تركت الي فرع مصنعهم الي بكندا وباقي املاكها لاهلها... المهم اني هم كنت اشيل نسبتي من الارباح ووسعت شغلي بفتح فرع بالعراق وخليت ادارته بيد صبار وخلال اربع سنوات اشتغلت مثل انسان الي گدرت افتح اكثر من فرع واشترك بمعارض وخلال هذه السنوات لحد ٢٠١٨ تزوجت مرتين بعد بنفس الطريقة زواج مسيار وبعد مدة ننفصل.. بكل الطرق حاولت انسى سارا ما گدرت... واليوم اني جسار الزين من بعد تعب وغربة ١٤ سنة وصلت لهذا حالي ومازلت بداخلي احس ناقصني شي
..................